عاطف الحلو  لـ عمرو مصطفى : «لو أنت لعبت مع الأسد أنا اللي مربيه»

نشر الموزع الموسيقي الشاب محمد عاطف الحلو  على موقع التواصل الاجتماعي فيسبوك منشوراً شن فيه هجوماً على الملحن عمرو مصطفى. واتهم الحلو الملحن عمرو مصطفى بأنه شخص لا يعرف مساعدة أي شخص، وطالبه بأن يترك تبني المواهب لمن يستطيع ذلك، على حد قوله. وأكمل محمد عاطف الحلو هجومه على عمرو مصطفى على طريقة واسم أغنيته الجديدة "لعبت مع الأسد، وكان منشور "يتضمن التالي: "عمرو مصطفي ملحن مفيش اختلاف عليه أنا مش كاتب البوست دا أقيم فيه ملحن كبير زي عمرو أنا بكتب حاجة بس ناس كتير مش هتعرف تقولها حتى الناس اللي موافقه على كلامي دا هتخاف تعمل لايك حتى". وأضاف "المهم اني واحد من ناس كتير كانو في استديو عمرو مصطفي ولما عرف اني هشتغل في اغنية تبع شركة كبيره هو ماسك شغلها اصلا خلاني اروح بيتي وقالي نكمل شغل بكره قولتله تمام روحت بيتي و نمت علي امل اني هعمل الاغنيه و شوفت نفسي وانا في الاستديو بقي وبتعامل مع المطرب اللي انا بحب صوته جدا و الفلوس كمان بقي اللي هخدها كنت صرفتها في دماغي قبل ما اشوفها و عايش فيلم كده تقريباً ساعه كده قبل ما انام اصحي بقي من النوم عشان احقق كل اللي حلمت بيه امبارح  اكلم عمرو حبيب قلبي اللي كنت امبارح انا حبيب قلبه و اخوه الصغير وكلام كتير  المهم كلمت عمرو تقريباً ٣ مرات من ١٠ الصبح رد عليه الساعة ٩ بليل قال لي انا كنت مطبق تعالي بسرعه محتاجيك طبعا اللي عارف عمرو مصطفي كويس عارف كلمة تعالي يسرعة ارجوك رحت فعلا بسرعة جدا من الهرم لمدينة نصر في ربع ساعة اروح الاقي الاغنية اتوزعت من زميل ليا انا طبعا بحبه جدا و متأكد انه مايعرفش اني انا اللي المفرود اللي اوزعها". وأضاف"طبعا عمرو مصطفى عمل كده عشان هو بيشغل الناس بلشهر يعني ليه مرتب في الشهر سواء اشتغل غنوه او عشره موظف يعني.. دا غير قلة ذوقه في التعامل مع ناس كتير اصغر منه وانا كنت هاجي اوزع غنوه و امشي طبعاً هو طالع مين عينه الرقم اللي هاخده و هو مش هايخد منه نسبه قام قاطع رزقي وقال اني كنت نايم و مرحتش الاستديو الصبح المهم اني اتعلمت في بيت ابويا و عيلتي اني الرزق بتاع ربنا و احنا اسباب لبعض و انت يا عمرو شخص مش بتساعد حد كنت كنت خليت حتي موزع مصري اشتغل في البومك من اخواتك الصغيرين اللي كانو عندك سنين". واختتم الحلو كلامه قائلاً "فكك من جو متبني المواهب دا وجو حرب الاسفاف دا سيبه للناس اللي بتفهم انت مش عارف كرد الدو من الصول عشان انت نفسك مش عارف تطلع من نفسك غير ملحن مش عارف تبقي بني ادم محترم احنا هنحارب الاسفاس و النفوس المريضه اللي زيك، انت لعبت مع الاسد انا اللي مربيه ياعمورا". وكان الملحن عمرو مصطفى قد هاجم أغاني المهرجانات وعرض لتبني جميع المواهب الجديدة سواء شعر او غناء أو توزيع أو مونتاج، عبر صفحته الشخصية على الفيسبوك قائلاً : "لكل الموزعين الموسيقين الموهوبين والأصوات الجديده الموهوبه والشعراء والمصورين الفوتغرافية والمونتاج الموهبيين  وشباب بتشتغل في سوشيل ميديا للترويج للمواهب الجديده من يجد في نفسه الموهبة ولا يوجد عنده اَي إمكانيات سأوفر لك كل الإمكانية في إظهار موهبتك من اجهزه واستديو والحصول علي اجر محترم رجاء إرسال اعمالك علي واتس اب فقط رقم ٠١٢٢٢١٠٣٧٣٥ من المدة ٢٠ /٢ لى ٢٦ /٢ هشوفها بنفسي وهرد بنفسي إنصاف المواهب يمتنعون من اجل إظهار من يستحقون الدعم، نداء لكل الجامعات المصريه انا علي استعداد لتبني اَي موهبه تستحق الدعم لو شايف صاحبك موهوب منشنه هنا او ابعتلي رقمه وموهبته في التوزيع او الشعر وانا هتواصل معاه بنفسي، معا لمحاربه الإسفاف وإخراج اجيال راقية". أسماء سعداوي اقرأ أيضا: بعد نجاح عمرو مصطفى الهائل في حفل موسم الرياض..تعرف على أبرز خلافاته مع نجوم الطرب و الغناء