انتهي الدرس يا أبو علي.. عملية عسكرية وشيكة لاغتيال حسن نصرالله.. وتصفية حزب الله في جنوب لبنان.. فيديو

واضح كدة ان فيه حاجة هتحصل في لبنان الفترة اللي جاية .. ويبدو ان فيه اتفاق دولي تم بشأن لبنان .. هذا ما اكدة الكاتب الصحفي ورئيس تحرير الوكالة نيوز خالد العوامي في برنامجه مساء القاهرة  قائلاً : «وعشان اكون دقيق معاكم شوية .. الاتفاق ده بيدور حول وجود الشيخ حسن نصر الامين العام لحزب الله في لبنان .. وواضح بالبلدي كدة زي ما بيقولوا .. ان فاتحته اتقرت .. وفية اتفاق حصل بالفعل بشأنه بين عدد من الدول الغربية .. وعلي راسها فرنسا طبعاً .. واللي بتعتبر اللاعب الاساسي في القضية اللبنانية» . واردف العوامي :« الاتفاق ده مفادة ان لبنان مينفعش تستمر في حالة الفوضي والسقوط اللي هي فيها حاليا .. وان خطوتهم اللي جاية هي ضرورة تصفية حسن نصرالله .. ايوه ضرورة تصفية حسن نصر الله .. وهو ده مربط الفرس .. الامر ده بالنسبة ليهم اصبح ضرورة واجبة .. وحسب اللي بيوصلنا من معلومات ان اصبح عندهم مش قناعة وبس .. لاء ده عندهم اصرار ورغبة قوية في انهاء هيمنة ووجود حسن نصر الله في الجنوب اللبناني .. وكمان تفكيك ونزع سلاح مليشياته .. حتي مطار بيروت نفسه هيخضع لادارة دولية .. والرغبة دي اتحولت لقرارات .. ومخططات .. مخططات جاهزة علي التنفيذ .. ومفيش باقي غير .. غير اعلان التوقيت والتحرك للتنفيذ ». واضاف : «وهو يعني هيكون اعز من مين بالنسبه ليهم .. ما سبق قبل كدة خلصوا علي اسامة بن لادن لما دورة خلص .. وبرضة سبق واسقطوا صدام حسين .. وهو في عز صولجانه وسلطانه .. وقبضوا عليه واعدموه .. عشان كده واضح ان الدور جه علي الشيخ حسن نصر الله .. حسن نصر الله اصبح هدف للتصفية بعد اغتيال العالم النووي الايراني محسن فخري زادة .. واضح ان المعلومات المتواترة بتؤكد مقولة : انتهي الدرس يا ابو علي» . وقال رئيس تحرير الوكالة نيوز : «تفاصيل الاتفاقية اللي تمت دي .. والانباء المتواترة بشانها .. بتؤكد ان فيه عملية عسكرية هتتنفذ في القريب العاجل .. عملية عسكرية شاملة .. عملية ابادة ساحقة ماحقة زي ما بيقولوا كدة .. عملية هتجتاح الجنوب اللبناني اللي مسيطر عليه حسن نصرالله من سنين طويلة .. والعملية دي علي حسب وصف المصادر .. عملية مدروسة .. ومخطط ليها مسبقا .. واهدافها متحددة ومرصودة .. يعني تقريبا كدة القرار اتاخد .. ومش ناقصة غير التنفيذ .. وان اعلان جنوب لبنان منطقة منزوعة من حسن نصرالله .. ومن سلاح المليشيات .. خلاص اصبح خيار حتمي قدام المجتمع الدولي .. اللي بيعتبر حزب الله دولة اخري .. داخل الدولة اللبنانية .. دوله بتحركها ايران ونظام الملالي الحاكم هناك .. وللاسف ومن خلال حزب الله ونصرالله .. بتتحكم ايران في القرار اللبناني .. وبتتحكم كمان في مصير البلد والشعب .. الشعب اللي الحقيقة بيذوق الامرين طوال السنوات اللي فاتت» . وقال : «علي ايه حال .. خلاص مفيش فوضي في لبنان تاني " .. وده مش كلامي .. لاء ده شعار العملية العسكرية القادمة اللي هتتنفذ في لبنان .. ويمكن فيه رسايل وصلت لحسن نصرالله بالمضمون ده .. حسن نصرالله مفيش قدامة غير خيارين .. اما يسلم السلاح بتاعة .. او هيتقتل بالسلاح برضه بتاعة .. اللي هو مش عاوز يسلمه .. ويمكن عشان كده سامعين ان سماحة الشيخ خرج من لبنان لجهة غير معلومة .. وانه اختفي في مكان غير معلوم حتي للمقربين .. تقريبا كدة انتهي الدرس يا حسن .. خلصت الحكاية يا .. يا بوعلي» . وتساءل خلال برنامجه مساء القاهرة : «فهل حسن نصر الله هيستخبي في سرداب لحد ما يوصلوله ويطلعوه من حفرة تحت الارض ؟ .. هل هيهرب الي طهران ويقعد هناك وسط الملالي والشيعه اللي زيه ؟ .. واللا .. واللا هيتم اغتياله وتصفيته جسديا علي غرار اللي حصل مع اسامة بن لادن وغيرة من زعماء التنظيمات المتطرفة ؟ .. واللا هيسمحوله انه يعيش في لبنان بس يكون مجرد خطيب في المآتم وعلي المقابر ويعتزل العمل السياسي ؟ .. هل حسن نصر الله ممكن يوافق علي الخيار ده ؟ .. وهل مازال لديه اوراق ممكن يفاوض بيها مع من اتخذوا قرار تصفيته ؟ .. عموما الاسئلة كتير والاجابة عليها غير موجودة .. الايام وحدها هي القادرة علي تحديد الاجوبه والنتايج .. وكل اللي ااقدر ااقوله دلوقت .. ان درس ابو علي خلص» . https://youtu.be/cV-P-JVrKHU