بعد الإعلان عن مرضها ماذا قال نجوم الفن عن ياسمين عبد العزيز؟

شهدت مواقع التواصل الاجتماعي المختلفة حالة كبيرة من الحزن العارم خلال الساعات القليلة الماضية، وذلك بعدما انتشر خبر من قبل الفنان احمد العوضي والذي يفيد بدخول زوجته إلى المستشفى لإجراء عملية جراحية ترتب عليها الدخول إلى العناية المركزة.

طلب الفنان احمد العوضي من خلال صفحته الرسمية على موقع التواصل الاجتماعي المعني بنشر الصور والفيديوهات "إنستجرام"، الدعاء لزوجته الفنانة ياسمين عبد العزيز، حيث قال التالي: يمكن ببان قدامكم دايما قوي.. لكن الحقيقة أنا دلوقتي أضعف إنسان على وجه الأرض عشان أنا روحي مش معايا.. أنا ضعيف جدا من غيرك.. انتي لازم تبقي كويسة ولازم تقومي بالسلامة.. أنا لأول مرة أكتب من غير ما أكون مفكر أنا بكتب إيه وهكتب إيه.. بس انتي هتقومي إن شاء الله بإذن الله عشان انتي وعداني وعد وهتنفذيه.

وتابع الفنان احمد العوضي، قائلًا التالي: أنا عاوزك تبقي كويسة وتقومي عشان أقولك إني لو كنت ببينلك إني بحبك مرة فالحقيقي واللي جوايا إني بحبك ألف مرة.. وأنا دلوقتي مش قوي زي ما انتي بتشوفيني أنا دلوقتي ضعيف ضعيف جدا.. لحد ما تقوميلي تاني عشان زي ما انتي بتاخدي قوتك مني أنا كمان باخد قوتي منك.. قومي عشان أنا بحبك.

وأضاف العوضي، قائلًا: بحبك أكتر بكتير من كل الكلام اللي أنا كتبته.. أكتر بكتير من كل اللي عدينا بيه مع بعض من أيام حلوة ومواقف صعبة مرت علينا.. أكتر بكتير حتى من الموقف اللي إحنا فيه دلوقتي.. أنا بحبك.

واختتم العوضي رسالته قائلًا: ادعولها تقوم بالسلامة زي ما انتو دايما بتدعولها بالنجاح والتوفيق.. هي دلوقتي محتاجة دعواتكم.

نجوم الفن يدعون للفنانة ياسمين عبد العزيز بالشفاء العاجل

حرص عدد كبير من نجوم الشاشة والتليفزيون على الدعاء للفنانة ياسمين عبد العزيز فيما تمر به من أزمة صحية شديدة دخلت على إثرها إلى العناية المركزة، كما طالب عدد كبير منهم الدعاء لها بالشفاء العاجل وخروجها من وعكتها الصحية في اسرع وقت.

قال الفنان يوسف الشريف، من خلال حسابه الشخصي، التالي: "أرجو من حضراتكم الدعاء لياسمين عبد العزيز".

وقالت الفنانة سوسن بدر:"اللهم ألبسها ثوب الصحة والعافية عاجلاً غير آجل يا أرحم الراحمين".

وقالت الفنانة بدرية طلبة: "ألف سلامة يا نور عينى ربنا يقومك بالسلامة لحبايبك ولجمهورك اللي بيحبك وبيدعيلك من قلبه بالشفاء وربنا يبعد عنك العين".

وكتب الفنان محمد محمود عبد العزيز، التالي: "ألف سلامة عليكى شفاكى الله وعافاكى وإن شاء الله تقومى بألف سلامة وتبقى زى الفل".

فيما كتب الفنان مراد مكرم، التالي: "معرفش مالك ومش مهم اعرف، المهم أنك لما تبقى محتاجة دعاء، أطلب من كل الناس إللي تعرفك وبتحبك تدعيلك يا جدعة يا طيبة يا فنانة يا رب مد أيدك واشفيها وطمئن حبايبها عليها هتخفي وهتبقي زي الفل أيًا كان إللي فيكي بإذن الله، ماحدش يسألني مالها، معرفش ومش مهم اعرف اللى اعرفه أنها بتعمل عملية صعبة وده كفاية بالنسبالي أني ادعيلها".

وقال السيناريست والفنان عمرو محمود ياسين، قائلًا: "ربنا يشفيكي ويعافيكي يا ياسمين وترجعي لولادك وجوزك بخير وسلامة يارب".

وكتب الفنان كريم فهمى، قائلاً: "ادعولها بالشفاء إن شاء الله هتقومى قوية زى ما إحنا عارفينك ربنا يشفيكى يا ياسمين يارب".

وبكلمات مؤثرة للغاية قال الفنان القدير صلاح عبد الله، التالي: "في كل الظروف الصحية الصعبة اللي مريت بيها من 2010 كانت دايمًا جنبي أرجوكم تدعو من قلوبكم لبنتي الغالية الجدعة الأصيلة المخلصة الطيبة ياسمين عبد العزيز يارب أرزقها الشفاء التام والعاجل يارب، بنتى حبيبتى وضحكة عينى وبسمة قلبى في أصعب الأوقات ألف سلامة يا ياسمينى يادودى يا أجمل الجميلات".

كما كتب النجم أحمد حلمى، من خلال صفحته الرسمية بموقع تبادل الصور والفيديوهات "إنستجرام": "اختى الغالية ياسمين بتعمل عملية صعبة ممكن تدعولها تقوم بالسلامة".

فيما نشت النجمة منى زكي صورة لياسمين عبدالعزيز من خلال صفحتها الرسمية على حسابها بموقع تبادل الصور والفيديوهات "إنستجرام"، وعلقت قائلة: "يارب بحق الأيام الكريمة دى تقومى بالسلامة يا ياسمين وترجعى لولادك وبيتك.. ادعولها تقوم بالسلامة يارب".