حورية فرغلي بعد عودتها من أمريكا: كنت كارهة الحياة وتمنيت الموت ألف مرة.. وفقدت ثقتي كـ"بنت"
قالت الفنانة حورية فرغلي عقب عودتها من أمريكا قادمة من رحلة علاج استمرت ما يقارب الـ 4 اشهر ، مضيفة : أنا لما سافرت أول مرة للعلاج كنت متوقعة ان رحلة العلاج لن تستغرق سوي اسبوع او اسبوعين علي اقصي تقدير ، ثم أعود مرة أخرى إلى أرض بلدي ، لكن فوجئت بان الدكتور يبلغني بان رحلة العلاج سوف تستغرق علي الاقل اربعة اشهر ، وانني سأجري خلالها اربعة عمليات ، العملية الاولي فقط تستغرق وقت يقارب الٰـ 11 ساعة متصلة ، وتابعت فرغلي : الحمد لله استعدت الشم والتذوق ، ورجعت طبيعية وصوتي مبقاش اخنف زي الاول ، لاحمد ربنا كتير علي كرمة لي ، وعودتي سليمة بعد نجاح العملية .
اتولدت من جديد
وأردفت حورية فرغلي أنا حسيت إني اتولدت من جديد ، والرحلة دي علمتني حاجات كتير ، وكشفتلي ناس كتير علي حقيقتهم ، واردفت : انا كنت في محنة والمحنة الحقيقة بتكشف وتبين معدن الناس ، موضحة يا ما اصحاب كثيرين كنت واقفه في ضهرهم سنين طويله ، وياما ساعدتهم ووقفت جنبهم ، وللاسف محدش منهم رفع سماعة التليفون وكلمني ، ولا حتي سأل عني في ازمة مرضي اللي طالت وقت كبير .
وتابعت حورية فرغلي تصريحاتها قائلة : وفي المقابل فيه نجوم كبار وعظام ، مكنتش احلم بس اني اقابلهم ، وجدتهم بيساعدوني وبيسهلولي كل الاجراءات اللي انا كنت محتاجها ، وكانوا دائمين الاتصال بي للاطمئنان عليا وبشكرهم من كل قلبي .
وأضافت حورية : بصراحة أنا كنت فاقدة الثقة في نفسي ليس كممثلة فقط ، بل كـ " بنت " أيضا خاصة وأنا مش متجوزه ولا عندي اولاد ، فكنت بجد محتاجة كل كلمة حلوه ترجعلي ثقتي في نفسي ، لان حالتي النفسية كانت في الحضيض ، ومرت علي اوقات طويلة كنت بـ اتمني الموت ، وكنت كارهة الحياه، ومعنديش اي امل فيها .
أشكر هؤلاء الفنانين
وواصلت الفنانة حورية فرغلي تصريحاتها التلفزيونية خلال برنامج " استوديو دي ام سي " ، المذاع علي قناتي الـ " دي ام سي " و اكسترا نيوز " ، انني اتوجه بالشكر وبالاسم للفنانين العظماء " الدكتور اشرف زكي ونبيلة عبيد ، ولطيفه ، ومادلين طبر ، وعبد العزيز حشاد ، وشريف منير ، واخص بالذكر ايضا الرائعة رانيا محمود ياسين اللي كانت ضهري ويندي وصوتي و مش عاوزه انسي حد لان فيه ناس كتير وقفت جنبي بجد ، دول رجعولي الثقه في نفسي كممثلة وكأمرأة . [caption id="attachment_659422" align="aligncenter" width="300"]
عمليات تجميل الفنانة حورية فرغلي[/caption]
وأضافت حورية فرغلي : أنا مريت بظروف معيشية وحياتية صعبة في امريكا ، وكان عندي مشكلة اني لازم اتحرك وانا لابسة الماسك ، والدكتور كان في فترة من الفترات مانعني البس الماسك ، والناس كانت بتبصلي هناك باستغراب ، وكمان انا كنت خايفة ومرعوبة ان يجيني كورونا ، لاني مش لابسه ماسك ، لكن الحمد لله مرت الازمة علي خير ، ورجعت بلدي سليمة ، وربنا سترها عليا .
