كوميديا سوداء.. رغم أزمات لبنان العاصفة الرقص فوق الطاولات وتحتها خلال احتفال رأس السنة
• فيديو لـ نقيب المطاعم والملاهي يدعو المغتربين والسياح للسهر في بيروت: كل واحد يرقص علي طاولته.. وردود فعل غاضبة
ردود فعل ساخرة وغاضبه اشبه بالكوميديا السوداء التي اعقبت تغريدة نشرها علاء مبارك نجل الرئيس الراحل محمد حسني مبارك حيث تضمنت التغريدة فيديو منسوب لـ نقيب المطاعم والملاهي والباتيسري في لبنان طوني الرامي والذي دعا خلال الي التحرر والاحتفال بحزبه براس السنه واحياء السهرات في لبنان خلال فترة عيدي الميلاد ورأس السنة وطمئن طوني الرامي خلال الفيديو الذي نشرة علاء مبارك علي حسابه بموقع التواصل الاجتماعي تويتر طمئن الجميع بأن التوجه إيجابي، ووجه دعوة لكل المغتربين والسياح إلى المجيء إلى لبنان للسهر ، واختتم الفيديو مؤكداً علي ان كل واحد سوف يرقص علي طاولته .
نقد لاذع
وغرد علاء مبارك نجل الرئيس الراحل حسني مبارك معلقاً علي الفيديو : يا سلام هو ده الكلام بلا كورونا بلا وجع دماغ , التوجه إيجابي وبدعي الاقتراب مع الحفاظ على الاجراءات وان شاء الله فى رأس السنة بيكون الرقص مش على البيست لكن على الطاولات ، ما شاء الله ، وتابع علاء مبارك مغرداً : كل عام واهل لبنان بخير وان شاء الله لبنان يعود افضل مما كان صباح الخير .
كوميديا سوداء
وعلق احمد عبد العظيم حسين علي التويته قائلاً : الراجل ده بيقول كلام زي الفل ، فرد عليه علاء مبارك : دارس و فاهم قوى وعارف اين تنتشر الكورونا و خطورة البيست ولذلك ينصح كله على الطاولات ، وعقبت اميرة علي التغريدة : كل سنه وحضرتك طيب وبخير والأسرة الكريمة بخير يارب وسنه سعيده علي حضرتك استاذ علاء صباحك ورد وهنا وفل ، كل واحد ياخد باله من طولته الراجل ده لسه مش صحي من النوم ، وعقب ايضاً حساب يحمل اسم المعلم : طالما الرقص ع الطاولات مش علي البيست يبقي سووو وااات ؟ .. فرد عليه علاء مبارك مغرداً : ده على اساس انه نووو كورونا على الطاولات كورونا تنتشر على البيست ، فقال المعلم : يعني يرضيكي يمنعوا الرقص ع الطاولات كمان ...؟ الليلة تبقي ناشفة كدا يا استاذ علاء ..ودي ليلة مفترجه .
وغرد حساب يحمل اسم جمال : استاذ علاء صباح الخير - بصراحه لم افهم حضرتك مع الكلام ده ولا ضده؟ شعب لبنان كلنا بنحبه لانه محب للحياة لكن انا شايف الوضع يحتاج بعض الحيطة والحذر اقول بعض رغم ان الموجه التانية شايفها مرعبة - مع خالص تحياتي .. فعقب علاء مبارك قائلاً : صباح الخير استاذ جمال ، مع طبعاً هى دي عايزة سؤال ، بيقول لحضرتك الرقص على الطاولات .
كوارث طبيعية
وقال محمد معلقاً علي الفيديو : الراجل ده كارثة من الكوارث الطبيعية ده مش لابس كمامة اصلا ، وايده في الراي حسن الاحمد : صباح الخير محمد بيه ، الكمامة ليه إذا الرقص على الطاولات وفوق الطاولات وإحتمال تحت الطاولات ، والدليل الراجل بيتكلم بكل ثقة ومعاه مرافقينه خلفه ، هذا وللحديث بقية ، دمت بكل الود اخي محمد حفيظ ، وقالت جينا جمال : الله عليه و هو فاهم كان فين من منظمة الصحة العالمية ، ده اول واحد حيرقص علي الطاولات من كورونا .. فعقب علاء مبارك مغرداً : احتمال فيه تطعيم علي الطاولات .
https://twitter.com/alaamubarak_/status/1344159201766100992?s=24
التجربة اللبنانية
واضاف وليد ابو رحمة : يافندم طالما التوجه إيجابي يبقي تحليل كورونا سلبي ومفيش اي مشكله من الرقص ، البوس بس هو اللي بينقل العدوي احنا لازم نجرب التجربه اللبنانيه ونتوجه كلنا توجه إيجابي ، واردفت حنان راضي قائلة : ايوه الرقص علي الطاولات علشان التباعد هو ده الوعي والا بلاش ، وتابع حساب يحمل اسم سعداوي : شوف استاذ علاء ، والله انت ما الك حل ..! ، من فين جبت الراجل الطيب الوطنى المخلص ده ..!؟ ، بشوف الرئيس الحريرى بيقول غير ده خالص ، فعلا ، بتجيب حاجات ما حدش يعرف يجيبها غيرك ، فيديو جبار يا ابو عمر ، وقال احمد ابو جاسر : هههه البتاع ده بيقول كلام مكانه مش هنا ، مكانه فووووووووق على كوكب زحل ، عطارد ، المشترى ، نبتون ، اى كوكب يعجبه الراجل دة انا لو شوفته ، ممكن ندخله عزل عندنا يرقص على الطاوله زى ما هو عايز هههه ، واضاف سامي وليم : ما أصعب ان تتحول لبنان الي أن تصبح كالعاهرة التي ترقص على الطاولات من أجل المال دون أدنى اهتمام بصحة وحياة اللبنانيين... فساد السلطة في أقبح صورها. ياخسارة .
أقرأ أيضا:
باسم راضى : رغم الأحداث التى و قعت فى ظل أزمة كورونا .. لكن مازال الإقتصاد المصرى إيجابية
