تعرف على سبب تصدر إسم المطرب محمد رشاد محركات البحث | والجمهور : إنتي بمليون راجل

تصدر المطرب المصري محمد رشاد قائمة تريندات جوجل منذ صباح اليوم بعد مشاركة فيديو من قِبل زوجته على حسابها الشخصي على موقع نشر الفيديوهات يوتيوب ، معلنةً من خلاله مساندته من خلال تدشين هاشتاج “ادعم محمد رشاد”. وقالت المذيعة " مي حلمي" تخيلي تصحي من النوم تلاقى حد بيكلمك يقولك انا جاي احجز على البيت واثاث بيتك، بدعم جوزي،  كفايه وقف حال فينا طول 4 سنين انا كمان تضررت فيهم بسبب علاقات شخص يرغب في أذية محمد رشاد". واكملت "دون سابق انذاز تلاقي حد عاوز يحجز علي بيتك ويدمر اسمك وحياتك هتعملو ايه عملك ايه عشان الكره ده سيبنا في حالنا وابعد عن شغلنا ومش هسيب حقنا". كما قالت مي إنها لن تستطيع الدخول في تفاصيل، ولكن زوجها محمد رشاد يعاني من أزمة في عقد مع شخص ما، وهناك إخلال في التعاقد، وقد حكم عليه بمبلغ 5 ملايين جنيه. بعد هذا الفيديو تفاعل جمهور المطرب محمد رشاد والمذيعة مي حلمي على مواقع التواصل الإجتماعي معلنين دعمهم لهم في أزمتهم ، كما أشادو بموقف "مي" في دعم زوجها المطرب الشاب. نشر حساب بإسم حسام علي موقع تويتر قائلاً :" يوم بتثبتى انك بنت ب مليون راجل ووقفتك جمبك رشاد بتاكد كدة كمان عشان هو راجل وجدع وطيب ويستاهل كل خير انشاء الله ازمة وتعدى على خير عشان انتو ولاد حلال بجد ". وأضاف محمد "‏الانسانه الجميله اللى على واصل مستمر مع جمهوره ومتابعينه ومحبينها تستاهل كل خير ودعم مننا لازم كلنا نبقا فى ضهرها هى ورشاد زوجها المحترم الفنان الجميل كل الدعم يا ‎@MaiHelmy احنا سندك بعد ربنا لا تحزنى ". وقالت بنت الأهلي "‏كل الدعم ليكي يامي انتي ومحمد انتوا من الغالين علي قلوبنا جميعا اللى تستاهل كل خير ودعم مننا لازم كلنا نبقا فى ضهرها علي كل الاتجاهات كل الدعم يا ‎@MaiHelmy احنا سندك بعد ربنا لا تحزنى وأن شاء الله خير ⁦ من اغال ناس في حياتي بجد ". وكانت مي حلمي قد نشرت صورة لها من حفل زفافها مع رشاد قبل نشر الفيديو، .. وكتبت "في ضهرك وجنبك والي يضرك يضرني والي يفرحك يفرحني معاك لاخر يوم في عمري علي الحلوه والمره واقفه معاك .. نجحت معاك وكبرت معاك وضحكت وحزنت معاك عمري ما اسيبك ولا اضيع حب عمري ولا سنين نجاحنا معاك بقيت بتاعت الراديو وحسناء الرياضه لفينا العالم وقولنا بكرا يا دنيا نلف الدنيا ولفناها ونجحنا انت سنيني الحلوه علي الحلوه والمره معاك".