أخبار عاجلة
السيسي: الإصلاح الاقتصادي أنقذنا من موقف صعب جدا.. وتخزين القمح وفر 5.5 مليون طن
أكد الرئيس عبد الفتاح السيسي، أن المرأة المصرية ساهمت في نجاح برنامج الإصلاح الاقتصادي، مشددا على انه لولا هذا البرنامج لأصبح وضع مصر صعبا.
وقال الرئيس خلال احتفالية المرأة المصرية: "بفضل الله ولولا هذا الموقف والإجراءات اللى اتعملت خلال السنتين اللى فاتوا والأزمة العالمية اللى بنعيشها صدقوني لو مكنش هذا البرنامج وُفقنا فيه كان هيبقا موقفنا صعب قوى في اللى احنا بنعيشه دلوقتي".
دور المشروعات القومية الكبرى
تحدث الرئيس السيسي عن دور المشروعات القومية الكبرى التي نفذها الدولة المصرية خلال الفترة الماضية، قائلا: "نقاش كتير دائما موجود.. يا تري احنا موجودين والشغل ده.. هل كان له أثار إيجابية ولا كان أثار صعبة.. هقولكم على حاجة.. أحد المشروعات البسيطة جدا.. مشروع قومى لزيادة حجم القدرة على تخزين القمح.. بقي عندنا القدرة على تخزين 5.5 مليون طن قمح.. كان اللى موجود تلت الرقم ده قبل كده.. كان بيعمل ايه.. حطينا فلوس كتير في الموضوع ده.. لقينا تمن اللى بيفقد 20 % من القمح".
وأضاف الرئيس السيسي: "احنا في مصر نقدر نقول بنتداول ما يقرب من 17 -18 مليون طن.. بنتداول 15 مليون أو 10 مليون طن.. كان فيه منهم 2 مليون طن قمح يفقدوا.. طب دول تمنهم كام ويفقدوا ازاى.. في شون مكشوفة.. وفى مخازن مفتوحة.. ويتعرضوا للفقد.. لما عملنهم وعندنا مخزون القمح 4 شهور".
يذكر أن المرأة المصرية، حققت منذ تولى الرئيس السيسى الحكم، الكثير من المكاسب لصالح المرأة المصرية وتمكينها، فلدينا الآن أكبر عدد من الوزيرات في تاريخ الحكومة المصرية، والمرأة وصلت إلى منصب المحافظ، إضافة الي الكثير من المراكز القيادية في مختلف مؤسسات الدولة.
