«عودة الحياة لمجمع مسطرد واستمرار تقديم منحة العمالة غير المنتظمة لنهاية العام».. رسائل السيسي للمصريين اليوم
شهد الرئيس عبدالفتاح السيسي، اليوم افتتاح مجمع التكسير الهيدروجيني بمسطرد وخلال السطور القادمة نستعرض رسائل الرئيس عبد الفتاح السيسي اليوم.
السيسي يوجه باستمرار تقديم منحة العمالة غير المنتظمة لنهاية العام
وجه الرئيس عبدالفتاح السيسي الحكومة باستمرار تقديم المنحة للعمالة غير المنتظمة حتى نهاية العام الجاري قائلا "طالما اتكلمت عن العمالة غير المنتظمة مش إدينا 3 شهور طيب انتوا هتكملوا لأخر السنة ولا إيه.. الناس ظروفها صعبة.. فلو كان كده نكمل لغاية أخر السنة".
العاصمة الإدارية كلّفت 380 مليار جنيه خلال 7 سنوات
قال الرئيس عبدالفتاح السيسي إن التكلفة المالية والجهد اللي بندفعه كبير جدًا وأنا قلت قبل كده العاصمة الإدارية كلفت ما يقرب من 380 مليار جنيه خلال 7 سنوات».
أول تعليق من السيسي على دعوات التظاهر
أكد الرئيس عبدالفتاح السيسي أن الدولة لديها إرادة لتطوير الأوضاع الحالية وتحسينها من أجل صالح المواطنين وعن دعوات التظاهر قال الرئيس أن قوى الشر بيختاروا الظروف الصعبة علشان يشككوا المصريين في اللي إحنا بنعمله وإن ده ضدهم وعلى حسابهم، لا والله، ده رهان عليكم وبقول إنكم مقدرين وبتتحملوا، الشعب والدولة حاجة واحدة، محدش يدخل بينا.
أحداث 2011 حرمتنا من مكتسبات اقتصادية من مجمع مسطرد
قال الرئيس عبد الفتاح السيسى أن مجمع مسطرد الذى تم افتتاحه اليوم، بدأ العمل فيه وتوقف نتيجة أحداث عام 2011، قائلا: " مجمع زى كده هتعرفوا حجم الفوائد التي تعود على مصر في مجال البترول، وتوقف لما يقرب من 10 سنيين نتيجة عدم الاستقرار.. أرجو أن أنكم تعرفوا ده.. وعلشان تبقوا فاهمين ليه عاوزينكم تتحركوا.. هو مش بيقولك اتحرك علشان تهد بلدك.. لا عاوز تتحرك تقوم تكمل عليها وتهدها.. هى الحكاية كده".
وخلال السطور القادمة ايضا نستعرض عدة رسائل ونصائح للمصريين أبرزها:
- يجب الالتزام بالإجراءات الاجترازية لمواجهة فيروس كورونا المستجد قائلا: «التزموا بالإجراءات، إحنا بنحرم نفسنا من اللقمة عشان نبني مصر» واستطاع المصريين اجتياز أزمة فيروس كورونا المستجد بفضل وعيهم.
- الدولة أنشأت 22 كوبري بطول 400 كم في 6 أشهر فقط داخل كتلة سكنية صعبة.
- التشديد على إنجاز العمل في تلك الإنشاءات خلال وقت قصير بهدف إراحة المواطنين.
- الدولة تعالج بتلك الإنشاءات مشكلات كان يصعب حلها في السابق بتكلفة مالية ضخمة وبجهد مضاعف، مشيرا إلى الجهد الذي بذلته الدولة في هذا الشأن.
- من أجل حل مشكلة في منطقة شرق القاهرة تم إنشاء من 40 إلى 50 كوبري، لافتا إلى أن رئيس الهيئة لم يتحدث عن منطقة وسط القاهرة.
- يتم إنشاء محاور بتلك المنطقة سيتم الانتهاء منها آخر العام بطول ما يقرب من 100 كم.
- وجه الحكومة بسرعة الانتهاء من الاشتراطات الجديدة للبناء، وإعلانها للشعب.
- والله لن تقوم دول حتى على منهج ديني حقيقي، يكون أساسها مبنيًا على تخريب ودمار.. ده مايرضيش ربنا.
- للإعلام أنتم أداة التنوير الحقيقية لفهم ووعي الجميع، وللتعليم أنتم الأساس الحقيقي في بناء فهم حقيقي للأجيال، احموا بلادكم.
- هناك من يستغل المواقف الصعبة من أجل تشكيك المصريين في ما يتم تنفيذه من إنجازات.
- رهانى على الشعب أنه متفهم ومقدرين وتتحملوا ما يتم تنفيذه، واللى بيتعمل بيتعمل بالمصريين، هي الدولة حاجة وشعبها حاجة تانية؟.
- الدولة والشعب حاجة واحدة، إحنا بنجرى وأنا رهانى على الناس، والحمد لله رب العالمين، خلال السنوات الماضية كان الرهان كسبان.
- الإصلاح الاقتصادى لم يكن سهلا، وبفضل الله عدينا منه وحققنا إنجازات الدنيا كلها بتتكلم عليها، وأنا بقول بفضل الله قدرنا نواجه الاقتصاد المتعثر والسياحة.
- فيه ناس موجودة وكل هدفها التشكيك ويخوفوكم، بيصطادوا في المية العكرة.
- لما تحركنا وبدأنا في خطة شرق العاصمة بالكامل قالوا بيعمل لصالح مصر الجديدة ومدينة نصر.. مفيش كلام من ده فيه حاجة لصالح الناس.
- مبنعملش إجراء إلا في إطار خطة متكاملة للدولة لمعالجة آثار صعبة، اللى بتشوفوه ده بقولها للإعلام والمواطنين هو ده الحال، نصلحه ولا نسيبه؟، نصلحه طيب نصلحه على حساب الناس ولا حساب الدولة، والدولة في الآخر شعب مصر.
- معالجة المشكلات تكلف وقتًا وجهدًا ضخمًا جدًا، مؤكدًا أن الأفضل توفير الجهد والأموال لبناء مدن جديدة وتنفيذ خطط التنمية.
- قرارات الإزالة التي تقوم بها الدولة لا تتم بدون دراسة.
- أي إزالة تتم بدراسة، اوعوا تتخيلوا إننا بنزيل ونسيب الناس، لا إحنا بناخد الناس نعيشهم في أماكن أفضل.
