أزمات حسام عاشور عرض مستمر.. سيف زاهر مهاجما اللاعب: "باع الأهلي بالفلوس" وطلب مبلغ خيالي

خرج الكابتن حسام عاشور نجم النادي الاهلي بمجموعة من التصريحات النارية بالأمس في برنامج اوضة اللبس مع الكابتن احمد حسام ميدو لاعب نادي الزمالك السابق، مما أثار جمهور الاهلي وجعلهم يشنون هجمة كبيرة عليه في الساعات الأخيرة من مساء الأمس واليوم. وتستعرض لكم بوابة الوكالة نيوز خلال التقرير الآتي تصريحات الإعلامي سيف زاهر خلال برنامجه المذاع علي الراديو في حلقة اليوم. حسام عاشور باع تاريخه بالمال سيف زاهر يعتذر لجمهور الأهلي حسام عاشور يطلب 20 مليون من الاهلي. وقال سيف زاهر فى برنامجه وان تو عبر إذاعة أون سبورت، "كفاية يا عاشور لعب بالورق، خرجت من الباب الصغير وخسرت كل حاجة، لو عايز نصيحة يا تقول حاجة كويسة يا تسكت، ابعد عن الأهلى ومتتكلمش عن النادى تانى، رصيدك نفد يا عاشور، مش معمول عليك حملة زى ماقولت، ده شعور جمهور كبير حبك وكرهك بفضل تصرفاتك". "عاشور لاعب باع ناديه وتاريخه عشان الفلوس، تاريخه راح ورصيده راح، التاريخ يحسب بالالتزام وبالأخلاق وبحب الكيان، أنا أهلاوى بس بتكلم كإعلامى، الأهلى فوق رأس جميع محبيه بس واضح أن الفلوس هى الأساس، عاشور مقالش جملة واحدة صح فى كلامه، لست مقرباً من الخطيب حتى أدافع عنه ولكن برىء تماماً فى أزمة عاشور".

سيف زاهر يعتذر لجمهور الأهلي

وأضاف سيف زاهر"لازم أعتذر لجمهور الأهلى العظيم لأنه كان صح فى أزمة حسام عاشور، كنت بخرج أدافع عنه وأقول للجمهور بلاش قسوة، وبشويش على الكابتن التاريخى، حتى الزمالك كان محترم فى الأزمة ورفض تسريبات عاشور أن القلعة البيضاء تفاوضه وقالوا مش عايزين مزايدة من اللاعب ".

حسام عاشور يطلب 20 مليون من الاهلي

وتابع سيف زاهر، ولو اللاعب عنده جرأة يخرج يتكلم ويقول الحقيقة ويقول إنه طلب من الخطيب 20 مليون جنيه حتى لو مش هيلعب، وطلب يستمر سنتين فى الأهلى وياخد الـ 20 مليون حتى لو مش هيلعب رغم أن بقاله سنة محطش رجله فى الملعب، إذن عاشور كان عايز يكمل بدون لعب عشان ياخد 20 مليون جنيه يعنى عشان الفلوس وبيقول دلوقتى أنا قادر العب وعندى عروض، فين العروض دى ياعاشور كان لازم تحترم تاريخك ولو عايز تكمل تلعب فى أى نادى تانى حقك بس بدون ماتغلط فى النادى اللى صنع نجوميتك وتاريخك وشهرك". وأضاف سيف زاهر، "عاشور عارف أنه مش هيلعب كورة تانى وعايز الأهلى يكافئه بـ20 مليون جنيه، وخارج يقول أنا طول عمرى ساكت لأ أنت مش ساكت أنت عملت ملايين وتاريخ بسبب الاهلى، فى ناس عندها صبر وولاء وانتماء ولم تتجاوز مخدتش ربع اللى انت خدته، كان عندك 10 % بعد موقفك الاخير وبكلامك الاخير فقدتهم.