حديث السوشيال ميديا.. تعرف على تفاصيل هجوم حمو بيكا على عمر كمال

شن مطرب المهرجانات حمو بيكا هجوما قويا على زميله عمر كمال وذلك عبر صفحته الشخصية على موقع التواصل الاجتماعي فيس بوك.

حمو بيكا يهاجم عمر كمال

ونشر حمو بيكا صورة لعمر كمال مكتوب عليها علامة X، وعلق عليها قائلا: "ياريت محدش يكلمني في شغل على الشخصية دي عشان انا كنت بحبها والشخصية دي بتتهرب من شغلي اللي خلاني اتفق عليه والاثبات بعد الصورة دي هنزل فيديو وهو عامل بيحبني وهو بيكرهني مع السلامة يا صحاب مزيفة".

ووجه حمو بيكا رسالة غامضة- أمس عبر حسابه بـ"إنستجرام" قائلا: "صباح العسل لكل اخواتي والناس الصفرة لا.. وكلام محدوف ليك يا خروف.. انتظروا أغنية (أنا بيج بوص)".

وربط رواد السوشيال ميديا هذه الرسالة التي وجهها حمو بيكا لمطرب المهرجانات حسن شاكوش، وذلك بعد أن هاجم الأول "شاكوش" خلال الأيام الماضية بسبب عدم ذكر اسمه، أثناء تحدثه عن المهرجانات الأكثر بحثًا لعام 2020، ناسبًا النجاح له فقط، دون ذكر أسماء المشاركين في العمل معه مثل حمو بيكا وعمر كمال.

وقال حمو بيكا: «بدون ذكر أسماء غير الناس الجدعة، في سنة 2020 تم البحث على جوجل لأكثر أغانٍ متداولة، منها عود البطل عمر كمال، وبنت الجيران عمر كمال، وشمس المجرة عمر كمال وحمو بيكا، وأنا بيكا لوف ماي فانز حمو بيكا.. لما تيجي تطلع تتكلم على الناس واحنا واكلين عيش وملح مع بعض، ومن قبل أي حاجة إحنا اخوات، بس لما تيجي تقول النجاح لازم تحدد النجاح مين اللي عمله معاك، أنت ظاهر للشعب المصري إنك أناني وبتحب النجومية لنفسك وبس، خليك محترم وكويس».

وأوضح حمو بيكا: «أخونا عمر كمال لما سمع عن النجاح كتب إحنا نجحنا، محددش مين، فأنت أساسا حياتك كلها غلط، عاوز تحقق نجاحاتك لوحدك، وريني نجاح لوحدك هتعرف تطلع بيه إزاي، لما بشتغل بيبقى نجاحي ليا ومع فرقتي مش لوحدي»، وأنهى حمو بيكا الفيديو قائلًا: «هي دي المعلومة اللي كنت عاوز أقولها للناس، بعد كده أي حد هيقول كلمة مش على مزاجي أنا مش هسكت

رد عمر كمال على حمو بيكا

رد مطرب المهرجانات عمر كمال على هجوم حمو بيكا من خلال بث مباشر عبر صفحته الرسمية على موقع التواصل الاجتماعي «فيس بوك»، وقال: «أنا تحملت كثير جدا إهانات بعض الناس، لكن أنا ممكن أطلع أقولك يا (أبوكرش) لكن كل دي إهانات أنا ماليش فيها

وأضاف: «أنا أول أغنية أتربح من خلالها كانت من خلال أغنية (انتي معلمة) وكل الأغاني اللي قبل كده كنت بديها لحمو بيكا، عشان يرفعها من خلال قناته ويكسب منها بما فيهم أغاني كانت من إنتاجي أنا، والله مكنتش باخد فلوسهم لأني بكسب من زمان وسيبتك تاكل عيش».

استكمل: «الشخص اللي بيتكلم عليا ده أول ما بينزل من إسكندرية بيجي على شقتي وواكلين عيش وملح مع بعض، اللي حصل إن وأنا قاعد عند الحلاق بتاعي ومعايا حمو فوجئت إنه جايب شخص بتاع فساتين وعايزنا نعمله إعلان من غير ما ياخد إذني، وأنا اتحرجت أرفض قدام الراجل، بس أنا مش عايز اعمل مهرجان لفستان فرح، أنا عايز اعمل فن كويس زي بنت الجيران وعود البطل وكل مهرجاناتي، وحتى بعد الاتفاق مدفعش ليا عربون ولا سألني تاخد كام، على عكس ما بعمل معاه في أي فرح حد بيطلبه فيه، عيب تقول عليا إني صحبة مزيفة، أنا عمري ما كسبت من وراك، أنا سيبتلك ١٢ تراك كلت من وراهم الشهد، حتى العربية بتاعتك أنا اتصدرت أنا ومدير أعمالي عند المعرض عشان يقسطهالك، وضمنتك في مليون و٨٠٠ ألف جنيه، ولو كنت لوحدك مكنش حد هيديك عربية».