الفنانة وفاء مكي تتصدر التريند بسبب 10 تصريحات مثيرة للجدل
تصدرت الفنانة وفاء مكي، تريند موقع بحث جوجل العالمي خلال الساعات القليلة الماضية، وذلك بسبب تصريحاتها المثيرة للجدل خلال لقائها ببرنامج «كلام الناس» مع الإعلامية ياسمين عز المذاع عبر احدي القنوات الفضائية قناة «إم بي سي مصر».
الفنانة وفاء مكي تتصدر التريند بسبب 10 تصريحات مثيرة للجدل
ونستعرض لكم خلال التقرير التالي أبرز 10 تصريحات للفنانه وفاء مكي خلال حلقة كلام الناس:
الحجاب لا عيب ولا سُبة.
فيها إيه لما أرفض أشتغل مع محمد رمضان هو مين؟.
أنا مش بشحت من حد، ده أنا بطلب أكل من عرق جبيني.
اعتذرت عن محمد رمضان بسبب الأجر «كان ضعيف».
علشان أشتغل لازم أجيب وقت، وأنا معنديش الوقت، لأني دايمًا كل وقتي مع إبني فهذا سببب غيابي عن الساحة الفنية.
كنت باخد أعلى أجر في التسعينات، وكنت دائما أعلى نسبة بيع وتوزيع في المجلات والجرائد.
السوشيال ميديا بتضر أكتر ما بتنفع، وتنتهك شعور الناس وكل ده عشان مشاهدة وفلوس والفلوس دي حرام.
ناس كبار طلبوا أسيب الفن وأتجوزهم وعرضوا عليا ملايين.
لو رجع بيا الزمن هاخد الفلوس وأتجوز لأن فلوس الفن معملتش بيها حاجة.
الله له حكمة في ما حدث لي، وعندي خادمات بيساعدوني دلوقتي في البيت.
لما حد بيتكلم في اللي حدث معي بقوله دا موضوع ملهوش لازمة ولما بفتكر بقول إيه التهريج دا وبضحك.
وفاء مكي عن العمل مع محمد رمضان: اعتذرت عن فيلم محمد رمضان بسبب الأجر كان ضعيف
تحدثت الفنانة وفاء مكي عن سبب رفضها المشاركة في مسلسل «جعفرالعمدة»، للفنان محمد رمضان، حيث قالت: اعتذرت عن فيلم محمد رمضان بسبب الأجر كان ضعيف.
واوضحت: «فيها إيه لما أرفض أشتغل مع محمد رمضان هو مين؟ أنا عملت 86 بطولة، عايزني أرجع تافهة وهايفة؟».
وأضافت «مكي»:«أنا مش جاية من على السلّم وعملت أكثر من 80 بطولة وأعمالي تشهد لي ومحدش يرمي لي دور أي كلام .
وفاء مكي عن الحجاب: الحجاب لا عيب ولا سُبة
قالت الفنانة وفاء مكي تعليقا على ظهورها بالحجاب في أحد البرامج إن: «الحجاب لا عيب ولا سُبة».
أضافت وفاء مكي: «كنت في برنامج ديني، وكنا بنصور في مصر الجديدة وقعدت أدور على إيشارب لأنهم قالولي لازم حجاب عشان فيه شيخ وقرآن وقعدت ألف بالعربية لحد ما اشتريت حجاب؛ احتراما لهيبة الشيخ».
وتابعت: «الشيخ طلب مني ألبس إيشارب احتراما للحديث والقرآن»، مردفة: «أنا لم أتحجب.. مش عيب ولا حرام ولا قلة أدب، لكن أنا متحجبتش».
وعن فترة حبسها وقالت وفاء مكي، في تصريحات صحفية: شاركت في 5 أعمال دفعة واحدة، بعد خروجي من السجن بسبب المسئوليات والالتزامات اللي عليا، وانتظر حاليا عمل يليق بتاريخي الفني.
تابعت :«أنا مش بشحت من حد، ده أنا بطلب أكل من عرق جبيني، واللي هيتكلم على قضيتي عنده حقد لأن القضية بقالها 20 سنة وأنا واحدة عارفة ربنا وبيني وبينه عمار الحمد لله».
واختتمت وفاء حديثها وقالت :«أنا قضيتي بسيطة جدا، فيه فنانين خرجوا من قضايا دعارة واشتغلوا عادي ومحصلش حاجه، معربة عن استيائها من حديث البعض عن قضية سجنها بسبب تعذيب خادمتها ،وذلك كان في أوائل الألفينات.
وعن حياتها مع كفلها، قالت وفاء مكي: من 3 أيام ابني كان جعان قولتله مش معايا فلوس أجبلك أكل وقعدنا نلم جنيهات من البيت لحد ما جبنا كيس عيش، بيقولوا اللي بيحصل لي ذنب اللي عملته، طب ابني ذنبه إيه، ابني مالوش ولا حول ولا قوة عشان يتعاقب، وليه ما نقولش إذا ربنا أحب عبدا ابتلاه علشان يشوف مدى صبره وتحمله وقضيتي بقى لها 23 سنة وعملت بعدها بطولات ومسلسلات.
وتابعت: أنا أخدت سلفة من النقابة وعليا وصلات أمانة، وعارضة شقتي للبيع وهبقى أعيش في شقة إيجار جديد، وخلاص أنا تعبت وفاض بيا ومش قادرة استحمل، بقى لي 10 سنين عليا ديون بـ 500 ألف جنيه وأمي ست عيانة وفي حالة خطر وعندي التزمات وأخدت قرض، وعايشة على معاش والد ابني 3 آلاف جنيه في الشهر والقرض بيتم سداده لمدة سبع سنين.
أضافت: الكيل طفح وفاض بيا وتعبت ومش قادرة أستحمل أكتر من كدا، بقالي 10 سنين عليا ديون وعندي أمي عيانة وطفل يتيم والتزامات، الديون وصلت عليا لـ 500 ألف، وصحابها موجودين ممكن تسألوهم، معنديش مصدر رزق غير المعاش بتاع الوالد وأخدت بضمانه قرض، بعتمد على باقي المعاش بشتري بيه زجاجتين زيت، وعلى مساعدات من أهل أمي.
