استياء طلاب الثانوية الأزهرية عقب إعلان تنسيق القبول بالكليات

سيطرت حالة من الاستياء علي طلاب الثانوية الأزهرية عقب إعلان نتيجة التنسيق بسبب ارتفاع التنسيق بشكل مفاجئ للطلاب، كما تم توحيد تنسيق قبول كليات القمة للبنين والبنات .

ناشد الطلاب شيخ الأزهر بتخفيض القبول للكليات ، قائلين " تحت اي مسمى نقول عليه #تنسيق_الأزهر_2020؟!

احنا طلاب دفعه كورونا رغم كل المعاناة اللي مرينا بيها خلال 2020 ، دي تكون نتيجة التنسيق بتاعتنا، اي الزيادة دي كلها 7%زيادة ف كليه اللغات والترجمة تخصص عام بنين!؟ ".

متابعين "ازاي دا بجد حرام ، ده احنا الازهر اللي بندرس 18 مادة ازاي يكون دا تنسيقنا ازاي، البنات اللغة العبرية من 514 ل567، ازاي كليه الهندسة ازهر 95% وعام 93% ازاي؟، ازاي طالب بيدرس 18 مادة تنسيقه يبقي اعلي من طالب بيدرس 7 مواد؟".

وأطلق الطلاب هاشتاج #الحقنا_يا_شيخ_الازهر #تنسيق_ازهر_2020_يقل ،#المساواة_ظلمت_الجميع

وقال أحد الطلاب عبر "فيسبوك " "محدش هيدخل حاجه نفسه فيها بسبب التنسيق فمحدش هيقدر يبرز ف مجاله لئن محدش دخل المجال اللي نفسه فيه، احنا معدش لينا نفس ندخل الكلية والله محدش عارف يدخل كليه كان نفسه فيها، هي مش التنسيق بس حتى الامتحانات جت صعبه مقارنه بامتحانات العام ، وكمان التنسيق جاي اعلي منهم في هندسه، كل طلاب الادبي اتدمروا محدش فينا عارف يدخل لغات وترجمه".

وبلغ الحد الأدنى للقبول بكلية طب الأزهر بالقاهرة بلغ 635 درجة،  وكلية طب الأزهر بدمياط 634 درجة ،كلية طب الأزهر بأسيوط 632 ، كلية الصيدلة بالقاهرة 628 ، الصيدلة بنين أسيوط 626 ، طب الأسنان القاهرة 631 ، طب الأسنان بنين أسيوط 630 ، هندسة القاهرة 619 ، الهندسة بنين قنا 615 ، العلوم بالقاهرة 595  ، العلوم بنين أسيوط 570 ، التجارة بنين القاهرة 532 ، التجارة باللغة الانجليزية 545 ، التربية الرياضية للبنين 575  لطلاب القسم العلمى.