أخبار عاجلة
السيسي: شركة العاصمة عندها كشف بنوك بقيمة 40 مليار غير المستحقات
قال الرئيس عبد الفتاح السيسي خلال افتتاح منصة مصر الرقمية، اليوم: " شركة العاصمة عندها كشف بنوك وائتمان محتمل بقيمة 40 مليار جنيه كاش، غير المستحقات بقيمة 80 مليار جنيه، الهدف اللي انا بقوله ده علشان كتير من الناس بيسمعوني واتكلمنا في الموضوع من 4 سنين .. حد يقولى انتوا بتعملوا العاصمة ليه ؟ انتوا معاكوا فلوس للحكاية؟ إدونا الفلوس نعيش بيها".
وأضاف الرئيس السيسى: "البلاد مبتعش كده .. البلاد بتفضل تبنى وتعمر في نفسها علشان تاخد مكانها وسط الأمم وده مبيجيش غير بالصبر والأفكار والتضحيات".
وتابع: لما جيت على مراكز البيانات ساعة لما طرحنا الموضوعات دي كانت بعيدة علينا قالك هتجيبوا الفلوس دي كله منين؟..اذا كنتم عاوزين تعملوا دولة ذات شان زى ما بتشوفوا في الدول المتقدمة، تشتغل ازاى الحكومة بتاعتها ..تقولها عنوان في برنامج إعلامي أو التليفزيون تقولها عنوان الحكومة الذكية، لكن علشان أعمل الحكومة الذكية تكلفني 100 مليار جنيه".
ويفتتح رئيس الجمهورية عبد الفتاح السيسي، اليوم الأربعاء عدد من مشروعات "مصر الرقمية" التابعة لوزارة الاتصالات وتكنولوجيا المعلومات، وفقاً لما أعلنه المتحدث باسم رئاسة الجمهورية، السفير بسام راضى.
وقال المتحدث باسم رئاسة الجمهورية، السفير بسام راضى، إن الرئيس سيشهد أيضاً افتتاح عدد من المشروعات عبر الفيديو كونفرانس، مثل محطات انزال الكابلات البحرية في كل من رأس غارب، والزعفرانة، وسيدي كرير، بالإضافة إلى افتتاح مركز البيانات الدولي بالقاهرة، ومدارس المصرية للاتصالات للتكنولوجيا التطبيقية، ومراكز ابداع مصر الرقمية، وتطوير متحف البريد المصري.
