القصة الكاملة لحرب التصريحات بين أمير كرارة ومها أحمد

حالة من الجدل العارم سببتها الفنانة مها أحمد خلال الأيام القليلة الماضية على وسائل التواصل الاجتماعي المختلفة بعدما شنت هجوم على أبطال مسلسل "نسل الأغراب" وهما الفنان أحمد السقا والفنان أمير كرارة الأمر الذي عمل على أثارت الجدل بين متابعي كلًا منهما. كتبت الفنانة مها أحمد منشور لها على صفحتها الشخصية بموقع التواصل الاجتماعي "فيسبوك"، تتهتم فيه الفنان أحمد السقا بطل مسلسل "نسل الأغرب" والذي عرض في رمضان 2021 بعدم الوقوف بجانبها عندما طلبت منه مساعدة في الحصول على دور في عمل قادم لها، الأمر الذي استدعى لتدخل شقيقة ووالدة الفنان والرد عليها.

مها أحمد تشن هجومًا على أبطال نسل الأغراب

كتبت مها أحمد عبر حسابها بموقع "فيسبوك"، يوم السبت الماضي، التالي: "عوضي على الله.. دي الجملة اللي دايما بقولها لما اتصدم في أشخاص، الحكاية يا سادة نجمين عملوا مسلسل واتنجمت عليهم بنوتة لسه ألف باء تمثيل، واديتهم على.. إلى أن أصبحت بطلة المسلسل وبطلة الدعاية للمسلسل، وهما راضيين رغم إن طول عمرهم مابيعملوش كده مع أي زميلة لهم أقربها أنا". وتابعت: "النجم الأولاني بيني وبينه عيش وملح وزمالة، رُشحت في مسلسل بطولته وكان بيقنعني بدور ولما وافقت بعتولي دور تاني معرفوش، دور متعملوش واحدة مبتدئة، المفروض إنه عارف قيمتي الفنية، وعارف إني إضافة له، اتهرب مني وموقفش جنبي وباعني، رغم إن الكل عارف إني زي أخته". وأضافت: "أما التاني كان في بداياته يتمنى يسلم عليا ويقولي يا أستاذة.. نزلت من نفسي وقلتله مش هنشتغل مع بعض؟ ما هي الحوجة مرة! رد وقالي الدور ينادي صاحبه.. طبعا محكلكوش قد إيه ندمت نفسي، وعشت أسود أيام حياتي عياط واكتئاب.. وقلت عوضي عليك يا رب". واستكملت: "تمر الأيام والاتنين يعلو ويتجمعوا مع بعض في مسلسل واحد (على عينهم طبعا)، ويمثلوا وحش قوي تمثيل الكفار، وطلعوا كمان مبيقروش اللى بيمثلوه، ويتحول المسلسل والدعاية الدراما كاملة لصالحها، وهما (مخدماتية للأستاذة)". [caption id="attachment_669475" align="alignnone" width="950"] القصة الكاملة لحرب التصريحات بين أمير كرارة ومها أحمد[/caption] واختتمت مها أحمد منشورها: "يمهل ولا يهمل.. ابدأوا من جديد يا أوفر تمثيل، ياللي مبتقروش يا كومبارس جنب النجمة.. نصيحة: بلاش تتشطروا على اللي كان بينكم وبينهم عيش وملح.. بلاش تتشطروا على أساتذتكوا.. عوضنا على الله.. يا رب ما تحوجنا لحد حتى ولو كان أقرب الناس لينا".

شقيقة أحمد السقا ترد على هجوم مها أحمد

من جانبها حرصت فاطمة السقا شقيقة الفنان أحمد السقا بالرد على هجوم مها أحمد فور نشر المنشور الخاص بها، قائلة التالي: "أبهرتيني يا مها بأخلاقك العالية.. وبإنك افتكرتي العيش والملح اللي أكلتيه في البيت بتاع الفنان اللي مش عارفة تقولي اسمه، بس عرفتي تقولى عليه (ندل).. اللي هو أحمد السقا.. بس أنا بقولك قدام الناس.. أي حد يقول عليه كده لأنه راجل كرمك ووقف جنبك إنتي ومجدي بدل المرة ألف، وأمير كرارة بردو راجل جدع ومحترم للي ما يعرفهوش في البوست بتاعك ده.. معرفش إيه الفرص اللي كانت عندك اللي كان يتمنى يشتغل معاكي فيها زمان؟! بس هو أي حد يتمنى يشتغل معاه دلوقتي أكيد.. وكلمة الدور بينادي صاحبه دي بتاعة أفلام.. ما بتتقالش في الحقيقة.. كفاية دراما وتشويه للناس". وتابعت: "وبعدين هما كممثلين مش مطالبين يقفو جنبك ولا يجيبولك أدوار على فكرة.. دي رؤية مخرج وناس بتوع كاستنج.. الحقيقة أنا مش عارفة إنتي عايزة إيه.. أنا مش شايفة بعد العشرة الطويلة اللي إنتي قولتي عليها غير كمية الحقد والشماتة، اللي كانوا متداريين ورا ابتسامة كدابة، معرفش إنتي إزاي كنتي بتدخلي بيوتنا.. السب والتطاول ده يدل على الأصل، وإحنا بقى ولاد ناس مع إننا عندنا كلام كتير أوي يتقال".

والدة أحمد السقا ترد على هجوم مها أحمد

كما قامت نادية عبده السروجي والدة الفنان أحمد السقا بالرد أيضًا على مها أحمد، وكتبت التالي:"على الأصل دور.. كومبارس فاشلة تتطاول وتسب فنانين كبار، وتعلق فشلها عليهم، تبحث عن الشهرة بطريقة بذيئة مهما حاولتي يا كومبارس ليس لكي مكان بين الفنانين المحترمين، وان طلع العيب من أهل العيب ميبقاش عيب".

الفنان أمير كرارة يرد على هجوم مها أحمد

من جانبه قرر الفنان أمير كرارة الرد على ما كتبته الفنانة مها أحمد على حسابها، وقال التالي: "كل الوسط الفني كبار وصغيرين عارفين السقا وكرارة موقفهم إيه مع زمايلهم واخواتهم الفنانين كبار وصغيرين.. وشكرًا". بالتفاصيل.. رد أخت أحمد السقا على مها أحمد