مطلوب وظيفة لبرلماني سابق.. محمد أبو حامد: أنا عاطل وخالي شغل وأطلب من أصدقائي المساعدة
اختلط الامر ، هل هي مزحة علي السوشيال ؟! ، ام حقيقة واقعة ؟! ، فمنذ ساعات قليلة نشر البرلماني السابق محمد أبو حامد عضو مجلس النواب السابق ، تغريدة علي حسابة الشخصي بموقع التواصل الاجتماعي " تويتر " ، كتب فيها انه " عاطل وخالي شغل ، ويبحث عن وظيفة " طالباً من المتابعين ان يساعدوه في فرصة عمل مناسبة ثم نشر السيرة الذاتية كاملة مرفقة بالتغريدة ، والتي احدثت كثيراً من الجدل بين المتابعين لـ ابو حامد ، وسط حالة من التعاطف احياناً ، والاستغراب والاستنكار احياناً اخري ، بل وتجاوز الأمر الي حد الشماته من البعض .
ساعدوني يا أصدقائي
وجاء نص التغريدة كالأتي : " مساءكم خير في الحقيقة أنا أبحث عن فرصة عمل مناسبة ، أنا حاولت البحث بالطرق التقليدية منذ ٦ شهور ، لكن ربنا لم يقدر إلى الآن ، لو في من الأصدقاء حد ممكن يساعد في إيجاد فرصة عمل مناسبة ، ودا رابط الـ cv الشخصي بتاعي ، و في آلية للتواصل ، و أعتذر على إزعاجكم جداً " .. حيث عقب عليه حساب يحمل اسم " سلسبيل " مغرداً : ليه من غير عمل ، المنافقين دائما لهم أعمال لأن لهم وجوه كثيره متلونه .. بينما علق " برنس اهلاوي " قائلاً : اعمل قناه ع اليوتيوب ، و اتكلم بآرائك الجريئة ، هتكسب دهب ، ومنها هتبقى مطلوب فى اغلب التوك شوز . [caption id="attachment_679109" align="alignnone" width="930"]
مطلوب وظيفة لبرلماني سابق.. محمد أبو حامد: أنا عاطل وخالي شغل وأطلب من أصدقائي المساعدة[/caption]
مش لاقى حتى عامل باليومية
وعلق الحاج محمد النجار متسائلاً : والاستاذ نجيب ياويرس سايبك لية ؟! .. وغرد حساب يحمل اسم " فيها حاجة حلوة " مستغرباً : هل حضرتك فعلا تبحث عن عمل ، والا الحساب مسروق ؟ .. بينما قال منير شاهين : لما الناس المعروفة مش لاقيه شغل امال احنا نعمل ايه من الجائحة ، وانا مش لاقى شغل كان شغلي فى الحج والعمرة موظف قطاع خاص من 2020 إلى الآن ، مش لاقى حتى عامل باليومية ، ربنا يرحمنا احنا بنموت بجد بس اقول ايه الحمد لله ربنا العالمين .. وعقب مستر محمد قائلاً : جرب بعلاقاتك تتعاقد بأي دولة خليجية بوظيفة مناسبة وان شاء الله تتوفق لعقد مجزي .زمن محمد رمضان وحمو بيكا
واكد محمد محمود : حد فى الدنيا يصدق أن محمد ابو حامد ، البرلمانى السابق مش لاقى شغل ، أنا مش مصدق دى اشتغاله ، وسرها عنده هو والله اعلم .. وكتب ابو عبد الله معلقاً : كلامك صح للأسف أنا في البترول .. وقال محمد عبد الحي : ياخبر ابيض انا مش مصدق ، او مش قادر اتصور اللي انا شايفه .. بينما قالت فينا شوكت : للأسف بقينا فى زمن محمد رمضان وحمو بيكا ، والناس النافعه والصح مش لاقيه مكانه فى بلدها ، ربنا يرحمنا من تلك الزمن لك كل الحب والاحترام أ.محمد .. وكتب حساب اخر قائلاً : ربنا يوفق حضرتك ان شاء الله ، انا خريجة اقتصاد وعلوم سياسية من سنين ، ومافيش شغل ربنا يفرجها علينا جميعا .. وعلق حساب يحمل اسم " العميل " : اكتب التويته وشيل لينك السي في يا فندم ، عشان بياناتك الشخصية. [caption id="attachment_679108" align="alignnone" width="1144"]
مطلوب وظيفة لبرلماني سابق.. محمد أبو حامد: أنا عاطل وخالي شغل وأطلب من أصدقائي المساعدة[/caption]
ألعب غيرها يا ابو حامد
وعلق محمود : انا مش مصدق عضو مجلس شعب ١٠ سنين ، وبتدور علي شغل دي كارثه .. وكتبت ميرو : شوف حد سوري يشغلك بما انهم راكبين بتوع مجلس الشعب وقوانينه .. عقبت ولاء لولو : يا رب متلاقي وتفضل صياع كده عشان تحس بالناس .. وعلق موسي الديب : اومال السنين الماضية كنت بتشتغل ايه ولا كنت عضو مجلس النواب فقط .. واضافت مي هانم : ربنا يفرجها عليك ويرزقك بأذن الله .. واردفت أمونه معلقة : ربنا يوفقك يا استاذ محمد ويكتبلك الخير بإذن الله .. وقال نادي سيد : يا استاذ محمد ابو حامد اعترف بذكائك واحترافيتك في الدعاية سواء الشهرة أو للانتخابات الواي غرض كانت تلك الدعاية الذكية ، هل يعقل يا استاذ عضو البرلمان السابق انك تبحث عن عمل ، أم أنك تقدم استعراضاً جديداً ، لتذكر الناس انك لازلت بل ساحة ، العب غيرها . [caption id="attachment_679107" align="alignnone" width="902"]
مطلوب وظيفة لبرلماني سابق.. محمد أبو حامد: أنا عاطل وخالي شغل وأطلب من أصدقائي المساعدة[/caption]
