السيسي: «ننفذ خطة مش متواضعة للتنمية فى سيناء تليق بأهاليها»

طالب الرئيس عبد الفتاح السيسى، كافة أجهزة الدولة المصرية الحذر والحرص فى التعامل مع الوضع فى سيناء، قائلا: "الحذر والحرص مستمر من كل الأجهزة.. لا تغمض عين أو جفن.. اوعوا تطمأنوا.. دايما عنينا منتبهة لكل حاجة.. ومعانا أبناء سيناء.. ومش تسكتوا على حد.. ولما مش قدرنا نعمل قبل كده فى الفترة من 2006 إلى 2010.. والنهاردة خلى بالكم.. احنا مش هنضيعه.. بالعكس.. هنشوف حل ونعاجله ونفهمه.. مش نسكت ابدا".

وأضاف الرئيس السيسى، خلال كلمته فى تفقد اصطفاف المعدات المشاركة فى تنمية وإعمار سيناء: "قعدنا 10 سنين مش عاوزين ننسي.. مش عاوزين ننسى الأيام المؤلمة اللى كانت تمر منأ.. واسف انى بقولها فى يوم جميل.. مهم نكون ننتبه ونخى بالنا أكثر.. وعلشان مش يكرر لا هنا ولا أى حتة فى مصر.

وتابع الرئيس السيسي: "التواصل مع شيوخ القبائل ثقافة.. ثقافة للقوات مع الأهالى فى سيناء.. والمنطقة الغربية والجنوبية.. التواصل مع الأهالى والشيوخ ثقافة مطلوب تتنفذ على أعلى مستوي.. بتمنى لكم التوفيق ولسه قدامنا كتير".

خطة قوية للتنمية فى سيناء

أكد الرئيس عبد الفتاح السيسي، أن الدولة المصرية تنفذ خطة قوية للتنمية فى سيناء، قائلا: "التنمية والخطة مش متواضعة لما بنتكلم عن المسافة من العريش لكن حاجة تليق أولا بأنباء سيناء وتليق بمصر.. سواء مشاريع فى العريش.. وده مهم.. الناس مستغربة من توسيع الميناء فى العريش.. والظهير الخلفى فيه مساكن وتعوض وتخلي.. بنعمل ميناء عالمى.. ارجو أن الناس تسمعنا أبنائنا وأهالينا".

وأضاف الرئيس السيسى: "بنحط ميناء العريش على خريطة موانئ مصر.. ميناء عملاقة.. يقدر يطلع كل المنتجات.. منتجات زراعية وتعدين.. والكلام ده مش معمول.. بنتكلم عن خطة ممتدة لـ 10 – 20 سنة من التنمية والتطوير فى سيناء.. بشكركم.. وارجو أنكم تنتبهوا لأمن وسلامة الناس".

الأولوية فى تنمية سيناء للشركات السيناوية

ووجه الرئيس عبدالفتاح السيسى، بأن الأولوية فى تنمية سيناء للشركات السيناوية قائلا: " بقول للقيادة العامة والهيئة الهندسية الأولى بالعمل معانا طبعا كل شركات المقاولات فى مصر لكن الأولى شركات أبناء سيناء على أساس انهم اشتغلوا معانا فى ظروف اصعب كتير وكانوا موجودين صحيح المعدلات مكنتش زى ما بنحلم لكن كان طبيعة الظرف هو اللى فارض علينا.. هما الأولى فى كل الأعمال الموجودة وارجو نعوض كل اللى احنا بنتمناها ونخلصه فى اسرع وقت ممكن خلال فترة زمنية قليلة وان شاء الله نطمن الأول من ازالة العبوات الناسفة والمتفجرات اللى كانت موجودة فى حتت كتير اللى يخلص نخش ونكمل شغلنا".

وأضاف السيسى: "عاوز أقول للواء محمد..وقائد الجيش ورئيس الهيئة الهندسية مهم قوى إزالة العبوات الناسفة مش عاوزين نخسر حد تانى.. مش عارف تاخدوا تمام شهر ولا شهرين تخلصوا بيها مهمة الإزالة بالكامل بنسبة 100 % علشان بس مفيش حاجة تحصل".

تجهيز 600 ألف فدان للزراعة فى سيناء

أكد الرئيس عبد الفتاح السيسى، أنه من المقرر تجهيز 600 ألف فدان للزراعة فى سيناء مع نهاية العام الجارى، فى إطار خطة تنمية وإعمار سيناء، متابعا: "اتعرض علينا خطة للتنمية فى سيناء بمشاركة هيئة المجتمعات ووزارة الإسكان ووزارة الرى ووزارة الزراعة.. تخطيط يعنى بقوله لكل المصريين.. مش تخطيط متواضع".

وأضاف الرئيس السيسى، "لما الدكتور مصطفى مدبولى بيقول 600- 700 ألف فدان فى سيناء.. نتمنى على أخر السنة دى تكون المياه موجودة سواء من محطة المحسمة أو بحر محطة البقر.. والخط الناقل نخلصه فى أسرع وقت.. كمية أراضى تدخل الإنتاج على نهاية السنة دي.. بتكلم عن سيناء.. مش بتكلم عن توشكى ولا وادى النطرون.. بنتكلم عن 600 ألف قديم وحديث".

السيسي يتفقد المعدات المشاركة فى تنفيذ خطة تنمية وإعمار سيناء 

تفقد الرئيس عبد الفتاح السيسى، اصطفاف لوادر ومعدات البناء المشاركة فى تنفيذ خطة الدولة لتنمية وإعمار سيناء، وذلك على هامش تواجده بمدينة الإسماعيلية.

وكان الرئيس عبد الفتاح السيسى، وجه الشكر لبعض رؤساء الشركات المنفذة لبعض الأعمال والمشروعات فى سيناء: "أنا بشكركم إنكم بتشتغلوا فى ظروف صعبة، ولو قلنا لبعضكم أتكلم عن الحوادث والعواقب اللى حصلت، كتير، اللى اتخطف قريبه واللى اتحرقت له معدات وحذر من عدم استكمال المشروعات".

وأضاف الرئيس السيسى، أن الإرهاب كان يعوق حياة الناس وليس التنمية فقط، متابعا: "بعد ما ربنا سبحانه وتعالى وفقنا والإرهاب اللى كان موجود وكان يعيق حياة الناس، لأن لو مفيش أمان، الناس مش هتعرف تعيش حتى لو عايشه، والحمد لله اللى تحقق بفضل الله والجيش والشرطة وأبناء سيناء".