أزمة جديدة تضرب الزمالك.. سجال بين «جنش» و«أمير مرتضى» بسبب مقدمات تعاقد الحارس المصاب
أشعل أمير مرتضي منصور، المشرف العام على فريق كرة القدم بنادي الزمالك، موقع التواصل الاجتماعي "انستجرام" بعدما رد على حديث حارس مرمى الفريق الأبيض محمود جنش.
وكان جنش قد طالب مجلس إدارة القلعة الأبيض الحصول على مقدم تعاقده أو عقد جلسة معه لتوضيح أسباب التأخر.
ونشر "جنش" عبر حسابه الشخصي بموقع تبادل الصور "انستجرام" : عَنْ أَبِي هُرَيْرَةَ عَنِ النَّبِيِّ صَلَّى اللهُ عَلَيْهِ وَآله وسَلَّمَ قَالَ: «لَا يَشْكُرُ اللهَ مَنْ لَا يَشْكُرُ النَّاسَ» رواه أبو داود في "سننه". وانا أتقدم بخالص الشكر والتقدير الى الاتحاد المصرى لكره القدم على تحمل كافة تكاليف علاجي حتى الان.
وأضاف الحارس الدولى "اشكر جمهور نادى الزمالك العظيم على مشاعركم الجميلة ومساعدتى فى تخطى الأزمة والعودة سريعا الى الملعب فدمتم لى خير اخوه وأؤكد أنني لم أحصل على مقدم تعاقدى من نادى الزمالك حتى الان ولا اعرف السبب هل هو بسبب اصابتى؟ او بسبب شى اخر".
الأمر الذي أثار حفيظة أمير مرتضي وجعله يرد على تصريحات جنش قاىلا " احب ارد عليك قدام الناس علشان حقك و حقهم يعرفوا لأنك سألتني قبل كدة ورديت عليك بيني و بينك لما جيتلك البيت ورغم ان نظام الفريق منع الكلام في الاعلام و السوشيال ميديا بس هرد عليك".
وأضاف: "لا السبب مش اصابتك طبعاً يا كابتن .. تقدر تسأل كل زمايلك في الفريق على مقدم الموسم الجديد حصلوا عليه ولا لأ !! جميع اللاعبين بإستثناء اثنين لاعبين فقط هما اللي حصلو على المقدم علشان كان عندهم ظروف طارئة يعني مثلاً فرجاني و بو طيب طارق حامد و محمود علاء و الونش و محمد حسن زيزو وعمر السعيد و عبدالله جمعة واوباما وغيرهم لسة مخدوش مقدم الموسم الجديد".
وتابع: "أما بالنسبة للصفقات الجديدة فالطبيعي أن يقبض المقدم مع التوقيع وفي برضه ناس لسة مقبضتش وقالو مفيش مشكلة نقبض مع زمايلنا بما أنك سألت عن السبب قدام الناس فأحب اقولك ان الشركة الراعية متأخرة في دفع مستحقات كل الأندية حتى المقاصة كانت مش هتذيع الماتش بسبب مستحقاتهم".
وواصل: "تقدر برضه تسأل زمايلك في اندية ثانية باستثناء بيراميدز .. عقود الرعاية والبث التلفزيوني هي ٩٠٪ من موارد النادي .. كان ممكن نبيع طارق حامد او محمود علاء او فرجاني و ندخل فلوس كتير النادي و ساعتها مكانش هيكون في ازمة سيولة بس ده كان ضد مصلحة الفريق، كان ممكن منشتريش عواد وابو جبل و اوناجم وبن شرقي بالمبالغ دي و نجيب بدايل ارخص و نوفر برضه فلوس".
واختتم: "بالإضافة لمديونيات اكتر من ٥ مليون دولار على الزمالك اتدفعوا كلهم السنة دي ومشاكل مع الفيفا عقوبتها خصم نقاط و وقف شراء و بيع لاعيبة لمدة ٣ مواسم في حالة عدم السداد و اخرها كان من يومين عالعموم انت من كباتن الفريق و المفترض انك تستحمل زي ما زمايلك مستحملين ايه المشكلة فلوس تتأخر كام يوم!! زي ما الموسم اللي فات كنتوا بتاخدوا ٤ و ٥ اضعاف المكافأت ...بتمنالك الشفاء".
