الفن
سمية الخشاب توجه عدة رسائل قاسية للمتحرشين والجمهور.. تفاصيل
مازلت الفنانة سمية الخشاب توجه النصائح لمتابعيها عبر حسابها الشهير على موقع التواصل الإجتماعي «تويتر»، وهذه المرة ووجهت عدة رسائل للمتحرشين وأيضا للجمهور، خاصة بعد حلقتها في برنامج حبر سري الذي تم إذاعته على قناة القاهرة والناس، وفي هذا التقرير، نذكر ماذا قالت الخشاب في رسائلها بالتفصيل.
رسالة سمية الخشاب للمتحرشين
نشر أحد الأشخاص صورة للفنانة سمية الخشاب مصحوبة بتعليق غير لائق، وعلى الفور قررت توجيه رسالة قاسية له، مشيرة إلى إنها لن تتهاون في حقها، قائلة: «لو أنا ماشية في الشارع وفكرت تقربلي هعلمك إزاي تبقى راجل يا دكر».
بعدها وجهت الخشاب عدة رسائل المتحرشين، وقالت: «شوفت مليون قصة عن التحرش في المواصلات .. أي متحرش هيفكر يمس شعرة من بنت أو يجرح شعورها يفكر مليون مرة عشان خلاص السكوت ده كان زمان، مش هيتساب وهيتحاسب وهيتفضح، أي بنت تتعرض لأي نوع من التحرش تتطلع تتكلم وكلنا هنقف فضهرها».
وأضافت سمية الخشاب، قائلة: «لو من الجانب الديني فربنا يحاسب الناس مش انت ولا غيرك، والمنقبات بيتم التحرش بيهم زيهم زي اللي لبسهم ضيق، اي حد بيبرر التحرش بيبقي عباره عن شخص متخلف وميستحقش يعيش وسطنا ممكن نحطه في قفص احسن يعيش مع اللي زيه ويتحرشوا ببعض بعيد عننا».
نصيحة سمية الخشاب للجمهور
وفي تغريدة أخرى، نصحت سمية الخشاب جمهورها، قائلة: «حبايبي متقارنوش نفسكم بحد، إحنا بنشوف الناس من برا بنفتكر إنهم حياتهم أحسن بكتير مننا، بس هما بيبقوا مخبيين حاجات يمكن أصعب من اللي عندنا، دايماً اعرفوا إنه كلنا اتخلقنا عشان نتعب مفيش حد مرتاح».
اخر اعمال سمية الخشاب
جدير بالذكر أن سمية الخشاب قد طرحت أغنيتها الجديدة «وعدك»، مع مطرب المهرجانات عمر كمال، على موقع الفيديوهات «يوتيوب»، منذ عدة أشهر، والأغنية من كلمات وألحان أحمد أوسه، وتوزيع إسلام ساسو، وتصدرت الأغنية تريند يوتيوب واحتلت المركز الأول بعد ساعات قليلة من طرحه.
