منى زكي تثير إعجاب الجميع بسبب الخاتم الفرعوني

منى زكي.. أثارت الفنانة منى زكى حالة من الجدل على مواقع التواصل الاجتماعي المختلفة خلال الساعات القليلة الماضية، وذلك بعدما قامت بنشر خاتم على الطراز الفرعوني مزين بأحجار السترين، وهو ما اثار إعجاب عدد كبير من الجمهور.

منى زكي

نشرت الفنانة منى زكى صورة لخاتم على الطراز الفرعوني مزين بأحجار السترين، من خلال حسابها الشخصي على موقع التواصل الاجتماعي المعني بنشر الصور والفيديوهات إنستجرام، عمل على جذب انتباه الجمهور بسبب تفاصيله الرائعة.

وبالبحث تبين أن الخاتم الفرعوني يحمل اسم Khepri Scarab، ويبلغ سعره 1330 دولارًا او ما يعادل 20 الف جنيه مصري.

تجدر الإشارة إلى أن الفنانة منى زكى كانت قد أثارت حالة كبيرة من الغضب العارم بسبب اخر تصريحاتها التي صرحت بها خلال استضافتها في برنامج "صاحبة السعادة"، والتي تقدمه الفنانة إسعاد يونس على إحدى القنوات الفضائية قناة دي ام سي.

تحدثت الفنانة منى زكى عن البلدة التي نشأ بها زوجها الفنان احمد حلمي، وكان ذلك الحديث هو المفتاح الذي فتح عليها نيران كثيرة من الغضب، حيث أنها قالت التالي: «على رغم أن أحمد حلمي من مدينة بنها، إلّا أنه متفتح ومثقف وراقٍ».

واعتبر عدد كبير من اهالي مدينة بنها أن منى زكي تقصد أن أبناء الأقاليم غير مثقفين، وهناك من وصف حديثها بالتنمر.

تصريحات الفنانة منى زكى مع صاحبة السعادة

كشفت الفنانة منى زكى خلال حلقة برنامج صاحبة السعادة والتي تقدمه الفنانة إسعاد يونس، عن بداية تعارفها بزوجها الفنان احمد حلمي، حيث قالت التالي: كنت في مرة في مكتب المنتج محمد فوزى، وكنا هنعمل مسرحية بطولة عامر منيب، وقالى ان في دور عنده بيفكر يجيب فيه أحمد حلمى وكان وقتها بيعمل برنامج لعب عيال وأنا كنت بتابع البرنامج ده بس مكنتش عارفة وشه لأنه بيظهر بضهره.

وأضافت منى زكى: قلت للمنتج محمد فوزى ياريت ده حد لذيذ أوى وأنا بينى وبين نفسى عاوزة أشوف وشه، ولما جه المكتب سلم بطريقة غريبة كده وبعدين جاله تليفون وأنا ومحمد فوزى دخلنا البلكونة بنتكلم وقلتله لا ده طلع رخم أوى ومش لذيذ زى البرنامج، وقلتله جربه أنا مش عارفة، ووقتها كنت بقول عليه انه رخم اوى على الحقيقة.

وتابعت الفنانة منى زكى قائلة: بدأنا بروفات وبدأت أشوفه لذيذ، وهو تقريبا حس انى هامشى من المسرحية وكنت فعلا وقتها هاعتذر، وقال ناخد أرقام بعض، وبقينا بنتكلم في التليفون وبقينا أصحاب جدا وعرفته كمان على أصحابى المقربين.

واستطردت منى زكي: هو حاول كتير يلفت نظرى في أكتر من موقف ولكن أنا ولا أي حاجة بتتهز جوايا، يمكن لأن حب والدى الرهيب واهتمامه بيا والعطاء اللى عمله ليا خلانى مش أي حركة شاب يعملها أنه يأثر فيا لأنى واخدة حب كبير أوى من والدى.

وأضافت: في مرة سألنى عيد ميلادى امتى وسألته ليه فقالى عادى فقلتله فقالى ايه ده وأنا كمان نفس يوم 18 نوفمبر، وأنا بينى وبين نفسى ايه الجوا لقديم ده وقلت يا سم مكنتش مصدقاه، بس طلع صادق فعلا وطلع نفس يوم ميلادى، وقالى بحبك وسيبته وروحت مع أصحابى، ولما سافرت فضل الموضوع في بالى.

وتابعت منى زكى: بدأت أراجع صفات كتير في أحمد حلمى ولقيت عنده نبل وعمرى ما شفت فنان بالشكل ده عنده رقى وطيبة في التعامل مش عادى وعنده تسامح يفوق أى حد قابلته، فشفت إنه شخص من جوا حاجة جميلة جدا ومثقف جدا ومتفتح، ولقيت نفسى بعد كده مش هقدر أعيش من غيره، وكل لما نتكلم أكتر يبدأ حاجات تنمو جوايا تجاهه.

قالت منى زكي: أنا فاكرة يوم الفرح، خالتى جايه ورا بابا وبتقوله لما توصل لأحمد إديله منى عادى، ويوم كتب الكتاب الجوازة كانت هتبوظ وبابا اختلق قصة عشان كل حاجة تبوظ زى عادل إمام فى فيلم عريس من جهة أمنية وكلمت جدتى عشان تكلم بابا ويهدى الدنيا.

أضافت: بعد الزواج أنا كنت بشوف أحمد بيتعلم من بابا، وحماتى أنا من أول ما شوفتها وإحنا حبايب وبابا أحمد الله يرحمه كان زى العسل، وأنا مكنتش مقررة ولا أتجوز ولا أخلف بس جبت بنتى لى لى، وأنا عندى 24 سنة، وجبت ولادى وأنا عندى 40 سنة وأنا كبيرة طريقة التربية اتغيرت ودلوقتى عاوزه كل اللى أعمله أحبهم وأديهم حب واهتمام وأوقات ليها معنى.