السيسي: الدولة أنفقت أكثر من 10 تريليونات جنيه لتطوير البنية الأساسية خلال 7 سنوات

أكد الرئيس عبد الفتاح السيسي، أن الدولة المصرية أنفقت خلال 7 سنوات أكثر من 10 تريليونات جنيه لتطوير البنية الأساسية، متابعا: "أنفقنا هذا المبلغ وفيه ناس كانت بتقول بلاش ننفق الأموال دي لتطوير البنية الأساسية.. طب ازاي ومفيش استيعاب للنمو السكاني.. والناس عاشت على كده سنين طويلة بس وضع الدولة غير طبيعي".

وأضاف السيسي، خلال كلمته في افتتاح المؤتمر العالمي للصحة والسكان والتنمية: "في عام 2011 تحركت الناس علشان التوصيف اللى قالهم أن الدولة مش قادرة تعمل التغيير ده للمواطنين .. التغيير في مصر بأننا كلنا كمواطنين وحكومة وقيادة نعمل سوا من أجل تنظيم قدرة الدولة على عدد سكانها.. طب ما زي ما حصل ونعمل ثورة.. والدولة تأن أساسا وتخسر 400 مليار دولار تاني.. في وقت أحوج ما يكون إلى دولار.. هناك ارتباط بين اللى بنتكلم فيه والزيادة السكانية وخروج الناس في 2011.. لو مكنش العدد الكبير ده موجود خلال الفترة دي مكنتش حست أنه مفيش صحة كويسة وتعليم كويس.. وتشغيل كويس.. ودولة مش قادرة تقدم الرعاية الحقيقة للمواطنين".

وشدد الرئيس السيسي، على أهمية الاستقرار والأمن كجزء مهم وأصيل في تنمية الدولة، قائلا: ننظر إليه كأحد العناصر المهمة في معالجة النمو السكاني، مضيفا: "لم ننجح في الستين سنة اللى فاتت في الموضوع.. طيب هل مكنش فيه إرادة سياسية ووعي من القائمين على الدولة بأن النمو السكاني مشكلة كبيرة تواجه الدولة المصرية واستقرارها؟.. أتصور إنه كان واضح ومعروف.. هل كانت المحافظة على الهدف قوية وراسخة ومستقرة علشان المستهدف يتحقق؟..أتصور إنه كان واضح ومعروف.. وهل كانت المحافظة على الهدف وأليات العمل المطلوبة لتنفيذ الاستراتيجيات قوية وراسخة لتحقيق المستهدف؟".

وأضاف الرئيس السيسي خلال كلمته بالمؤتمر العالمي للسكان والصحة والتنمية: إنت بتتكلم فى 400 ألف مولود سنويا.. انت مش عاوز تخفض إلى 1.5 لا .. انت عاوز تعوض العجز اللى نتج عن 70 سنة اللى فاتت وبعد كده تبتدي تسمح بالنمو".