فتحت جماهير النادي الأهلي النار، على حسام غالي قائد الفريق الأول لكرة القدم بالقلعة الحمراء والمعتزل حاليًا، بعدما أعلن ترشحه لعضوية مجلس الإدارة، خلال الفترة المقبلة.
وهاجمت جماهير الأهلي، اللاعب المعتزل، بسبب تصريحاته السابقة ضد القلعة الحمراء، عندما قرر الاحتراف من قبل، خاصة أنه بدء مشواره مع الشياطين الحمر، بين موسم 2000 و2003 قبل أن ينتقل إلى الدوري الهولندي، عبر بوابة فينورد روتردام، ثم توتنام هوتسبير الإنجليزي، ودربي كاونتي، والنصر السعودي.
وفي الفترة الثانية عاد حسام غالي إلى الأهلي ما بين بين 2010 و2013، ثم أنتقل إلى فريق ليرس البلجيكي، ثم عاد الأهلي مجددا في فترة ثالثة بين 2014 و2017، وأعلن اعتزاله في موسم 2018.
وفي السطور التالية نستعرض موقف جماهير الأهلي من ترشح حسام غالي لعضوية مجلس إدارة القلعة الحمراء..
ولادي أهم من الأهلي
قال مشجع أهلاوي: "والله العظيم مش بعترض لمجرد الاعتراض وبس لكن انا مش ناسي التصريح دا "ولادي أهم من الأهلي " وانتو كمان مينفعش تنسوه ورغم حبي الكبيييير لحسام غالي اللاعب والكابتن والمشجع للاهلي لكن انا مش بتمني اشوفه في مجلس ادارة الاهلي او اي منصب رسمي و بتمني انه يستمر في العمل الحكومي بما ان الدولة اختارته كنائب في مجلس الشعب ممكن في يوم يوصل لوزارة الرياضة او اتحاد الكورة، هو في كل الاحوال قرر الترشح لعضوية مجلس الادارة وحتي لو الخطيب مضموش لقايمته ( ودا احتمال ضعيف ) برضو هيترشح عشان الدورات الجاية، دا مجرد رأي يحتمل الخطأ اكتر من الصواب ومش مستاهل خناقات والنبي".
وزير الشباب والرياضة: تعديل بعض مواد القانون.. وحسام غالي يطالب بمشروع قومي رياضي سياحي كبير
مجرد موقف
وأضاف مشجع أخر: "ولادي أهم من الأهلي، مبدئياً التصريح دا مجرد موقف من ضمن كذا موقف خلوني مش قادر اتقبل غالي في منصب اداري للاهلي لكن خلينا في التصريح حد يقدر يقولي امتي الاهلي كان سبب ف ضرر لمصلحة شخصية لأي لاعب قبل كدا ؟ مين اختار مصلحة الاهلي وخسر مصلحته او مصلحة ولاده ؟، اي لاعب او مسئول في الاهلي لازم يكون عارف ان مصلحته ومصلحته ولاده دايماً في كل الاوقات هي مصلحة الاهلي والاهلي عمره ما بينسي اي موقف لأي حد مهما كان صغير وافكركم بموقف احمد صديق اللي معظمكم عارفينه ودا مثال صغير، في ٢٠١٢ لما اتوقف الدوري الاهلي طلب من اللاعيبة خصم ٣٠٪ من عقودهم منهم اللي وافق ومنهم اللي رفض، احمد صديق وقتها وافق واتنازل عن النسبة الكبيرة دي ومقالش ان دا مصلحة ولاده ومينفعش يجي علي نفسه عشان الاهلي رغم انه مش من ابناء الاهلي ولا كان كابتن الفريق كان لاعب عادي ، وتاني يوم الاهلي خرجه من القايمه ومشي من الاهلي ومرضيش يرجع في كلامه واصر ع التنازل، احمد صديق فين دلوقتي ؟ في اكاديمية الاهلي في دبي، بسبب موقف اختار فيه مصلحة الاهلي وبعدها الاهلي رجعله مصلحته ومصلحة ولاده لحد النهرده".
باع الأهلي
وأكد مشجع ثالث: "حسام غالي لا يفرق عن من باعوا الأهلي مصلحته رقم واحد مشاكله مع وائل جمعه تصريحه عندما قلل من قيمه الأهلي وقت احترافيه ف أوربا اقتحامه مقر اجتماع مجلس الاداره تطفيش هيثم عرابي بالاشتراك مع صديقه محمد فضل جمهور الأهلي لا ينسي لا اتمناه ابدأ في اى منصب ف الأهلي، الأهلي غني بابنائه بعيدا عن حسام غالي".
حسام غالي: التنوع بين النواب المعينين سيكون له مردود أفضل على أداء المجلس
متكبر
وقال مشجع رابع: "انا بكره حسام غالي بشكل شخصي بكره فكره انه متكبر ومتعالي علي بقيه اللاعبين وبكره فكره انه استمر ف الاهلي وهو شخص لا يستحق ده و انه ركل الشاره و موضوعه مع وائل جمعه في اسباب كتيره تكرهه بسببها فكره انه كان في فتره محمود طاهر و عامل مركز قوي و شله هو و متعب ف ده شيء يخليه تكره، لكن طبيعي ومنطقي انه الاولاد و البيت بيجي قبل الاهلي وده شيء منطقي جدا لأي حد خلف وعارف معزه الاولاد عامله ازاي ف انا مختلف معاك مش علي كرهه و لكن على السبب في ده".
مواقف غير جيدة
وواصل مشجع أخر: "يا جماعة احنا مش مختلفين على التصريح ده بس مينفعش ننسى أن غالي ليه مواقف غير جيدة كتير، يكفي تصريحه وهو في أوربا عن الاهلي يكفي تطفيشه لوائل جمعة من الجهاز يكفي اقتحامه لاجتماع المجلس بدون احترام يكفي انه كان عامل جبهة مع واحد زي فضل وطفشو هيثم عرابي من الاهلي احنا ليه بقينا ننسى عمرنا ماكنا بنسامح اللي يغلط في نادينا يفرق ايه ده عن اللي باعو ده مينفعش يبقى مسؤول في نادينا ابدا".
حسام غالي يكشف تفاصيل إصابته بكورونا
