أخبار عاجلة
السيسي: مدينة الروبيكى نموذج قوى للمدن الجديدة
أكد الرئيس عبد الفتاح السيسى، أن الدولة تنفذ نموذجا جيدا خلال العمل في مجال الصناعة، الروبيكى نموذج قابل للنجاح في ظل التطور الكبير الذى يشهده العالم، قائلا: "بقول الكلام ده للناس اللى شغالة في الصناعة.. لازم نعمل حاجة قابلة للنجاح.. التطور مش في مصر بس.. ده في الدنيا كلها.. حد هيجى يقولك الاشتراطات البيئية انت عامل فيها ايه.. فيه كلام كتير".
وأضاف الرئيس السيسى خلال كلمته في افتتاح مشروعات قومية جديدة بالصعيد: "ممكن البضائع كويسة ويصعب إنفاذها في الأسواق الخارجية.. تجربة الروبيكى مش نجحت إلا لما الدولة تدخلت.. الروبيكى تجربة نجحت لما الدولة دخلت.. وجه المهندس طارق – وزير الصناعة وقتها- قالى مش قادرين ننقل الناس.. انقل الناس على حسابنا.. قولتله ننقلهم على حسابنا .. قولتله ماشى.. ودفعنا 100 مليون جنيه على حسابنا.. حد تانى يقول لا انتم بتدلعوا".
وتابع الرئيس السيسى: "بنديله المكان اللى قاعد فيه وكل حاجة.. بناخد الناس على قد تجربتهم.. انا شايف الصح وصاحب المصلحة أن البلد تطلع قدام.. والناس تغنى ويبقى عندها طاقات وعمر الصناعات البسيطة ما تعمل غنى".
مازح الرئيس عبدالفتاح السيسي، أحد المقاولين الموجودين في افتتاح عدد من المشروعات التنموية في الصعيد، قائلا: "تشتغل في دشنا وتخلصه بعد سنة؟ طيب تاخد الفلوس بعد سنة؟ يا حاج سعيد..أحرجتك ؟ هديلك جزء.. ورد الحاج سعيد قائلا: "اللى سيادتك تؤمر بيه".
وقال الرئيس لأحد المقاولين ويدعى هاني تادرس:" تخش تعمل كوبرى دار السلام؟.. طيب هتاخد %25 والباقى لما تخلص، فرد قائلا: "مستنى أوامرك يا ريس".
الرئيس السيسي يفتتح مشروعات جديدة في الصعيد
في سياق منفصل، طالب الرئيس عبد الفتاح السيسي بالاهتمام بالصناعات التكنولوجية المتقدمة، قائلا: "الناس اللى بتشتغل في التكنولوجيات المتقدمة.. اليوم بتاعه بـ 10 آلاف و20 ألف جنيه كمان.. اليوم مش الشهر.. مش الاشغال البسيطة".
وأضاف الرئيس السيسى خلال كلمته في افتتاح مشروعات جديدة في الصعيد: "طب نخلص الاشغال البسيطة الأول".. مشددا على أن المجمعات الصناعية الجديدة يجب أن تكون جاهزة بشكل كامل من ناحية توفير الكهرباء والمياه والغاز".
وقال الرئيس السيسي: "العدادات تكون راكبة موجودة.. علشان اللى يدخل المجمعات دى مش يعمل حاجة تانية.. وحتى المساكن اللى بنعملها لازم يكون فيها كهرباء وغاز ومياه.. وتحركنا كده ولما شوفنا النجاح في الروبيكى.. قولنا نكمل ونعمل منشأت تانية".
تحدث الرئيس عبد الفتاح السيسي، عن أهمية مشروع مثل مشروع مدينة الروبيكى، قائلا: "عندنا 825 ألف مشروع في الروبيكى.. لو المشروع بواحد على الأقل.. يعنى 825 ألف أسرة فى 16 مليار جنيه.. يعنى تقريبا 20 ألف.. هنحط 40 ألف جنيه في مليون.. يعنى 40 مليار دلوقتى".
وأضاف الرئيس السيسي، خلال كلمته فى افتتاح مشروعات قومية جديدة بالصعيد: "الهدف إيه.. كتير مننا نلاقى بنعمل تجمعات جنب محطات الوقود.. وكتير يقولك ده كتير ده ومش بيجب فلوس.. وأنا أقول اعمل ده.. ويقولى ده مش بيجب فلوس.. أقوله فيه ناس بتشتغل يقولى اه.. خلاص ده الفلوس.. أن الراجل ده يشتغل ويرجع بيته ويكون فيه فلوس.. إذا كانا بنتلكم عن فقر وبطالة.. الحل إننا نشتغل كويس".
