السيسي: الدولة تدخلت لمنع زيادة أسعار الكهرباء والغاز

أكد الرئيس عبد الفتاح السيسي، على دور الدولة فى حماية المواطنين من زيادة أسعار الخدمات، متابعا: "لما كنا فى المنصورة وحد كلمنى عن سعر السماد.. لو حطينا التكلفة الحقيقية للسماد والكهرباء.. هيبقى فوق طاقة الناس.. أنا بقول للمصريين كل المصريين.. لو مش جيت على بند 4 الخاص بأسعار الخدمات مثل الكهرباء وغيرها والدولة حطت أرقام ضخمة فى قطاع الطاقة والكهرباء والغاز".

وأضاف الرئيس السيسي، خلال كلمته فى افتتاح محور التعمير الجديد بمحافظة الإسكندرية: "لا زودنا بنسبة كبيرة ثمن الغاز الحقيقي.. السعر زاد 170 %.. النهاردة لا وزارة الكهرباء بتاخد الغاز بالتمن ده.. ولا مصانع الأسمدة بتاخد الغاز بالسعر ده.. لو بنتكلم عن سعر الكهرباء .. هتكون غالية اوى سواء على المصانع أو المواطنين وده مش حصل".

وأشار الرئيس عبدالفتاح السيسي، إلى أن الدولة كانت حريصة على عدم انعكاس زيادة أسعار الذرة والقمح على المواطنين، مضيفا: "إحنا كدولة حرصنا على عدم زيادة التكلفة الكبيرة لما الدكتورة هالة اتكلمت عن زيادة أسعار الذرة والقمح واحنا بنستورد كميات ضخمة، لكن احنا لم نعكس الزيادة اللى حصلت في الأسعار خالص".

وأضاف "السيسي"، "الأسعار غالية برة.. الهدف من تقديم عرض الدكتورة هالة السعيد إن إحنا كدولة نقول للناس الحكاية إيه؟ بشكل شايفينه إزاى ؟ ..واحنا كدولة عملنا إيه؟.

وتابع الرئيس،"ممكن حد يقولى مش كفاية، كنتوا زودتوا شوية الحد الأدني.. موافق.. كان ممكن أوى الرقم ده في الحد الادني نزودوا ونيجي على البند 4 "القمح – الذرة" منقربش منه.

وواصل الرئيس، "مقدرش أفرض على القطاع الخاص في ظل مشكلة أسعار المستلزمات الإنتاج واضطراب سلاسل الإمداد ومشاكل الطاقة اللى نتج عنه أسعار المنتجات الأوروبية وزادت علشان يعوض التكلفة".