مدمن نجاح  يتسبب فى استياء رواد السوشيال ميديا .. اليوتيوبر لا يصلح للكتابة

  حالة من الغضب اجتاحت مواقع التواصل الاجتماعي  بسبب قصة مدمن نجاح  من مدي التراجع فى مستوي الكتب و الروايات حيث خرج علينا العديد من الكتاب ليقدموا لنا أعمال لا تذكر وليس لها أي قيمة بين الكتب المعروضة بمعرض القاهرة الدولي للكتاب 2020 . علي غزلان والسخرية من كتابه.. هذه تعليقات مواقع التواصل على «مدمن نجاح» جعل كتاب اليوتيوبر علي غزلان «مدمن نجاح» حاله سيئة لدي المثقف المصري مما جعل علي غزلان يتصدر محرك البحث العالمي ومواقع التواصل الاجتماعي وعلى تويتر شهدت كافة التغريدات مهاجمه للكاتب الجديد ولخطيبته منة عرفة التي وقفت تدعمه وساهمت في جذب المتواجدين بالمعرض لحفل توقيع حبيبها. غرد شيخ العرب قائلا «نزلت تويته لمعرض الكتاب وقولت أنها اكتر أيام بتبين جهلنا حرفيا عشان بنتلم على سلع فكريا تعبانه وبنسيب المهم لكن اللي بيحصل دلوقتى مختلف خالص مش كفاية الانهيار الفكري لا دا انهيار لغوي كمان دا كتاب علي غزلان اللي ماهو الا ( screenshot) لمحادثة واتساب .. والكتاب هيتباع وهينجح وهفكركو». وتقول هند عبر تغريدتها «أبقا طالعة من بيتي في البرد ورايحة معرض الكتاب عشان اشتري كتاب افتحه ألاقيه مكتوب بالعامية لا ومش كدا بس وكمان ألاقي العته دا مكتوب فيه ، سواء دا ولا الأهبل التاني علي غزلان ، دا ايه القرف دا ؟! .. يعني لو مفيش ثقافة خالص في المجتمع مش هيطلعلنا القرف دا ». ويصف حساب يحمل أسم يعقوبيان «لك أن تتخيل أن فيه شجرة أتقطعت عشان يتعمل منها ورق يتكتب عليها كلام علي غزلان » ويقول حساب يحمل أسم عهد الأصدقاء «ده حته كده من رائعة علي غزلان "مدمن نجاح" الكلام ده يا أخواتي مكتوب في كتاب ومطبوع بفلوس معرفش يوسف السباعي، ورضوي عاشور، ويوسف ادريس وأحمد خالد توفيق لو عايشين لدوقتي وشافوا إن الكلام اللي أحنا بنقوله على القهوة بيتصرف عليه فلوس وبيتطبع ويتباع ممكن يسبّوا الدين ولا حيائهم هيمنعهم ». ويقول حساب آخر يحمل أسم عامر «الصراحة أنا مش متابع مواعيد نزول الكتب أو بقرا كتب وروايات انا مبحبش القرايه أصلا بس دا ميمنعش ان الحاجات دي محتاجه ناس موهوبة عشان تكتب وتقدم محتوى نضيف للناس لكن اللي علي غزلان عمله دا اسمه استهزاء .. أنت ممكن تغني وأنت صوتك وحش وممكن تعمل مطعم عادي لكن حاجه زي دي مينفعش تتعمل ». ويغرد حساب يحمل أسم مجرة قائلا «متحكمش على الكتاب من عنوانه ،استني لحد ما تشوف المضمون وانت هتلعن وتف على الكتاب وصاحب الكتاب ودار النشر... لك ان تتخيل ان فيه شجرة أتقطعت عشان يتعمل منها ورق يتكتب عليها كلام علي غزلان... لعنه الله على الكافرين ». كتب: محمد السيد