هنادي مهنا تتصدر التريند بسبب تصريحها الاخير عن المخرج خالد الحلفاوي

تصدرت الفنانة هنادي مهنا تريند موقع بحث جوجل العالمي خلال الساعات القليلة الماضية، وذلك بسبب تصريحها الاخير عن العمل مع الحلفاوي في مسلسل "مكتوب عليا"، والذي حقق نجاحا كبيرا في الموسم الرمضاني الماضي.

هنادي مهنا تتصدر التريند بسبب تصريحها الاخير عن المخرج خالد الحلفاوي

وقالت هنادي خلال مداخلة هاتفية في برنامج "أسرار النجوم": "الشغل مع خالد الحلفاوي ممتع جداً لدرجة إني مش بحتاج أعرف الورق والدور لأني متأكدة طالما هو موجود عمره ما هيطلع الممثل وحش".

وتابعت: "ولو هو كلمني وقال لي أنه عايزني في دور معاه هكون مستعدة أظهر بـضهري لمجرد إني أتعاون معاه، وأعتقد معظم الممثلين اللي اشتغلوا معاه هيقولوا نفس كلامي؛ لأنه شخص مريح في الشغل ومش بيميز البطل عن باقي الممثلين ومش كل المخرجين زي خالد الحلفاوي، فيه بعض المخرجين لسانهم طويل وبيحبوا البطل فقط، ودا موجود في كل الوظائف مش التمثيل بس".

هنادي مهنا تتصدر التريند وتوضح علاقتها بزوجها وحقيقة انفصالهما

قالت هنادي مهنا خلال استضافتها في حلقة برنامج كلمة أخيرة والتي تقدمه الإعلامية لميس الحديدي، وتحدثت فيه عن طبيعة علاقتها بزوجها الفنان أحمد خالد مهنا، إنها تهتم به بناء على نصيحة والدتها لدرجة أنها تقوم بكي ملابسه الداخلية، كما أنها تقدم له الإفطار بشكل يومي وأن والدتها تحضر له الإفطار حال نزولها مبكرًا للتصوير.

وأوضحت هنادي خلال حلقة البرنامج: " والدتي بتنصحني بالحاجات العادية لازم يبقي فيه اكل في البيت لازم تاخدي بالك منه..لازم تكوي الفانلات انا كانت وجة نظري في الأول ان الفانلات حاجة مش بانية فليه تتكوي..بتقعد تقولي بقي عشان البكتريا".

وأضافت هنادي " انا دلوقتي مش بكوي فانلاته بس هي حاجة من المسؤليات طبع، ولو انا مثلا في الشغل ماما بتقعد قدام التلفزيون تكويها وتعملي كل حاجة في البيت" .

من الشائعات التي يتم إطلاقها باستمرار حول انفصالها عن زوجها، معتبرة أن ذلك أفضل من الحسد وقالت "الموضوع مضحك وبيضحكني أوي وقلت كويس أنهم مشغولين في الكلام وده ومتخيلينا أننا بينا خلافات أحسن ما يحسدونا".

وأوضحت هنادي مهنا خلال استضافتها في حلقة برنامج كلمة أخيرة والتي تقدمه الإعلامية لميس الحديدي : بتكلم 3 لغات غير العربية، وأنا بحاول دلوقتى اتعلم أكتب عربى بس بعرف أقرا بالطبع وبتلخبط بين الصاد والسين، وكمان بغلط بين الذال والزين والظاء، ويمكن تاعبينى علشان ببدأ متأخرة وعمرى ما أخدت دروس عربى وأنا صغيرة.

وتابعت: "والدتى فرنساوية، وكانت كل اللغة في البيت بالفرنسية، في الأول كنت بجيب حد يقرأ لى وأكتب بالفرانكو واحفظ بالحروف الإنجليزية، لكن دلوقتى بقيت أقرأ الاسكريبت بالعربى، وأنا بدأت بالصعيدى وبحبها جدا، وعملت أفراح إبليس ولما حد بيقول كلمة غلط بالصعيدى بترن وكأنها لغتى الأم".

هنادي مهنا: أنا بنت أبويا طول الوقت ودائما بقف في صفه

أوضحت الفنانة هنادي مهنا، أنها تحب والدها كثيرا، حيث قالت: «أنا طول الوقت بنت أبويا، وأي حاجه بتحصل كنت باخد صف بابا من غير ما أعرف إيه المشكلة، لأني مكنتش بحب حد يضايقه»، مضيفة: «عندما تزوجت أدركت أن الزوجة والأم تبذل جهدا كبيرا من أجل زوجها وأبنائها لذلك أدركت قيمة والدتي، وبدأت العلاقة بيننا تقوي، وبدأت أدافع عنها في الكثير من الأمور»،

هنادي مهنا تكشف عن بدايه مشوارها الفني

وكشفت الفنانة هنادي مهنا، عن بدايه مشوارها الفني، حيث قالت: «أنا ظهرت لأول مرة مع هالة سرحان من خلال برنامجها، وكان لدي 3 أعوام، ثم شاركت بعد ذلك في الغناء من خلال أغنية القدس هترجع لنا، وكان لدي حينها 3 سنين ونصف»،

وتابعت: «شاركت مع الفنانة ذكرى من خلال ظهوري في فيديو كليب في أحد أعمالها الغنائية».

اعمال الفنانه هنادي مهنا

من أفلام
2022م: تماسيح النيل
2020م: بنات ثانوي

من المسلسلات
2022 مكتوب عليا بدور سلمى
2021:إلا أنا ج2 حكاية بدون ضمان بدور مريم
2021: ورا كل باب ج 2حكاية كدبة كبيرة بدور فاطمة
2021: فارس بلا جواز بدور سلمى
2020: سكر زيادة بدور علا
2020: خيط حرير بدور شيري
2020: خيانة عهد بدور سارة
2020: الفتوة بدور شكر
2019: زلزال بدور أمل[3]
2019: أفراح إبليس 2 بدور عالية
2019: حكايتي بدور نسرين [4]
2019: بركة بدور سارة

في الإذاعة
2021:رحلتي من الشك لبلطيم بدور سارة الجنايني