استجاب الرئيس عبدالفتاح السيسي لسائقة تروسيكل السيدة ناهد جمال سعيد بعد مناشدتها له بمساعدته، وذلك في مداخلة هاتفية ببرنامج "من مصر" عبر فضائية"cbc".
وأشاد الرئيس، بقصة كفاح السيدة ناهد، سائقة تروسيكل، قائلا: "اللي بطوله بعمله، فيه ناس مش بطولها، فبقول للمسؤولين اتعاملوا أو تقولولي وأنا أعمل"، موجهًا الشكر لأسرة البرنامج على عرضهم مثل هذه النماذج.
https://m.facebook.com/CBCEgypt/videos/350055393023325/
وقال الرئيس فى مداخلة هاتفية لبرنامج "من مصر" الذى تقدمه الإعلامية ريهام إبراهيم والإعلامى عمرو خليل، عبر قناة CBC: "أنا بأبلغ تحياتى واعتزازى وكمان ألمى الشديد إن يبقى فيه 5 بنات، وهى بتجرى عليهم كده وإحنا بنتفرج".
كفاح المرأة المصرية
وأضاف السيسي خلال مداخلة هاتفية مع الإعلامي عمرو خليل، والإعلامية ريهام إبراهيم، في برنامج " من مصر" المذاع على قناة cbc، اليوم الأحد: "أنتوا بتبينوا قد إيه هي الأم، بتظهروا قيمة الأم، شوفوا الأم عاملة إزاي؟، والله أنا بتمنى أعمل كل حاجة حلوة لمصر، خاصة للناس اللي ظروفها صعبة، زي المثال ده، ومنه كتير في مصر".
وثمن الرئيس عبد الفتاح السيسي، قصة كفاح إحدى السيدات التي تُربي 5 فتيات، قائلًا: " مينفش تبقى بتجري عليهم كدة وإحنا قاعدين نتفرج، ربنا يديها الصحة، الفتيات دول محتاجين رعاية، عشان بعد كدة هيبقوا 5 أُسر".
وتابع : "هندبر كل اللي هي عاوزاه، وتستحقي كل خير، وكل ست تعمل كدة تاج على راسنا كلنا، وتشرفنا، أنا عاوز أقول النقطة دي، أحترم أوي الست المصرية، كل ست أنا مش شايفها، بقول للمسؤولين في المحافظة والمحليات خلوا بالكم من أهلكم، خلوا بالكم الست، الست دي عرض، وإحنا مسؤولين عنها".
اقرأ أيضا..
الرئيس السيسي يصافح الطفلة مايا ويشاهد فيلم شجرة المستقبل
