«فانز محمد صلاح» عقب اعتذاره: كلكم مستهترون.. وتضامنكم مع «المتحرش» ضيعنا
الجمهور لصلاح: "لازم تتعلم من أخطاءك ومتتدخلش في شغل الاتحاد"
نرمين: "إحنا معاك وفي ضهرك عشان انت فخر مصر والعرب"
بعد أكثر من 24 ساعة من خسارة المنتخب المصري أمام نظيره جنوب إفريقيا بهدف نظيف، وخروجه من الدور الـ16 لبطولة كأس الأمم الإفريقية التي تستضيفها مصر، خرج اللاعب محمد صلاح، نجم منتخب مصر ونادي ليفربول الإنجليزي عن صمته وعلق على هزيمة الفريق المصري.
اعتذار محمد صلاح
وقال محمد صلاح في تغريدة على حسابه الرسمي بموقع "تويتر": "حزين جدًا لخروجنا المبكر من كأس الأمم الإفريقية.. كان نفسنا نكمل المشوار سوا للآخر ونجيب البطولة لجماهيرنا الوفية، اللي لازم أشكرها شكر كبير على الدعم المعتاد منهم وإن شاء الله نتعلم من الأخطاء اللي وقعنا فيها، والتوفيق للمنتخب فيما هو قادم".
https://twitter.com/MoSalah/status/1147988050108194817
وخلال ساعة فقط، حظت التويتة الخاصة باللاعب محمد صلاح على أكثر من 28 ألف إعجاب، وألفي مشاركة، و6 آلاف تعليق، ما بين مشجعا لصلاح على الاستمرار في النجاح دون النظر إلى الماضي، وبين مطالبات بمحاسبة المخطئين.
نتيجة التضامن مع المتحرش
وقال سميرة إبراهيم في تعليقها: "ده نتيجة طبيعية للغرور والتضامن مع التحرش، أتمنى تكونوا اتعلمتوا من الخطأ والافضل لك تعتذر عن تضامنك مع المتحرش عمرو وردة يا صلاح"، أما حساب يدعى مدحت شلبي فقال: "ياما فرحتنا يا أبو صلاح ودي حال الكورة المهم إن الجاي يكون أفضل من اللي راح ورغم كل حاجة هتفضل فخر العرب".
وعلق حساب يدعى "اتش تو أو" قائلًا: "منتخب المتحرشين ودعم المتحرشين مبروك الخسارة فرحت كثير"، فيما قال حسن الغزالي: "المشكلة مش في اللي راح المشكلة في اللي جاي".
لازم تتعلموا من أخطاءكم
ووجه محمد البنهاوي نصيحة إلى محمد صلاح قائلًا: "ياريت انت كمان تتعلم من أخطائك وتركز في الكورة بس.. ولما يكون في قرار تربوي ضد لاعب لسبب أخلاقي متتدخلش وتضغط علي الاتحاد وتسيبه يشوف شغله".
وأضاف: "أما ثقتنا في كلامك إنكم كجيل هتتعلموا من أخطائكم معدومة لأن لو كنتوا اتعلمتوا من اللي عملتوه في روسيا مكنتش اتكررت بالكربون في مصر".
معاك وفي ضهرك يا صلاح
ودافعت نرمين عن محمد صلاح، قائلة: "معاك وفي ضهرك وهنساندك ربنا يقويك أقوى من كل الحروب اللي عليك إنت مش مقصر في شئ ربنا معاك ف اللي جاي مستنيين منك الكتير لأنك أملنا وفرحتنا".
وقال صفوت عبدالحليم: "للأسف.. خذلتنا ووهمت نفسك إنك تقدر تعمل حاجة لنفسك وللبلد وعلشان أنا شخصيا بحبك جداً بنصحك تراجع نفسك بخصوص تصرفاتك في الفترة الأخيرة"، فيما قال تركي: "للأسف يا أبو صلاح ضيعتوا مجهود كبير جدا اتعمل وضيعتوا فرحة جماهير نفسها تفرح من أقل حاجة الكل كان مستهتر للأسف نتمنى منكم تفوقوا شوية عشان نفسكم أولا وعشان نفسنا نفرح".
