شوبير: في كلام علي كارتيرون يرجع.. وشوفت الفيلم ده قبل كده

اعرب الإعلامي أحمد شوبير، عن استيائه من الهجوم على الأهلي والزمالك، تزامناً مع مواجهتهما المصيرية في نصف نهائي دوري أبطال أفريقيا، أمام الوداد والرجاء المغربي، وتساءل لمصلحة من ليحدث كل ذلك، وذلك خلال برنامجه الإذاعي عبر أون سبورت.

حيث قال : "كلام كتير عن رامي ربيعة وبن شرقي وساسي ومعلول وديانج".

وأردف: "حتى فايلر كلام كتير وعرض سعودي بـ3 ملايين دولار في السنة، اللي عايز أقوله ان المدرب السويسري عقده 2.4 مليون دولار مع الأهلي سنوياً، ومكافأة الدوري 400 الف كده جاب الـ3 مليون اللي بيقولوا عليها".

واكمل "فايلر بياخد المبلغ ده وقاعد معزز مكرم محدش بيقرب من شغله، هيمشي ليه؟ أهو كارتيرون مشي ومهدد بالرحيل من التعاون، مع أني متأكد أن التعاون هيطلع ويقول أن الهزيمة بستة أهداف مش مسؤوليته، لكن هيفضل على جبل التلج وهيفضل يتزحلق، والزمالكوية شمتانين فيه".

ثم تساءل: "مين بينخرب ورا الأهلي والزمالك؟".

ثم اختتم عن عودة كارتيرون مجددا قائلا "بمنتهى الصراحة الزمالك هو اللي كان سبب في أن قيمة كارتيرون تعلى، وعادي جداً أنه يرجع، باتشيكو وجروس عشنا معاهم نفس القصص وكان بيتقال خاينين والزمالك بيتفاوض معاهم وشوفت الفيلم ده قبل كده".