بالكلمات شاهد.. ألبوم رامي صبري الجديد فارق معاك 2019

طرح الفنان رامي صبري ألبومه للعام الجاري 2019 "فارق معاك"، الذى احتوي على 12 أغنية من أغانيه الرومانسية.

وجاء ترتيب الألبوم فى أغانيه على النحو التالي: 1ــ أغنية بتاع بنات والتى جاءت كلماتها على النحو التالي: " إشاعات وحكايات.. هتسمعى عنى كتير حاجات، وهيقولوا إنى بتاع بنات.. وبعد يومين مش هتلاقيه، ده يقولك سيبيه.. ودى تقولك فيه اللى فيه، كلام للصبح هتسمعيه.. وذنبى فى كل ده بس إيه، وقالوا ياما فى كلام عليا.. يسيب ديا يروح لديا، لكنك بالنسبة ليا .. مش عادية .. مش عادية، أنا بحبك وافهمينى .. أنا هعيشلك طول سنينى، مفيش غيرك يملا عينى .. يملا عينى .. يملا عينى، ناس منك تغير .. وناس مش عايزين لينا خير، وعندى أنا بس طلب أخير .. حبيبتى ياريت ماتركزيش، على إيه كل ده .. وهعمل ليه أصلا كده، ده أجمل عمر بيكى ابتدا.. وأنا من غيرك مش هعيش". والأغنية من كلمات: أمير طعيمة، وألحان: رامي صبري، وتوزيع موسيقى، ومكساج: تميم، جيتار: مصطفي أصلان، تم التسجيل بإستوديوهات نجوم ريكوردز.

   

شاهد.. رامى صبرى يحتفل بزفافه عبر “إنستجرام”

2ــ أغنية أنا بابا والتى جاءت كلماتها على النحو التالي: من أول تكة ما بينا قوام على غلطة اتلككتى سبتينى وقلبك طاوعك قولتى أنا ماشية ومش راجعة وقدرتى وخدتى فى وشك روحتى لا جيتى ولا سألتى وفاكرانى إن أنا هستنى تحنى وفى عنيا الدمعة يا ماما لا يا ماما لا يا ماما بطلى تعيشى فى دراما اللى قدامك رجولة والرجولة يعنى كرامة الكلام ده ع الغلابة مش عليا.. أنا بابا من نفسك راجعة تقولى إنك غلطانة أما بعدتى عايزانى أسامحك تانى ودرس ومنه اتعلمتى أنا مش فاتح مدرسة ولا جامعة وآسف مش قادر الفرصة كانت فى إيديكى خلاص اللى ذاكر ذاكر يا ماما لا يا ماما لا يا ماما بطلى تعيشى فى دراما اللى قدامك رجولة والرجولة يعنى كرامة الكلام ده ع الغلابة مش عليا.. أنا بابا".

والأغنية من كلمات هاله علي، والحان: عزيز الشافعي، توزيع ومكس: جلال الحمداوي، اكورديون وائل النجار، ناي احمد خيري طبله، احمد عيادي، إنتاج نجوم ريكوردز".

 

شاهد.. إطلالة رامى صبرى من داخل صالة مطار القاهرة الجوى

3ــ أغنية حاول تنساني والتى جاءت كلماتها على النحو التالي: " ماتعاتبنيش ... وفر اعذارك دا اللى عملته معايا كتير و انا ياما حاولت انسالك .. قلبى ماريحنيش و متسالنيش ... عن ايام بنا لو ايامك فيها الخير انا كنت انسى و اصفالك بس ماتنفعنيش حاول تنسانى ... ماتحنش تانى انا بعد فراقك ماستنتش و عشت حياتى حاول تنسانى ... ماتحنش تانى انت اللى طلبت البعد و هنت عليك ف ثوانى طبعا تلاقيك فاكر فتقولى هترجع اقولك اهلا بيك ف لاقيت انك مش فارق و مابندمش عليك يا سلام يا سلام دلوقتى بقيت شايف ايامى دى احلى ايام دا انا لسه هتعرف قيمتى لما تشوف قدام".

والأغنية من كلمات تامر حسين، والحان رامي صبري، توزيع ومكس طارق توكل، إنتاج نجوم ريكوردز".

4ــ أغنية قولت اللى عندي والتى جاءت كلماتها على النحو التالي: " قولت اللى عندى كله ليك من غير كسوف أجمل منك حبيبى مستحيل أشوف مفيش غيرك جوه قلبى.. وليه أخبى إنت .. إنت اللى زيك إنت خلصوا من سنين هو القمر فى مِنه تانى مرتين باين قلبى خطفته مِنى ومين يلومنى ليه .. أنا بفكر فيك كده ليه آه لو تعرف اللى أنا فيه .. تعالى قولى عملتلى إيه فين .. حبيبى تهرب مِنى لـ فين ومين قدى يحبك مين .. تعالى هنا مفيناش بعدين قولت اللى عندى كله أعمل إيه معاك مش كل يوم هقابل يعنى فيه ملاك عليك ضحكة مجننانى مخليانى شوفتك .. أول ماشوفتك للأمانة عقلى طار ملحقتش حتى أفكر ولا أخد قرار لاقيت قلبى معاك وسابنى وشُوقى جابنى".

والأغنية من كلمات أحمد علي موسى، ألحان رامي صبري، توزيع موسيقى: تميم، وتريات: تامر غنيم، إنتاج نجوم ريكوردز 2019.

   

شاهد.. رامى صبرى فى إطلالة رومانسية عبر إنستجرام

5ــ أغنية هو في كدة والتى جاءت كلماتها على النحو التالي: " هو فى كده .. يعنى معقول أحلى مـ القمر .. حلو على طول خد تعالى هنا .. ما إنت مسئول على اللى واصل ليه عاملة مشكلة لون عينيك دول قلبى حبها بيها مشغول نظرة منها ليها مفعول.. سحر حاسس بيه بناديك .. ومتعلق بيك .. من أول يوم ... وأنا مِلك إيديك وعليك.. أنا عينى عليك .. ومسلِم ليك ... ومُنايا أرضيك هو فى كده .. لأ كده مفيش فرصة مـ السما .. تانى متجيش حن على حالى وإرضالى أعيش طول حياتى معاك بص شوف بقى .. هو ده كلام أعمل إيه أنا .. لأ كده حرام إنت على بالى .. مش عارف أنام .. مش عارف أنسى". والأغنية من كلمات: :أحمد علي موسى، ألحان: رامي صبري، توزيع موسيقى وميكساج: طارق توكل، جيتار: أحمد حسين، كمان: سعيد كمال، إنتاج نجوم ريكوردز 2019.

6ــ أغنية وبقابل ناس والتى جاءت كلماتها على النحو التالي: " وبقابل ناس وبحاول أحب غيرها.. وسنين هتفوت وهعيش وهموت فاكرها.. وأنساها إزاى ودى كَتَر ألف خيرها سيبالى ليالى جميلة وذكرى فى كل مكان ليالى عمرى وكل اللى يوم عشناه كل حلم فى ليلة سوا حلمناه هوانا عايش مين قال فى يوم نسيناه كان الفراق قسمة ونصيب وأدى الحياة صعبة الأيام من وقت غيابها عنى.. الاسم بعيش وأنا روحى خدوها منى وياريتها تكون زيى وبتفتكرنى وبتضحك لما تفكر يوم فى ليالى زمان". والأغنية من كلمات: :أحمد علي موسى، ألحان: شادي حسن، توزيع موسيقى وميكساج: طارق توكل، أكورديون: وائل النجار، إنتاج نجوم ريكوردز 2019.

7ــ أغنية أنا بعترفلك والتى جاءت كلماتها على النحو التالي: " أنا بعترفلك عجبانى.. بعد الكلام ده هقول تانى جابنى الجمال ده وودانى.. والضحكة دى مفيش بعديها وكلام ما بينك وما بينى.. عمالة تحلوى فى عينى بعينيكى دول علقتينى.. والنظرة ديا بموت فيها قوليلى يلا إيه الجمال ده كله قوليلى يلا إيه الدلال ده كله ده اللى زيك فى الزمن ده قلو.. فى الزمن ده قلو ليلى ليلى ليل يا عينى عينى يا ليل .. ليلى ليلى عينى عينى يا ليل ليلى ليلى ليل يا عينى عينى يا ليل .. ليلى ليلى عينى عينى يا ليل استنى خليكى معايا .. ده أنا سيبت كل اللى ورايا ما أنا فى الجمال شايفك آية .. ومفيش كده فى الدنيا دى وعليكى والله طريقة .. علقتى قلبى أنا فى دقيقة أنا مش بجاملك دى حقيقة .. حتى القمر جنبك عادى".

والأغنية من كلمات: تامر حسين، ألحان: رامي صبري، توزيع موسيقى ومكساج: طارق توكل، جيتار: أحمد حسين، ناي: أحمد خيري، أكورديون: وائل النجار، طبلة : أحمد العيادي، إنتاج نجوم ريكوردز 2019.

8ــ أغنية صعبان عليا والتى جاءت كلماتها على النحو التالي: " أنا مش ممكن أتخيل حياتى وإنت مش موجود أكيد مش هقدر أتحمل فراقك عنى ممكن أموت هتفضل دنيتى واقفة عليك والوقت مش هيفوت صعبان عليا من الفراق فكر شوية... فى حالى لما أشتاق صعبان عليا أيام زمان فى يوم وليلة... ننساها هى كمان أنا معرفش لما تغيب.. هعيش بعديك لمين ولإيه ولو كان الفراق موضوع.. بتقدر عادى يعنى عليه ياريت تعمل حساب قلبى.. وبلاش إنت اللى تجرح فيه".

والأغنية من كلمات: :أحمد علي موسى، ألحان: رامي صبري، توزيع موسيقى وميكساج: طارق توكل، وتريات : تامر غنيم، إنتاج نجوم ريكوردز 2019.

9ــ أغنية وعجبي عليك يا زمان والتى جاءت كلماتها على النحو التالي: " وعجبى عليك يا زمان ع اللى راحوا من زمان رجعوا لما كبر مقامنا وبان علينا الخير عجبى ع اللى إحنا فيه .. جم فى إيه وماشيين فى إيه ده اللى سابنا فى وقت محنة.. ملوش علينا جميل شربنا من الجرح كاس وقفلنا السكة دى خلاص ياما ناس ارتاحوا لما سابوا أقرب ناس مش إنتوا نسيتوا اللى كان.. ضحيتوا بليالينا زمان كل حد يروح لحاله كفاينا كلام وعجبى عليك يا زمان ناس كتير بتقول كلام وأما ساعة الجد تيجى يتنسى اللى اتقال عجبى على اللى إحنا فيه.. ليه بننسى العشرة ليه إحنا مالنا.. إيه جرالنا .. كل يوم ليه فى حال". والأغنية من كلمات: هاني رجب، ألحان: مديح، توزيع موسيقى: رامي صبري، مكساج: طارق توكل، باص: أحمد رجب، جيتار: شريف فهمي، ناي: أحمد خيري، أكورديون: وائل النجار، وتريات: تامر غنيم.

10ــ أغنية حكاية حبنا والتى جاءت كلماتها على النحو التالي: " حكاية حبنا أنا لسه بحكيها ..... يا فرحة خدتنى فى الآخر لجرح كبير ويوم البُعد أول مرة أموت فيها ..... لكن يا حبيبى من بعديها مُت كتير بموت لحظة ما أروح لمكان فى يوم روحناه ولما يعيدوا فيلم أنا وإنت يوم شوفناه ولما أسمع فى يوم غنوة كانت عجباك مشاهد كل يوم قدامى أنا بتتعاد .. بموت من فكرة إن إحنا بقينا بعاد وإن الحل لعذابى إن أنا أنساك بقول اسمك تملى حبيبى فى كلامى ..... وصوتك لسه أنا سامعه مفارقنيش ما بتسيبنيش وبتجيلى فى أحلامى ..... حبيبى الوقت فى بعادك ما بيعديش بموت لما الشتا ييجى بليالى طوال .. وجرينا فى المطر وكإننا أطفال وكل دقيقة عشت أنا فيها يوم وياك مشاهد كل يوم قدامى أنا بتتعاد .. بموت من فكرة إن إحنا بقينا بعاد وإن الحل لعذابى إن أنا انساك".

والأغنية من كلمات: :أمير طعيمة، ألحان: رامي صبري، توزيع موسيقى وميكساج: طارق توكل، ناي: أحمد خيري، وتريات : تامر غنيم، إنتاج نجوم ريكوردز 2019 .

11ــ أغنية بتهتمي والتى جاءت كلماتها على النحو التالي: " بتهتمى .... فى وقت ما ببقى أنا سايبك عشان منساش ما أنا عارفك.. تموتى فى اللى ينساكى.. وميهتمش .. فاتهتمى وده طبعك .... وعيب ولا عمره يتصلح تعبت أشرح تعبت أنصح .. أعيش إزاى أنا معاكى .. أنا غيرك .. ومش شبهك ياريتك واحدة مضطرة وعايزة تعيش ... ياريتك حتى فى بعادى بتنسى النوم أراهن إن ده كله عشان ما أمشيش ... لو أرجعلك هتنسينى فى نفس اليوم أنا راحتى مع واحدة تشيل اسمى... قيمتها تبقى من قيمتى مشفتش كل ده فيكى ولا فى قربى ولا فى غيبتى وحذرتك .. بدل المرة يجى مية.. وقلت كفاية أنانية أنا مش لعبة فى إيديكى.. خسرتينى ولا خسرتك". والأغنية من كلمات: :تامر حسين، ألحان: رامي صبري، توزيع موسيقى وميكساج: تميم، جيتار: مصطفي أصلان، ناي: محمد عاطف، كمان: محمد عاطف، وتريات : تامر غنيم، إنتاج نجوم ريكوردز 2019.

12ــ فارق معاك والتى جاءت كلماتها على النحو التالي: "من إمتى كان فارق معاك كلام وبيأثر وقولى أعمل تانى إيه وإمتى هتقدّر خسارة فيك حتى العِتاب شكراً كده كفاية إنت اللى زيك يتنسى بسرعة مش أكتر لو اتسألت عليك هقول حكاية ونسيتها ووقت ضاع من عمرى راح وفترة عدتها من قلبى بحمد ربنا على إنها خلصت أيامى جنبك كلها ولا عمرى حبتها كان عقلى فين وإزاى خدعت عيونى فيك شوفتك ملاك ومكنش عمره يبان عليك إنك بتكدب والحقيقة إنك أنانى واللى يحبك عادى بتبيعه بإيديك". والأغنية من كلمات: :أحمد علي موسى، ألحان: رامي صبري، توزيع موسيقى: رامي صبري، ميكس: طارق توكل، باص: أحمد رجب، كمان: سعيد كمال، إنتاج نجوم ريكوردز 2019. كتب أحمد حمادة

https://www.youtube.com/watch?v=X2lmxH2p4WE&list=PLHp1PmXV8_2rbIICWwgDkZUPGgnLEmTdW