قصة حياة شريهان .. انتصارات وانكسارات في إعلان فودافون .. كسرت كل قواعد الـ " هشك بشك "
تصدرت الفنانة شريهان تريند مواقع التواصل الاجتماعي ، عقب ظهورها في الاعلان الذي قدمته في اليوم الاول لشهر رمضان لـ شركة اتصالات فودافون ، وسط حالة من البهجة والحنين الي الماضي ، اعلان اعاد الي الاذهان ذكريات قديمة ، وحركت بظهورها حنين كبير الي الماضي ، الاعلان جاء مبهراً عند البعض ، ومرفوضاً لدي اخرين ، لكن تتفق او تختلف فانه يعكس جانب كبير من الحيوية والامل وحب الحياة ، وتعددت التفسيرات والتأويلات حول مغزي اعلان فودافون ، فهناك من ذهب الي انه يرمز لـ قصة حياة شريهان ، وما تعرضت له من مآسي واوجاع وانكسارات ونجاح ، جاءت الملاحظات على إعلان شريهان متباينة ، اعلان يراه البعض بانه جاء في صورة رقص واستعراض ، لحادث السيارة الذي تعرضت له ونجم عنه اصابتها في عمودها الفقري .
موهبتها علامة جودة فائقة
الفنانة القديرة ذاتها شريهان ، علقت خلال تدوينة لها علي حسابها بموقع التواصل الاجتماعي " تويتر " مخاطبة جمهورها قائلة : حبايبى إلى بيشجعونى وبشوف منهم دعم كبير كل سنه وانتم طيبين ، بعيش بكم ومعكم ملحمة حب عظيمة ، أكبر بكتير من قوتي وقدرتي ومقدرتي الإنسانية .. بينما غردت الاعلامية هالة سرحان قائلة : شريهان تعود لتثبت انها لامثيل لها ، اعلان عن الاصرار والتحدي والارادة ، وقمة في الرقي والشياكة والجمال ، كسرت كل قواعد الاعلانات " الهشك بشك " وقدمت عمل فني ورسالة في قالب اعلان راقي للغاية ، بصمتها وعقلها وموهبتها علامة جودة فائقة .. بينما كتبت بنت مصر الكاتبة والناقدة الاعلامية مريم الكعبي مغردة : عادت لكي نعرف ماذا يفقد الفن بالفراغ الذي يتركه الفنانون أمثالها انها " شيريهان " .
رسالة شريهان لكل الناس المحبطين
بينما عقب حساب يحمل اسم " يا رب صبرني " مغرداً : اعلان فودافون وحش ، شريهان حلوة بس الاعلان وحش وحش اوي ، واللي بيقولوا الاعلان هادف ولا له اي علاقة بـ قصة حياة شريهان ، احنا مالنا ؟ ، فودافون مالها ؟ ، رمضان ماله ؟؟؟ .. وقال سيف : الناس اللي مفهمتش الاعلان ، شريهان بتحكي عن قصه حياتها ازاي ابتدت ونجحت ، واتعرضت لمشاكل صحية ومرت بفترة حرجة في حياتها ، نتيجة انها عملت 30 عملية بسبب الحادثة الشهيرة الي اتعرضت ليها ، بعدها راحت قامت ورجعت اقوي من الاول ، الاعلان رسالة لكل الناس المحبطين انهم يقدرو .حكاية الحادثة وانكسار عمودها الفقري
وقال حساب اخر علي تويتر يحمل اسم " هدوء " : شريهان هي اكبر دليل ان الروح فعلاً هي اللي بتدوم ، بعد 56 سنة بتعمل اعلان بروح بنوتة عندها 20 سنة ليلي : قمر يا شريهان وحياة ربنا بس فين الاعلان ؟ .. وقال محمد ضياء : فنانة جميلة وكل حاجة بس فين الإعلان ؟ وإيه كل المدة ديييي ؟ .. ورد عليه حساب يحمل اسم " نصار " : فكرة الاعلان يعم بيجبهالك الدانسرز في الأول ، بيرقصو ، وبيعملو بجسمهم كأنها بتعمل حادثه ، وعمودها الفقري بيتعوج ، وده حصل ليها في الحقيقة ، وانها بترجع تكمل تاني ، وراجعين اقوي يعني داي الحملة بتاعت فودافون .. وعقب ممنون مغرداً : محتاجه افهم ازاي لحد دلوقتي جامدة كدا .. وقالت يسرا : يارب نص شعر شريهان .. وعلقت ايمان : فنانة زي القمر وكانت وحشانا اكيد ، بس انا الحمدلله مفهمتش حاجه مت الاعلان .
قصة مبدعة بملامح مصرية جميلة
وغردت هايدي : نتفق او نختلف ، لكن اعلان فودافون وشريهان بيحكى قصة مبدعة بملامح مصرية جميلة ، شكرا شريهان .. وقال احمد سعد : متشكرين يافودافون ع الاعلان السمج دا ، مفيهوش حاجة حلوة غير شعر شريهان وهو طويل كدا ، لكن هي في نفسها رخمة اوي .. وعقب حساب يحمل ايم " انا كبهير انبهرت " : الاعلان رسالة أمل لكل الناس المحبطين ، ودليل اننا ممكن بعد اي ازمة ومشكلة نقوم تاني زي الأول واحسن .. وقالت سهير اباظة : غير السرطان اللي في الوش اللي اتعالجت منه بمعجزة، شريهان في أول التسعينات عملت حادثة بالعربية وقعدت تتعالج كذا سنة بعدها في ضهرها وقالوا مش هتقوم ، لكن النهاردة هي 56 سنة بترقص في إعلان ربنا يديها الصحة والبركة في العمر ، سبحان الله القبول ده من عند ربنا .. وغرد محمد عمرو : فودافون جابوها بس نسيو يعملوا فكرة للاعلان تقريباً .. وقال سينالو : حتي لو الاعلان معجبكش ، لكن رغم انها عندها 56 سنه واكتر انسانه اتاذت ف حياتها ، وانا مبسوطة اني شوفتها .
تفاصيل تعبها ومرضها وتحديها للحياة
وقالت ايريني هاني : الاعلان جوه قلبي ، ظهورها سبب لي بهجة ، هي وقفت شغل قبل ما انا اتولد اصلا ! ، بس مستحيل حد ميدركش جمالها وجمالها وموهبتها مهما كان سنها .. واضاف محمد يونس : هو انا الوحيد الي عاجبني اعلان فودافون و حابب الفنانة فشخ .. واردفت سوزي : الاعلان فتح قصص كتير وحاجة عمري ما كنت اعرف عنها .. وقالت نجاة : شريهان هي اكبر دليل علي ان الروح فعلاً هي اللي بتدوم ، بعد 56 سنه بتعمل اعلان بروح بنوته عندها 20 سنة .. وقال تامر عبدو امين : فنانة مبهجة ، طفلة ، منورة ، وجميلة زى عادتها ، هي الحاجة الحلوة الوحيدة في إعلان فودافون .. وعلق عمدة كفر بيتنا قائلاً : إعلان فودافون إللى عملاة شريهان والمتاخد عن قصة تعبها و مرضها و تحديها و حبها للحياة مهما كانت الظروف و المصاعب ، اعلان تحفة ، شريهان نورتينا .. واضاف محتدم : بغض النظر عن الإعلان حلو ولا وحش وينفع لرمضان أو لا، بس الإعلان عبارة عن رسالة أمل لكل الناس المحبطين، ودليل اننا ممكن بعد اي ازمة ومشكلة نقوم تاني زي الأول واحسن ، الإعلان بيحكى عن قصة حياة شريهان، وازاى بدأت ، وعملت حادثة ، وعمليات العمود الفقري .
وعقب حساب يحمل اسم " بالعربي " : بعد غياب لسنوات طويلة وطول انتظار ، شريهان تطل على جمهورها من جديد ، بإعلان جسدت فيه بطريقة إستعراضية قصة الحادث الذي تعرضت له ، وعمرو أديب يعلق : “ الوحيدة اللي نجحت تقومنى من على الفطار " .. وقالت رنا سماحة : وأخيراً رمضان بتاع زمان اللي بطعم ست الكل شريهان رجع تاني ، ولسة قمر زي ما هي حمدالله على السلامة .. وقال حساب يحمل اسم " وحوي يا وحوي " : وسط تريند شعر شريهان ، خلينا بقا نقول اي البرنامج بيحكي بكل حرفية حياة شريهان ، وهي مريضة ، انها قامت وكسرت كل الصعوبات ومفقدتش الامل ، انها تخف من مرض غضروف في ضهرها ، والشباب اللي جنبها دول كانت في العمليات ، لما عملوا شكل الخضروف بأيديهم ، وبعدها رجعت لـ حياتها ، وبعد فترة معاناة كبيرة .
اقرأ أيضا.. كل ما تريد معرفته عن إعلان شريهان الجديد
