ياسمين عز تتعرض للهجوم بسبب ياسمين صبري «دي فاتن حمامه»

تصدرت الإعلامية ياسمين عز، تريند موقع بحث جوجل العالمي خلال الساعات القليلة الماضية، وذلك بعد تعرضها للهجوم من رواد السوشيال ميديا بسبب دفاعها عن الفنانة ياسمين صبري، خلال حلقة برنامجها «كلام الناس».

الإعلامية ياسمين عز تتعرض للهجوم بعد دفاعها عن ياسمين صبري

قالت ياسمين عز عن ياسمين صبري، خلال تقديمها برنامج «كلام الناس»، المذاع عبر احدى القنوات الفضائية قناة «إم بي سي مصر»: «دي فاتن حمامة الجيل بتاعنا».

وأضافت الإعلامية ياسمين عز: «الناس بتتكلم عن ياسمين صبري وعن مسلسل الشادر اللي اعتذرت عنه في هدوء تام، ومن غير ما تذكر الأسباب».

وأوضحت: «من حقها.. من حق أي فنان إنه يعتذر عن عمل».

وأشارت: «مينفعش حد يطلع يقول إنها لم تعتذر وأنه تم استبعادها، لأنها غير مناسبة للشخصية أو مش هتعرف تعمل الدور دا مينفعش وغير مقبول»، مردفة: «أما نيجي نتكلم عن ياسمين صبري مينفعش نقول كدا دي مش ممثلة جديدة».

وتابعت: «فيه حملة بتتعمل على الفنانة ياسمين صبري بقالها فترة ومش عارفين سببها مين ولا مين وراها، ومش قادرة أفهم سر شماتة البعض فيها بهذه الطريقة».

وواصلت ياسمين: مينفعش نقول إنها اعتذرت عن مسلسل الشادر لأنها مش مناسبة للدور أو مش عارفة تمثل.. الكلام دا عيب في حق نجمة كبيرة زي ياسمين صبري بقالها كتير بتمثل، وكل الجمهور حبها وحب طريقتها في التمثيل.

وأردفت: «ياسمين صبري نفس مدرسة فاتن حمامة في التمثيل وبتمثل بهدوء زيها، ودلوقتي اتطورت أكتر وحرام نقطع فيها وننتقدها كدا وتقدر تمثل كل الأدوار.. ولا عشان في حالها يبقى حقها مُستباح؟، وأول عمل ليها كلنا كنا منبهرين بآدائها وهي ماشاء الله عندها القبول والموهبة».

بالتفاصيل انفصال ياسمين صبري وأحمد ابو هشيمة
أكدت الفنانة ياسمين صبري خبر انفصالها عن رجل الاعمال احمد ابو هشيمة، والتي قالت عنه إنه حدث بالفعل.

وقع انفصال الفنانة ياسمين صبري ورجل الأعمال أحمد أبو هشيمة بعد مرور عامين على زواجهما، حيث تم عقد قرانهما في 19 أبريل من عام 2020، واحتفلوا به بعد مرور حوالي شهر من إعلان خطوبتهما رسمياً.

انفصال ياسمين صبري وأحمد ابو هشيمة

حينها أصدر الثنائي بياناً بخصوص هذه المناسبة ذكرا فيه: "تقديرا لمحبة الناس ومن يهتمون لأمرنا، يسعدنا أن نعلن عن عقد قراننا وسط أجواء عائلية، وسط تلك الأجواء سعينا إلى تكليل ارتباطنا الذي أعلناه لكم خلال الشهر الماضي بعقد القران، بالتزام كامل من جانبنا بكل التدابير والإرشادات الصحية، وتأكيد لأن الحياة يمكن أن تستمر ولا نفقد فرص السعادة، إذا راعينا الضوابط وما يوجه به المختصون".

وتابع أحمد أبو هشيمة وياسمين صبري بيانهما: "إذ نشارككم فرحتنا الشخصية، ونتطلع إلى دعواتكم وأمنياتكم الطيبة، فإننا نتمنى للجميع في مصر والعالم السلامة والفرحة والحياة الهانئة المطمئنة"، مختتمين بالقول: "نشكر أهلنا وأصدقاءنا الذين كانوا إلى جانبنا، والذين تفهموا الظروف التي اضطرتنا إلى اختصار الاحتفال حرصا على سلامة الجميع، ونتطلع لأن نحتفل مع الجميع مرة ثانية بعدما تنتهي الأزمة ويكتب الله العافية لبلدنا والعالم".

ياسمين صبري وأحمد ابو هشيمة

أبرز تصريحات ياسمين صبري في برنامج  «سبيس»، الذي أطلقه الكاتب تامر عبده أمين، عبر موقع التواصل الاجتماعي تويتر:

أنا كنت عايشة في إسكندرية في أسرة متوسطة، ومصروفي كان قليلا جدا ولو خلص مع نفسي، وكنت عايشة في بيت جدي وجدتي، وفي مرحلة من حياتي كنت في مدرسة حكومية.

وأنا ماشية كنت بتخيل إني هيبقى عندي أحلى حاجة في الدنيا، كنت بتخيل حاجة هتحصلي في الحقيقة، وأن هيبقى عندي أحلى جزم وشنط وبيت وعربية، وكل حاجة أحلى، ومكنش فيه أي حاجة تدل إني هحقق ده، بس كنت بشعر أني أستحق وكنت بحب نفسي.

الإنسان هو اللي بيصنع مصيره والعالم والواقع اللي عايش فيه، وعشان كده إحنا بنتحاسب في الآخرة، إحنا مخيرين، الإنسان كل يوم بيبقى عنده اختيارات، والكون عبارة عن مينيو كبير، اختار، ولما تطلب من ربنا اطلب أحسن حاجة، وهتاخد أحسن حاجة، وكرم ربنا لا ينتهي، مفيش حنفية ويتقالك كفاية كده، أنا لا أؤمن بموضوع 24 قيراط، وإن ليك عدد معين، أنت لو عايز الدنيا هتاخدها.

مكنتش أعرف إن ده جزء من قانون الجذب، بعد شوية حققت جزء من أحلامي، وبعده جزء، وكل شوية أحلامي بتكبر.