خالد عليش في قائمة الأكثر تداولاً بعد رسائل "ميما الشامي" .. تعرف على القصة كاملة

  تحدثت الفنانة الشابة "ميما الشامي" عن معاناتها بعد طلاقها من خالد عليش بسبب النفقة ، حيث هاجمته في عدة منشورات على حسابها الشخصي على موقع فيسبوك وقالت "الشامي" : " في المنشور: "هو 4000 جنيه في الشهر يكفي بنت في مدرسة إنترناشونال في حين باباها بيقبض 75000 جنيه.. هو اللي هاني وضربني وكنت أنا اللي بعتذر عشان أنا قصرت واخد فلوسي وبعترف بده بس مش عايز يدهاني غير لما أوافق على شروطه ولا ألجأ للقضاء. وأضافت: "أنت متعرفش أنا ببيع إيه عشان أصرف على بنتي خاصة إني مريت بظروف قاسية جدا وتحديدا بعد مرض والدتي ، والنبي الناس اللي بتكلمني عشان أشيل البوست إنتو متعرفوش أنا مستحملة إية أنا وبنتي ومتعرفوش أنا عملت مع الراجل ده إيه ومتعرفوش أنا ساكتة بقالي قد إية". واكملت: "متعرفوش أنا ببيع إيه عشان بنتي لإن آخر 8000 جنيه كانو معايا هو أخدهم.. ومتعرفوش أنا اتهنت إزاي منه ومن أهله ومن صحباته البنات فالبوست ده آخر حل عندي لإن مكنتش عايزة أعمل كدة مش عشاني ولا عشانه احنا بنا ربنا وهيحكم بنا". وتابعت: "امي جالها الكانسر والناس كلها اتحايلت عليه يوقف جنب مراته.. وبعتله لو سمحت عايزة فلوسي من فضلك أنا ببيع ذهب أبويا قالي مليش دعوة". ونشرت ميما الشامي، منشورا آخر، قالت فيه: "للناس اللي مغالطاني إني نشرت حياتي الشخصية وإن كان مفروض اسكت وده أسرار بينا صدقوني أنا مش مبسوطة خالص إن عملت كدة للأسف ضاقت بيا كل السبل ومليش غير الدعاء إن ربنا يهدي ويفوق". وأضافت: "مش هقولكوا على كسرة القلب والوجع اللي معتقدش هيروح في يوم من الأيام ولا هقولكوا على صدمتي في أعز الناس اللي كان أغلى من روحي ولا هقولكوا إحساس إني عريانة وسط الناس..أنا أمي وحياة تعبها ما كانت تعرف حتى هو بيقبض كام ولا حتى بعد ماهو غلط في أمي اللي عمرها ماقالتلو كلمة تضايقة". واختتمت قائلة: "شكرا لكل الناس اللي شيفاني غلط وأتمنى من الله متتحطوش في موقفي لإن الله أعلم كان ردكم هيكون إيه". ميما شامي ممثلة شابة تخرجت من كلية الهندسة جامعة القاهرة ثم درست التمثيل بمركز الابداع الفني بدار الاوبرا المصرية .. بدأت التمثيل بمسرح جامعة القاهرة وقدمت عدة عروض مسرحية ثم احترفت التمثيل وشاركت في بعض الاعمال التلفزيونيه مثل مدرسة الاحلام وفيرتيجو وأبو العروسه. وفي سياق آخر كانت قد انطلقت تجربة "مين على الباب" الاسبوع الماضي ، والذي يُقدمه الإذاعي خالد عليش، ويُعرض حاليًا عبر شبكة تليفزيون "الحياة" وهو من إخراج "أحمد عساف". أسماء سعداوي