هند عاكف تكشف الأسرار وتظهر براءة وفاء مكي.. تفاصيل

تصدرت الفنانة هند عاكف تريند موقع بحث جوجل العالمي خلال الساعات القليلة الماضية، وذلك بعد إثارتها لحالة من الجدل  بسبب كشفها عن مكالمة بينها وبين الفنانة ميار الببلاوى والتى تؤكد فيها براءة الفنانة وفاء مكى فى قضية تعذيب الخادمتين.

وقال هند عاكف خلال مداخلة هاتفية ببرنامج “ملفات” : "ميار الببلاوى اتصلت بى وقالت  لى اننى لدى دليل براءة الفنانة وفاء مكى فى قضية تعذيب الخادمتين.

واضافت هند عاكف : “قالت لى أن ضميرها يؤنبها، وخايفة تقابل ربنا قبل ما تقول شهادة الحق وأنا عارفة إن وفاء بريئة ومظلومة، وميار قالت إن جالها تهديدات بدبح ابنها لو شهدت مع وفاء بالحق، وزوجها سفرها سوريا لإنه كان خايف عليها وعلى ابنها”.

هند عاكف بعد أزمة وفاء مكي: أضم صوتي لصوتك قضية جيل بالكامل

حرصت الفنانة هند عاكف، على تقديم الدعم للفنانة وفاء مكي بعد تصريحاتها المثيرة للجدل خلال لقائها ببرنامج «كلام الناس» مع الإعلامية ياسمين عز المذاع عبر احدي القنوات الفضائية قناة «إم بي سي مصر».

وكتبت عاكف منشورًا، عبر صفحتها تلشغ بموقع التواصل الاجتماعي فيسبوك، قائلة: دي قضية جيل بالكامل، أحب أضم صوتي لصوتك يا وفاء، أدعم الفنانة وفاء مكي وأدعم كل زملائي وجيلي اللي أتظلم وقاعد في البيت، حرام وعيب اللي بيحصل ده، هو لازم نطلع نتكلم ونشتكي ونشرح ظروفنا وأسرار بيوتنا علي السوشيال ميديا عشان نشتغل؟!.

ونستعرض لكم خلال التقرير التالي أبرز 10 تصريحات للفنانه وفاء مكي خلال حلقة كلام الناس:

الحجاب لا عيب ولا سُبة.

فيها إيه لما أرفض أشتغل مع محمد رمضان هو مين؟.

أنا مش بشحت من حد، ده أنا بطلب أكل من عرق جبيني.

اعتذرت عن محمد رمضان بسبب الأجر «كان ضعيف».

علشان أشتغل لازم أجيب وقت، وأنا معنديش الوقت، لأني دايمًا كل وقتي مع إبني فهذا سببب غيابي عن الساحة الفنية.

كنت باخد أعلى أجر في التسعينات، وكنت دائما أعلى نسبة بيع وتوزيع في المجلات والجرائد.

السوشيال ميديا بتضر أكتر ما بتنفع، وتنتهك شعور الناس وكل ده عشان مشاهدة وفلوس والفلوس دي حرام.

ناس كبار طلبوا أسيب الفن وأتجوزهم وعرضوا عليا ملايين.

لو رجع بيا الزمن هاخد الفلوس وأتجوز لأن فلوس الفن معملتش بيها حاجة.

الله له حكمة في ما حدث لي، وعندي خادمات بيساعدوني دلوقتي في البيت.

لما حد بيتكلم في اللي حدث معي بقوله دا موضوع ملهوش لازمة ولما بفتكر بقول إيه التهريج دا وبضحك.

وفاء مكي عن العمل مع محمد رمضان: اعتذرت عن فيلم محمد رمضان بسبب الأجر كان ضعيف

تحدثت الفنانة وفاء مكي عن سبب رفضها المشاركة في مسلسل «جعفرالعمدة»، للفنان محمد رمضان، حيث قالت:  اعتذرت عن فيلم محمد رمضان بسبب الأجر كان ضعيف.

واوضحت: «فيها إيه لما أرفض أشتغل مع محمد رمضان هو مين؟ أنا عملت 86 بطولة، عايزني أرجع تافهة وهايفة؟».

وأضافت «مكي»:«أنا مش جاية من على السلّم وعملت أكثر من 80 بطولة وأعمالي تشهد لي ومحدش يرمي لي دور أي كلام.

وفاء مكي عن الحجاب: الحجاب لا عيب ولا سُبة

قالت الفنانة وفاء مكي تعليقا على ظهورها بالحجاب في أحد البرامج إن: «الحجاب لا عيب ولا سُبة».

أضافت وفاء مكي: «كنت في برنامج ديني، وكنا بنصور في مصر الجديدة وقعدت أدور على إيشارب لأنهم قالولي لازم حجاب عشان فيه شيخ وقرآن وقعدت ألف بالعربية لحد ما اشتريت حجاب؛ احتراما لهيبة الشيخ».

وتابعت: «الشيخ طلب مني ألبس إيشارب احتراما للحديث والقرآن»، مردفة: «أنا لم أتحجب.. مش عيب ولا حرام ولا قلة أدب، لكن أنا متحجبتش».

وعن فترة حبسها وقالت وفاء مكي، في تصريحات صحفية: شاركت في 5 أعمال دفعة واحدة، بعد خروجي من السجن بسبب المسئوليات والالتزامات اللي عليا، وانتظر حاليا عمل يليق بتاريخي الفني.

تابعت :«أنا مش بشحت من حد، ده أنا بطلب أكل من عرق جبيني، واللي هيتكلم على قضيتي عنده حقد لأن القضية بقالها 20 سنة وأنا واحدة عارفة ربنا وبيني وبينه عمار الحمد لله».

واختتمت وفاء حديثها وقالت :«أنا قضيتي بسيطة جدا، فيه فنانين خرجوا من قضايا دعارة واشتغلوا عادي ومحصلش حاجه، معربة عن استيائها من حديث البعض عن قضية سجنها بسبب تعذيب خادمتها ،وذلك كان في أوائل الألفينات.