«عبدالله أسامة».. فنان الراب المصري ينتشر في محافظة الإسكندرية

في ضوء ما تقوم به "الوكالة نيوز" بعرض المواهب الشابة للمجتمع، تستضيف عبدالله أسامه محمد، شاب في العقد الثاني من العمر، طالب بكلية الزراعة، يهوى نوع من الغناء ويحظي هذا النوع بالاهتمام لدي الشباب إنه "الراب". وقال عبدالله خلال حديثه لـ"الوكالة نيوز" إن الراب يحمل رسالة مثل ما يقول كثير من الناس "باكدچ"، مضيفا: "بدأت استمع إلى الراب المصري بعد ثورة يناير، الراب في مصر مش واخد حقه، وبدأ ينتشر في مصر من محافظة الإسكندرية قبل سنة 2000 وانتشر أكتر في الشوارع بعد ثورة 25 يناير". https://youtu.be/WbnyabSlvUE وأضاف أن الراب فن الشارع فكل "حاجة بتحصل في الشارع هتلاقيها جوه الراب عشان كده الموضوع بدأ يوصل أكتر بعد ثورة يناير ، الناس مختلط عليهم شوية ما بين الراب والمهرجانات الشعبي لأنهم نفس الستايل، والفكرة تأتي على مين غيره، وكل تراك بيبدأ بفكره، الفكرة بتجيب التراك كامل، وعملت أكثر من 20 تراك منذ وقت البداية". واختتم حديثه قائلا: "لازم مقدر قيمة اللي أنت بتعمله ومقدر نفسك ومقدر إنك ممكن تدي أكتر من كده وحتي لو وصلت للي أنت عايزه فأنت تقدر تعمل أكتر من كده بكتير، فمتخليش يبقي عندك سقف لطموحاتك فأنت لو مش مقدر قيمة اللي بتعمله عمرك مهتلاقي حد يقدر اللي أنت بتعمله أساسا".

تقرير منة الله عماد _ تصوير راما البغدادي