أول رد من عمر كمال بعد قرار وقفه عن الغناء.. التفاصيل
عمر كمال.. أعلنت نقابة المهن الموسيقية عن قرارها في وقف مطرب الغناء الشعبي عمر كمال لمدة أسبوع عن الغناء، وذلك بعد انتشار مقطع فيديو له على مواقع التواصل الاجتماعي المختلفة وهو يردد الفاظ خارجه من حفل غنائي سابق له.
وقف عمر كمال عن الغناء
وبحسب ما أعلنت عنه نقابة المهن الموسيقية فإن مطرب الغناء الشعبي عمر كمال كان قد استبدل كلمات اغنية لها بألفاظ خارجة أثناء غناءه في إحدى الحفلات، مما ادى إلى إصدار قرار وقفه عن الغناء لمدة أسبوع .
انتشر مقطع الفيديو بشكل واسع على مواقع التواصل الاجتماعي المختلفة، وعلى الفور أصدرت نقابة المهن الموسيقية قرارها بفتح تحقيق مع عمر كمال ووقفه عن الغناء، والذي برر ما انتشر بقوله التالي: كنت بهزر مع واحد صاحبى، وأنا فى حفلاتى ملتزم، ومش بغنى أى أغانى فيها ألفاظ خارجة.
اغنية أوعدك لعمر كمال وسمية الخشاب
وكان مطرب مطرب الغناء الشعبي عمر كمال قد أعلن في وقت سابق من العام عن طرح أحدث كليباته الغنائية بعنوان "أوعدك" من خلال صفحته الرسمية على موقع التواصل الاجتماعي "فيسبوك"، خلال الاسبوع الماضي والذي تعاون فيه مع الفنانة سمية الخشاب لأول مرة.
سمية الخشاب
وطرح عمر كمال أغنيته الجديدة أوعدك بالتعاون مع سمية الخشاب لأول مرة، وهى متوفرة الأن على موقع الفيديوهات "يوتيوب"، من خلال قناة مزيكا، وهى من كلمات وألحان أحمد أوسه، وتوزيع إسلام ساسو، وتصدرت الأغنية تريند يوتيوب واحتلت المركز الأول.
انتقادات لاذعة تلاحق عمر كمال وسمية الخشاب بعد اغنيه أوعدك
ولم يسلم مطرب المهرجانات الشعبي عمر كمال والفنانة سمية الخشاب من تعرضهما للنقد بشكل كبير منذ الساعات الأولى من إعلان عمر كمال عن تعاونه مع الفنانة في الكليب الأخير الخاص بهما بعنوان اوعدك، حيث رفض عدد كبير من الجمهور والمتابعين التعاون المشترك الذي جمع بينهم.
كما انتشر خلال الساعات القليلة الماضية على مواقع التواصل الاجتماعي المختلفة "فيسبوك"، و"تويتر"، عدة شائعات تفيد بارتباط مطرب المهرجانات الشعبي عمر كمال بالفنانة سمية الخشاب منذ فترة.
كلمات أغنية أوعدك لسمية الخشاب وعمر كمال
أوعدك، عمري في يوم يا حبيبتي ما اخونك
هفضل جمبك بقى وهصونك
بعشق اسمك كلك لونك
لما تبصي بقى بعيونك
أوعدك راح اشيلك بقى جوة في عيني
واجبلك فيلا ولامبورجيني ما أنتي حياتي وكل سنيني
نظرة عينك بترازيني
أوعدك.. ادفع عمري وادفع مهر
واتجوز على آخر الشهر
أكون لك سندك.. وأبقى الضهر
حبك رزق ولعب الزهر
أوعدك
يا ندامة
أنا عايزة اللمبورجيني يكون لونها أحمر فاقع
وهشيلك جوة في عيني شكلك كده جاي وواقع
أنا جايلي كذا عريس
اتنين وتلاتة اربع وخميس.. عايزاك تفرح بقى وتهيص
دي العيشة معايا هتبقى البيس
أنا جامدة وضد الكسر
أنا عاوزه في كل بلد بقى قصر
أنا متلقبة كده ملبن مصر
بيمشوا ورايا لحد العصر
أنا عايزه شاليه في مارينا
يكون على البحر
تجيب لي سفينة
اياك تعملي البحر طحينة
أحسن تتعلق زي الزينة
أنتي يا عمهم
أنتي اللي فيهم كلهم
ما تحني عليا يا ستهم
ده حضورك حارق دمهم
ما تبس يا واد بقى
كفاية بص وبحلقة
حسيت أنا بيك ومصدقة
شهر العسل في الغردقة
أوعدك، هفضل اطبطب فيكي وادلع
حبك نار ده في قلبي مولع
داس بنزين جامد ومسرع
جسمي مكهرب قلبي مخلع
أوعدك، عايزك بقى وأنا ظابط حالي
تبقي مراتي وام عيالي
ده أنتي حبيبتي مقامك عالي
وكل الدنيا دي بالنسبة لي
أوعدك
هعملك فورمة وعضلات
جسمك جامد في الكتات
وسطك ملبن
لأ مطاط
دمك بقى زي الشربات
أوعدك
يا ولا
يا ما قبلك غنوا عليا
وقلعوا ولبسوا حبيبي وشوش
راحو واهو جم على الفاضي
وحاولوا كتير بس معرفوش
أنا عايزة اركب طيارة وفي كل مكان تبني لي عمار والبس لك مفتوحة من ورا وتجيب لي هدوم يا حبيبي من زارا
أنا عايزة اركب مكوك
أنا أصلي أميرة وبنت ملوك
وأنا أهلي خلاص يا حبيبي حبوك
لو عايز حب كمان ندوك
وقفت كتير شنبات على خطوة رجلي أنا في العبايات
أنا واكلة الجو بقى ترندات
لما أظهر كله يجيله سكات
حقيقة ارتباط عمر كمال وسمية الخشاب
تجدر الإشارة إلى أن انتشر في الفترة الأخيرة عدد من الشائعات حول ارتباط مطرب المهرجان الشعبي عمر كمال والفنانة سمية الخشاب، خاصة بعد نزول الكليب الخاص بهم بعنوان أوعدك.
وكان عمر كمال قد حرص على توضيح حقيقة الامر من خلال احد التصريحات التليفزيونية، حيث قال: كنت في مناسبة مع سمية، وأنا أعرف أنها تحب الغناء، وعرضت عليها نعمل سوا كليب لأنها غائبة منذ فترة عن الغناء.
وأضاف كمال: التعاون مع سمية الخشاب كان صدفة، واشتغلنا منذ 4 أشهر في الكليب، والمشروع توقف بسبب رمضان، وسفرها للخارج، وقررنا وضع إفيهات من مسلسل موسى في الكليب.
وتابع: سمية الخشاب من الستات الحلوة، وجميلة زي المصريات، وعلاقتي بيني وبين سمية شغل فقط.
وعند سؤاله عن ارتباطه بسمية الخشاب، قال التالي: ياريتني أتجوزها.
