منى زكي تدخل الحرب مع جمهورها بعد حلقة «صاحبه السعادة»

حالة كبيرة من الغضب العارم تجتاح مجموعة من جمهور الفنانة منى زكي بسبب اخر تصريحاتها التي صرحت بها خلال استضافتها في برنامج "صاحبة السعادة"، والتي تقدمه الفنانة إسعاد يونس على إحدى القنوات الفضائية قناة دي ام سي.

كشفت الفنانة منى زكى خلال اللقاء عن عدة أمور وكان من بينها الحديث عن زوجها الفنان احمد حلمي والتي أوضحت كيف تعرفت عليه في البداية.

منى زكي

تحدثت الفنانة منى زكى عن البلدة التي نشأ بها زوجها الفنان احمد حلمي، وكان ذلك الحديث هو المفتاح الذي فتح عليها نيران كثيرة من الغضب، حيث أنها قالت التالي: «على رغم أن أحمد حلمي من مدينة بنها، إلّا أنه متفتح ومثقف وراقٍ».

واعتبر عدد كبير من اهالي مدينة بنها أن منى زكي تقصد أن أبناء الأقاليم غير مثقفين، وهناك من وصف حديثها بالتنمر.

تصريحات الفنانة منى زكى مع صاحبة السعادة

كشفت الفنانة منى زكى خلال حلقة برنامج صاحبة السعادة والتي تقدمه الفنانة إسعاد يونس، عن بداية تعارفها بزوجها الفنان احمد حلمي، حيث قالت التالي: كنت في مرة في مكتب المنتج محمد فوزى، وكنا هنعمل مسرحية بطولة عامر منيب، وقالى ان في دور عنده بيفكر يجيب فيه أحمد حلمى وكان وقتها بيعمل برنامج لعب عيال وأنا كنت بتابع البرنامج ده بس مكنتش عارفة وشه لأنه بيظهر بضهره.

وأضافت منى زكى: قلت للمنتج محمد فوزى ياريت ده حد لذيذ أوى وأنا بينى وبين نفسى عاوزة أشوف وشه، ولما جه المكتب سلم بطريقة غريبة كده وبعدين جاله تليفون وأنا ومحمد فوزى دخلنا البلكونة بنتكلم وقلتله لا ده طلع رخم أوى ومش لذيذ زى البرنامج، وقلتله جربه أنا مش عارفة، ووقتها كنت بقول عليه انه رخم اوى على الحقيقة.

وتابعت الفنانة منى زكى قائلة: بدأنا بروفات وبدأت أشوفه لذيذ، وهو تقريبا حس انى هامشى من المسرحية وكنت فعلا وقتها هاعتذر، وقال ناخد أرقام بعض، وبقينا بنتكلم في التليفون وبقينا أصحاب جدا وعرفته كمان على أصحابى المقربين.

واستطردت منى زكي: هو حاول كتير يلفت نظرى في أكتر من موقف ولكن أنا ولا أي حاجة بتتهز جوايا، يمكن لأن حب والدى الرهيب واهتمامه بيا والعطاء اللى عمله ليا خلانى مش أي حركة شاب يعملها أنه يأثر فيا لأنى واخدة حب كبير أوى من والدى.

وأضافت: في مرة سألنى عيد ميلادى امتى وسألته ليه فقالى عادى فقلتله فقالى ايه ده وأنا كمان نفس يوم 18 نوفمبر، وأنا بينى وبين نفسى ايه الجوا لقديم ده وقلت يا سم مكنتش مصدقاه، بس طلع صادق فعلا وطلع نفس يوم ميلادى، وقالى بحبك وسيبته وروحت مع أصحابى، ولما سافرت فضل الموضوع في بالى.

وتابعت منى زكى: بدأت أراجع صفات كتير في أحمد حلمى ولقيت عنده نبل وعمرى ما شفت فنان بالشكل ده عنده رقى وطيبة في التعامل مش عادى وعنده تسامح يفوق أى حد قابلته، فشفت إنه شخص من جوا حاجة جميلة جدا ومثقف جدا ومتفتح، ولقيت نفسى بعد كده مش هقدر أعيش من غيره، وكل لما نتكلم أكتر يبدأ حاجات تنمو جوايا تجاهه.

قالت منى زكي: أنا فاكرة يوم الفرح، خالتى جايه ورا بابا وبتقوله لما توصل لأحمد إديله منى عادى، ويوم كتب الكتاب الجوازة كانت هتبوظ وبابا اختلق قصة عشان كل حاجة تبوظ زى عادل إمام فى فيلم عريس من جهة أمنية وكلمت جدتى عشان تكلم بابا ويهدى الدنيا.

أضافت: بعد الزواج أنا كنت بشوف أحمد بيتعلم من بابا، وحماتى أنا من أول ما شوفتها وإحنا حبايب وبابا أحمد الله يرحمه كان زى العسل، وأنا مكنتش مقررة ولا أتجوز ولا أخلف بس جبت بنتى لى لى، وأنا عندى 24 سنة، وجبت ولادى وأنا عندى 40 سنة وأنا كبيرة طريقة التربية اتغيرت ودلوقتى عاوزه كل اللى أعمله أحبهم وأديهم حب واهتمام وأوقات ليها معنى.

اخر اعمال الفنانة منى زكى

ويعد من اخر أعمال الفنانة منى زكى، هو مسلسل "لعبة نيوتن"، والذي عرض ضمن السباق الرمضاني الماضى لعام 2021 الجاري.

وقام ببطولة مسلسل لعبة نيوتن عدد كبير من النجوم، وكان من بينهم: منى زكي، محمد فراج، محمد ممدوح، سيد رجب، عائشة بن أحمد، مايان السيد، أسامة الهادي، ولأول مرة في الدراما المصرية الممثل المصري الأمريكي آدم الشرقاوي.

ومسلسل لعبة نيوتن من سيناريو وإشراف على الكتابة مها الوزير، وتضم ورشة السيناريو والحوار عدد من الكُتّاب، وهم: مها الوزير، سمر عبد الناصر، محمد الشخيبي وعمّار صبري، وهو من إنتاج شركة Media Hub (سعدي - جوهر)، وتأليف وإخراج تامر محسن.