أخبار عاجلة
الرئيس السيسي: تكلفة المبنى الواحد من المراكز الرقمية 10 مليارات جنيه
قال الرئيس عبد الفتاح السيسي خلال افتتاح منصة مصر الرقمية، اليوم، للدكتور عمرو طلعت وزير الاتصالات وتكنولوجيا المعلومات: "انت بتتلكم على الكلام اللى اتعمل بيه المراكز.. بس أنت مش اتكلمت عن أن المنشآت اللى اتعملت فيها اتكلفت كام.. بقول كده للناس اللى موجودة دلوقتي وبتسمعنى.. علمنا الرأسي والتبادلي.. التبادلي متكلف بنية إنشائية 10 مليار جنيه.. والرأسي أكثر شوية".
وأضاف الرئيس السيسى: "الفكرة هنا لما نتكلم على موضوع.. منين وبكام؟.. ليه احنا عملناه.. لكن عملناه بكام وده جه منين.. المراكز دي معمولة محصنة لا يمكن الاقتراب منها خالص وبأي شكل من الأشكال.. 15 متر تحت الأرض.. المركز الواحد متكلف 10 مليارات جنيه على الأقل إنشاءات مدنية لتوفير مكان لوضع فيه الخوادم الرئيسية".
وتابع: لما عملنا مسابقة طلع 111.. بفكركم بالموضوع وساعتها قابلنى الدكتور خالد وزير التعليم العالى وقالى لو عملنا مسابقة غير كده هنجيب عدد أكبر من كده وأنا بقول ياريت والله يا خالد.. بقولك الكلام ده والله يا خالد وأتمنى والله العظيم لو اتوجد 100 ألف دارس عندهم المقومات دى هصرف عليهم 12 مليار جنيه فى تعليمهم هاتوا الـ100 ألف فاهمنى وفاهمهم".
ويفتتح رئيس الجمهورية عبد الفتاح السيسي، اليوم الأربعاء عدد من مشروعات "مصر الرقمية" التابعة لوزارة الاتصالات وتكنولوجيا المعلومات، وفقاً لما أعلنه المتحدث باسم رئاسة الجمهورية، السفير بسام راضى.
وقال المتحدث باسم رئاسة الجمهورية، السفير بسام راضى، إن الرئيس سيشهد أيضاً افتتاح عدد من المشروعات عبر الفيديو كونفرانس، مثل محطات انزال الكابلات البحرية في كل من رأس غارب، والزعفرانة، وسيدي كرير، بالإضافة إلى افتتاح مركز البيانات الدولي بالقاهرة، ومدارس المصرية للاتصالات للتكنولوجيا التطبيقية، ومراكز ابداع مصر الرقمية، وتطوير متحف البريد المصري.
