تحقيقات وحوارات
رسائل السيسي لـ المصريين: «أنا ميهمنيش شعبيتي ربنا اللي جبني على الكرسي وهو اللي هايمشيني»
السيسي: مش هالغي الدعم.. بس زيادة رغيف العيش حتمية.. ولازم أرتب ورق البلد دي عشان تكون ذات شأن
وجه الرئيس عبد الفتاح السيسي، خلال افتتاح مشروعات سكنية متنوعة من مدينة بدر، العديد من الرسائل الهامة والحاسمة التي أثلجت قلوب المصريين وطمأنتهم على مستقبل بلدهم وأن مصيرهم في يد رجل صدق ما عاهد الله عليه وتحمل الأمانة الثقيلة غير عابئ بشعبيته أو الحفاظ على الكرسي لانه يضع مصلحة الوطن فوق كل اعتبار.
أكد الرئيس السيسي، أن الله سيسأله على هذا البلد ويقول له انت كنت فاهم وساكت ليه وكنت عاوز تستمر على الكرسى.. ربنا هيقولى الكرسى ده اللى جبتك فيه وأنا اللى همشيك منه.. مالك الملك يؤتي الملك من يشاء وينزع الملك ممن يشاء.. محدش بيجيب حد ومحدش بيمشى حد.. طب أنت عملت كده ليه هقوله ايه ساعتها.. الأمانة تقتضى التصدي للمشاكل وحلها.. ودى فرصة أننا نشوف ده، مؤكدا أنه لن يلغي الدعم ولكن هايعيد توزيعه.
وأكد الرئيس عبد الفتاح السيسي أن فضل ربنا كبير أوى على مصر منذ 2011 وحتى اليوم اذ تجاوزت العديد من الأزمات والعقبات، مشيرا إلى ان الدولة لم تدفع قرشا واحدا في العاصمة الإدارية الجديدة ومدينة العلمين وأن مشروعات الإسكان كاملة التشطيب ولا نفتتحها إلا لما تكون جاهرة.
قضية الوعي
أكد الرئيس عبد الفتاح السيسي، أن قضية الوعى أخطر قضية تواجه المجتمعات في العالم، متابعا: "الناس بتشوف وضع.. وتقول الواقع ده مين السبب فيه.. ضعف المسئولين.. ومفيش إرادة سياسية ومفيش حل.. الموضوع على بعضه.. الموضوع عبارة عن أمور مركبة تنتج حالة يصعب على الدولة تجاوزها.. المجتمع والشعب عاوز يعيش.. ومش قادر يعيش بالطريقة دى".
وأضاف الرئيس السيسي : "طب أن هسأل سؤال.. علماء النفس والاجتماع يقولوا الحياة هنا لودلانا الأطفال.. المزاج العام إيه؟.. القيم والمبادئ ايه؟.. السلوكيات العامة ايه؟.. المستقبل والطموح ايه.؟. انا عاوز أسئلكم.. يبقى لازم ناخد بالنا".
وأكد إن تكلفة تطوير الريف المصري لا تتجاوز ثلث تكلفة الدعم، موضحًا: " الدعم فقط 3 تريليونات جنيه.. وتطوير الريف وتحويله لحاجة تانية، هياخد ثلث الثمن ده.. أنا مش هلغى الدعم لكن هنعيد تنظيمه، وأنا بتصدى للقضايا زى ما تصديت لغيرها، ولازم أرتب ورق البلد دى عشان تبقى دولة ذات شأن".
وأضاف "كل الناس تستقبل كلامى إني باختار الطريق الصعب أوى.. لو اخترت الطريق السهل كنت سبت الغلابة كدا.. وكنت زودت الدعم والتموين وخلاص، وبقول مكلش وأعيش بالشكل الآدمى المحترم اللى بنتكلم فيه وبتكلم في قضايا مصر عليها، مش عشان وجهة نظر.. لا قعدت 50 سنة أدرسه وأقول ليه البلد دى كدا؟.. ولازم البلد تتغير وأهلها يعيشوا.. وبجيب أمثله وأختار التوقيات اللى بكلم فيها الناس".
ضبط النمو السكاني
قال السيسي، إنه يجب ربط النمو السكاني والقضايا والإشكاليات التي واجهها المجتمع على مدار الـ 40 سنة الماضية، مشيرا أن الأمر مرتبط بالموارد القادرة على تلبية المطالب، مضيفا: "فضل ربنا كبير أوى على مصر من أول 2011 لحد النهاردة.. كان ممكن نتقاتل مع بعضنا البعض، والبلد دى تروح أكتر من أى بلد تانى.. لكن إحنا بنحل المسائل وهنكمل الحل، ولكن الحل دا يتطلب ضبط النمو السكاني وتنظيم المسار".
وأكد السيسي، أن سعر رغيف العيش، قائلا: "الناس استغربت لما اتكلمت في رغيف العيش.. خلال الـ 50 سنة اللى فاتوا اتعملت منظومات كتير.. كانت مرتبة على ظروف وأوضاع موجودة في الوقت ده.. الظروف ده مش ممكن نستمر أو نقبل أنها تستمر كده على طول".
وأضاف الرئيس السيسي "هديكم مثال.. رغيف العيش لما زاد من قرشين إلى 5 قروش كان بيتكلف 18 قرشا.. ولما بقى 5 صاغ دلوقتى بيكلف 65 قرشا.. طب هو دخل الفرد في 2011 كان أقل من 400 و500 جنيه ووصل إلى أكثر من ألفين جنيه وفق الحد الأدنى للمرتبات.
وتابع الرئيس السيسي: "ارتفاع الأسعار يتم مجابته بتحسين أحوال الناس.. مش انفاق بس.. ضبط نمو سكانى.. المبلغ اللى كان بيصرف على 5 مش هينفع على 10 و15.. حجم النمو السكانى اللى زاد كان أكبر من طاقة الانفاق.. وقيمة الجنيه مش زى قيمة الجنيه من 100 سنة".
التصدي للقضايا والمشكلات
قال الرئيس عبد الفتاح السيسي، انه واجب عليه التصدي لقضايا ومشاكل المجتمع، لتطوير والنهوض بالدولة المصرية، لذا تحدثت عن ضرورة رفع سعر رغيف العيش وخاصة ان الدولة نجحت في زيادة المرتبات بشكل كبير الفترة الماضية، مؤكدا أن ذلك هو سبيلنا الوحيد للنهوض والتقدم.
وأضاف الرئيس السيسى، : "لما اتعدل أسعاره كان بـ 5 قروش وهو بيتكلف 18 قرشا.. وفضل 5 قروش بقى 65 قرشا.. الدعم كان بيتقدم لـ 30 مليون انسان من 30 سنة.. ودلوقتى حوالى 60-70 مليون".
وتابع الرئيس السيسى: "النمو السكانى زاد وقيمة السلعة زادت وحجم المستفيدين زادوا.. ده كلام نقدر نستمر فيه على طول.. وكمان لما نبقى 120 مليون او 150 مليون.. أنا مش هبقى موجود في الوقت ده.. وأرجو اننا الأمانة اننا نفهم ايه بيحصل.. واتعامل معاه وكأنه حصل.. ولو انا قولت انا مش هكون موجود في الوقت ده.. وكانت شايف اللى بيحصل للبلد دى بالطريقة اللى ماشيين بها دى.. وربنا يسألنى كنت فاهم وساكت ليه وكنت عاوز استمر على الكرسى.. ربنا هيقولى الكرسى ده اللى جبتك فيه وأنا اللى همشيك منه.. مالك الملك يؤتي الملك من يشاء وينزع الملك ممن يشاء.. محدش بيجيب حد ومحدش بيمشى حد.. طب أنت عملت كده ليه هقوله ايه ساعتها.. الأمانة تقتضى التصدي للمشاكل وحلها.. ودى فرصة أننا نشوف ده".
وقال الرئيس السيسى، أن برنامج الدولة في رفع الكفاءة وتحسين أحوال الناس مستمر.. مستقبل البلاد مش كلام.. والجهد مستمر لأن حجم المطلوب ضخم .. وبندخل من مكان إلى مكان وبنحسن ده وده.. كان لابد أن نطور البلد ومش بالكلام .. ده جهد وعرق وتضحية علشان الأجيال الصغيرة تعيش ويكون لها مستقبل".
الموارد محدودة
وأضاف السيسي، إنه يجب ربط النمو السكاني والقضايا والإشكاليات التي واجهها المجتمع على مدار الـ 40 سنة الماضية، مشيرا أن الأمر مرتبط بالموارد القادرة على تلبية المطالب، مضيفا: "فضل ربنا كبير أوى على مصر من أول 2011 لحد النهاردة.. كان ممكن نتقاتل مع بعضنا البعض، والبلد دى تروح أكتر من أى بلد تانى.. لكن إحنا بنحل المسائل وهنكمل الحل، ولكن الحل دا يتطلب ضبط النمو السكاني وتنظيم المسار".
وتابع :" المواطنين الذين تم نقلهم من العشوائيات ذهبوا لمساكن تكلفة الوحدة 450 ألف جنيه غير الأرض.. ونقدم ذلك احترامًا وتقديرًا لأهلنا وبنفرش الشقة بحدود 50 ألف جنيه فرش.. طيب ياترى إيه المقابل؟.. مفيش مقابل، ومش بنبيع الشقة للناس.. بس بنقولهم ادفعوا ثمن الصيانة حتى يستمر المكان، لكن لا يوجد عائد للدولة سوى تغيير حياة الناس، ولذا لا بد من ربط النمو السكاني والقضايا والإشكاليات التي واجهها المجتمع على مدار الـ 40 سنة الماضية، والأمر مرتبط بالموارد القادرة على تلبية المطالب، وبناء عليه الناس تتصرف بناء على إمكانياتها.
قال السيسي أن الهدف من الجهد الذي تبذله وزارة الإسكان وهيئة التنمية العمرانية ليس منافسة القطاع الخاص وانما الدولة تحرص علي تطوير اسلوب التعامل مع مطورين القطاع الخاص وذلك من خلال اعطاء المستثمرين في القطاع الخاص اراضي وعدم أخذ مقابل مادي منهم وانما استرداد قيمة الأرض وحدات وذلك كله في سبيل خدمة المواطن المصري .
وأكمل الرئيس السيسي أن الدولة تهتم بالطرق المحيطة بالمشروعات السكنية ليكون كل مشروع جاهز لاستقبال السكان لا ينقصه اي تشطيب أو مرافق .
واستطرد الرئيس السيسي أن اي منطقه تم تطويرها هي منطقه جاهزه ومؤهلة للاسكان لا ينقصها اي شئ ولا تعتمد علي رغبة المواطن في بناء مسكن له أو عدمها وانما هي وحدات جاهزة ومصممة لتكون اسكان ملائم لجميع المواطنين.
وأكمل الرئيس السيسي أن القسط الذي طرحه علي 30 سنة يعمل علي تسهيل دفع ثمن الوحدات علي الأفراد ليكون في مقدور الجميع مشيرا إلي أن القسط سيكون بمثابة إيجار أو ما يشابهه وذلك بسبب جهود الدولة في تيسير امتلاك الوحدات للمواطنين .
وصرح الرئيس السيسي أن مدينة العلمين الجديدة ستدخل البورصة وسيكون كل الأموال بأصول تتعدي 4 تريليون جنيه لشركة العاصمة ، مؤكدا أن مدينة العلمين ليست من موازنة الدولة وإنما من تنفيذ شركة العاصمة علي عكس ما افتراه الكثيرين أن دولة العلمين من حر مال الدولة .
أكد الرئيس أن هناك مخطط لطرح شركة العاصمة الإدارية الجديدة في البورصة خلال الفترة المقبلة، موضحًا:"عاملين حسابنا العاصمة تدخل البورصة في أقرب فرصة الملاءة المالية الموجودة في صندوق الشركة 100 مليار جنيه.. نتحدث عن أموال سائلة تصل لـ 100 مليار جنيه لشركة العاصمة الإدارية".
وأضاف :"دى فكرة تانية خالص لإدارة قدراتنا ومواردنا والدولة مش هتدفع قرش.. وأتصور أنه خلال السنتين الجايين بعد طرحها في البورصة أصول الشركة تتجاوز 3 و 4 تريلون جنيه.. والكلام دا ينطبق على العلمين ومدن أخرى".
وواصل :"نطمئن الناس.. والدولة مش بتتفرج وتنظم سيطرتها وضبط حقوق الناس، وكل الوحدات السكنية التي تطرحها الدولة كاملة التشطيب".
وشدد على أن الدولة تعمل في العاصمة والعلمين والمدن الجديدة، وموازنة الدولة لم تمس ولم تقدم لها "قرش"، مستطردًا:"شركة العاصمة خلال سنتين، ممكن تقدم قوائم مالية بـ 100 مليار جنيه أموال سائلة بالبنوك.. حد كان يحلم بكدا.. يبقى معانا 100 مليار جنيه على جنب ويبقى معنا 2 و 3 تريلون أصول على الأرض، دا إطار الدولة عملته لإعادة بناء وصياغة إمكانياتها.. إحنا ماسكين كل حاجة كدا".
مشروعات الدولة كاملة التشطيب
أكد الرئيس السيسي، أن كل مشروعات الإسكان التي تقدمها الدولة لا تكون إسكان نصف تشطيب، متابعا: "ده أمر بقوله علشان تكون الأمور واضحة.. الدولة تقدم كامل التشطيب.. ولا يتم افتتاحه إلا عندما يكون جاهزا للسكن وجاهز لاستقبال الناس بشكل كامل بداية من تجهيزات الشقة أو البنية التحتية المحيطة مثل الطرق والخدمات.. كل مشروع بتكون حاجته كاملة وجاهزة لاستقبال الناس".
وأضاف الرئيس السيسي: "حرصنا على تشجيع القطاع الخاص لتطوير أداءه.. ويكون لدينا منتج كامل التشطيب.. هدف الدولة حاليا بأن لا يكون هناك وحدات سكنية نصف تشطيب.. من أجل إتاحة فرص عمل.. الوحدات كاملة التشطيب وفق مستواها.. بقى المكان والمنطقة جاهزة وقابلة للحياة.. اخد البيت اظبطه.. وحد تانى يظبط بيته بعدها بفترة.. عمر ما هيكون فيه سكن بالشكل كده".
وتابع الرئيس السيسي: لما قولنا نوفر الأرض للمطورين مقابل توفير وحدات سكنية.. مع زيادة حجم المعروض.. مثل مبادرة التمويل العقارى بتكلفة 100 مليار جنيه.. لتطوير هذا النوع من الإسكان لزيادة المساحة.. فيه يقدر يدفع قسط على 5 سنين أو 10 سنين.. وبقى المدة 30 سنة كأنه إيجار.. لتقليل قيمة القسط والإتاحة تكون بشكل أكبر للمواطنين".
وأكمل الرئيس السيسي: "قولت من شهر تقريبا أن الإعلام والإعلان عن أي سكن يتم الانتهاء منه بنسبة 30 % وحتى لا يتصور أنه إعاقة.. إحنا مش بنعمل إعاقة للناس.. نحن دولة مسئولة تجهز احتياجات المواطنين.. مفيش إعلان بدون تنفيذ على أرض الواقع.. قولنا علشان نطمن الناس وإحنا مسئولين كدولة.. وإحنا مش بنتفرج.. الدولة بتنظم وتضبط حقوق الناس".
