اولياء الامور : مستقبل أولادنا سيظل في خطر مادام لا مسئول يراقب ولا يهتم
خلود عاشور
محافظ الجيزة يطمئن على طلاب الصف الأول الثانوي في اليوم الأول من الامتحان التجريبي بزيارته الي مدرسة السعيديه الثانويه العسكريه بنين التابعه لإدارة جنوب الجيزة التعليمية يرافقة خالد حجازي وكيل الوزارة و مدير المديرية ومدير عام الإدارة ومدير المدرسة وذلك للاطمئنان على ابنائه طلاب الصف الاول الثانوي في اليوم الأول من الامتحان التجريبي على اجهزه التابلت، حيث قام سيادته يتفقد اللجان الامتحانيه وقام بمناقشة الطلاب حول تجربه التابلت و حيث افاد الطلاب انها تجربه فعاله ومتميزه وستعمل على تطوير المنظومه التعليميه في مصر و سعد سيادته بآراء الطلاب متمنيا لهم التوفيق والنجاح وهذا جعل جميع أولياء الأمور يندهشون " عشان المحافظ ذهب إلي مدرسه تم فيها امتحان ولا ما الذي حدث ؟ " .
بدأ طلاب الصف الأول الثانوي اليوم امتحان اللغة العربية على التابلت وظهرت العديد من الشكاوى من ضعف الإنترنت بالمدارس وقلق جميع الطلاب واولياء الأمور .
جميع اولياء الأمور من مختلف المدارس يصيبهم نوع من الصرع علي مستقبل أولادهم الذي يشكل نوع من القلق والتوتر علي مستقبلهم " حتي لو أمتحان تجريبي ميحصلش كده حصل النهارده كده في امتحان التجريبي هيحصل كده بكره في أمتحان آخر السنه " ستظل وزاره التربيه والتعليم في إهمال إتجاه أولادنا بالمدارس إلي متي ؟ .
قالت ولية أمر من مدرسة هضبة الاهرام الثانوية لغات ادارة الهرم الجيزة أن الذي حدث يعتبر نوع من مهزله وقائلة " ابنى راجع منهار من جريهم وراء المدرسين طول اليوم ومحدش عارف حاجة والمدرسة بتقول لهم مليش دعوة قشروا بيض " أولا اكواد غلط ثانياً سيستم واقع ومحدش امتحن .
وصرح ولي أمر من مدرسه دسوق الثانويه بنات أن " مفيش حد أمتحن ورجعو الولاد محبطين من اول يوم امتحان تجريبي " والامتحان مشتغلش على التاب النظام اثبت فشله حرام عليكم .
وأشادت ولية أمر من مدرسه امبابه الثانويه العسكريه قائلة " حسبي الله ونعم الوكيل ابني رجع من المدرسه ولم يمتحن لان السيستم واقع حرام اللي بيحصل فينا " وتدمير مستقبل ولادنا عاوزين حل يامعالي الوزير .
وأشارت ولي أمر من مدارس أسيوط أن السيستم واقع في كل مدارس مش عارفين نقول ايه وقالوا " للأولاد الامتحان شغال لغاية 9 بليل روحوا في كافيه فيه نت وامتحنوا هناك " .
وأشارت ولية أمر من مدرسة الجليل الرسمية لغات الامتحان " ماوصلش علي التابلت وكل الطلبة روحوا من غير امتحان السيستم واقع " .
وأكد ولي أمر ان لا يوجد إيجابيات وفي نظام الجديد كل النظام سلبيات وتوتر وحرقة دم " ابنى فى تجريبى حلوان راح الصبح الامتحان وممتحانوش ومازال السيستم واقع ولحد الساعة ٢الضهر مستنيين يمكن يرجع السستم وفى الاخر الاولاد روحو ومافيش اى طالب امتحن فى المدرسة ممكن نعرف ده اسمة ايه غير نظام فاشل وحسبنا الله ونعمة الوكيل " .
وأكد ولي أمر من مدرسة زين العابدين للغات حلوان حصل نفس الموضوع السيستم واقع مفيش امتحان الاولاد فى الحوش المدرسة " هرج ومرج وقالهم لما تروحو البيت حاولو ومفيش اى حاجة ابن اختى فى المنصورة نفس المشكلة عايزين نعرف اخر الموضوع " .
وقال ولي أمر لو عايزين سلبيات اكتر الطلبة قعدت في الكافيهات وصرفت فلوس بالساعات ومفتحش النت وراحوا دروسهم خسروا فلوس ووقت وتوتر ومفتحش امتحان هو ده التطوير بتاع الوزير .
وقال طالب انا من مدرسة اللواء مصطفي الخطيب الرسمية للغات ستة اكتوبر السيستم عندنا وقع والدنيا وقفت على رجل واستدعينا رئيس التطوير التكنولوجي بالإدارة علشان يحل المشكلة لكن السيرفرات وقعت والامتحان راح على جميع الطلبة .
وأشارت ولية أمر من مدرسة الدواوين الخاصه اخر فشل وبلطاجه ومفيش اي اداره ولا سيطره علي الاولاد غير بالضرب و مفيش امتحان أو الشبكه مجمتعش كان اليوم المفروض يمشي عادي والمدرسين التزموا بالشرح وحصص يوم عادي بدل الفوضه اللي حصلت و سوء إدارة من كل الاتجاهات ويرجعوا يقولوا عيال مش متربيه .
وأوضح ولي أمر من مدرسه الصديق الرسميه شرق مدينه نصر لا يوجد امتحانات ولا اكواد كل الاكواد غلط وأصبح لا يوجد تدريب على التابلت " مفيش نت مفيش شرح حتى في العادي حاجه كده ".
وأكد ولية أمر من إدارة العمرانية في مدرسة مصطفى كامل الامتحان لم يفتح " روحوا امتحنوا فى البيت السيستم واقع " .
يطالبون جميع أولياء الأمور بالغاء هذا النظام الفاشل ونرجع تاني للثانوية القديمة لازم كل أولياء الامور تتحرك ونوصل للمسؤلين ورئيس الجمهورية لالغاء النظام الفاشل حرام أولادنا مش فئران تجارب لنظام فاشل من قبل ميبدأ
