رانيا محمود ياسين : أبويا كان ملوش شبه وكل الناس حبته

  شكرت رانيا محمود ياسين كل الناس وكل الفنانين اللى أتوا إلى العزاء وبالفعل أتى ناس كتير وأثناء مرضه كل اصدقائه سألوا عليه وفى العزاء شخص قدم لى العزاء وقال لى " انا جاى من سوهاج بالقطر عشان أعزى الفنان محمود ياسين كلنا بنحبه ". وقالت رانيا محمود ياسين فى مداخلة هاتفية لبرنامج " التاسعة " مع الإعلامي وائل الإبراشي إن محمود ياسين كان عقل ماشي على الأرض فهو أكتر فنان عمل أعمال وطنية ودينية وله الكثير من الأعمال الهامة وتوفى فى الشهر الذي يحتفى به كل الشعب المصري وهو شهر نصر أكتوبر. وأكملت رانيا محمود ياسين بحزن أن أخر نقاش بينها وبين والدها " كان بقاله كتير مندانيش بأسم الدلع وآخر مرة شافنى نادانى بأسم الدلع قالى أزيك يا ننوسة وكانت صحته كويسه جدا ويكلمنا كلنا كأنه كان بيودعنا "، "أبويا علطول كان بيدلعنى وبيأكلنى وكان بيحبنى أوى وبالنسبة له أنا اول فرحته و فى عز ما كان فتى الشاشة الأول كان بيساعدنى فى الواجب ويعملهولى كان اب ملوش شبه ربنا يرحمه " . كتبت/فرح محمد كامل