دونجا يشن هجوم ناري على لاعبي الزمالك.. اعرف السبب

شن تامر عبدالحميد دونجا، لاعب نادي الزمالك ومنتخب مصر السابق، هجوم على لاعبي الأبيض، بعد التلاعب الذي يقوم به البعض بالنادي، من خلال طلب الاحتراف أو الرحيل في الانتقالات الشتوية الجارية، في محاولة منهم بإجبار مجلس إدارة القلعة البيضاء بالموافقة على الرحيل عن الفريق لتحقيق المصلحة الشخصية دون التفكير في مصلحة النادي.

وقال "دونجا" عبر حسابه الشخصي علي موقع التواصل الاجتماعي "فيسبوك": "كان في حاجات اسمها الانتماء والوفاء وأصحاب الفضل، دلوقتى الحاجات دي ماتت من زمان جداً الله يرحمها، الانتماء بقى اسمه الفلوس، واللي يدفع اكتر".

وأضاف لاعب الزمالك السابق، "لازم الناس تفهم كده الموضوع بقى عرض وطلب، لأن كل لاعب بيشوف الفلوس تأمين مستقبل، لأن بردو بيشوف اللاعب بعد الاعتزال مفيش حد هيطلع فلوس ويقوله خد فلوس عشان انت كان عندك انتماء ووفاء للنادي بتاعك".

وأكد، "النادي اللي قادر مالياً هو اللي يملأ عين الاعب بالفلوس، هو القادر على الحصول على البطولات".

وتابع، "المشكلة أن الجماهير عاطفية شوية، ولو حد قال على لاعب كلمة وقال الحقيقية بواقعية بيتهاجم ويسمع كلام مش حلو، وتنسى اللي قال كده انه موت نفسه في سبيل إسعاد جماهيره".

واختتم،" البعد عن الحكايات دى مكسب كبير جداً، ويعلم درس والمهم عندنا هو كيان نادى الزمالك".