إصابة مي حلمي بجلطة في المخ.. العريس سابها قبل الفرح بساعتين عشان القايمة
لحظات مأساوية لا يتحمل قلب أي فتاة ، عاشتها مذيعة الراديو مي حلمي وذلك قبل فرحها بساعتين حيث اختلف الاهل على "قائمة المنقولات"، فرفض المطرب محمد رشاد "الجوازة وخد أهله " ومشيوا فاصيبت مي حلمي بجلطة في المخ، وفقا لما روته إحدى صديقاتها التي كتبت:
فرحتها اتكسرت بسبب القايمه واختلاف في الماديات
قصه الحب العظيمه انتهت بشكل مأساوي جدا بسبب قايمه !! خلاف ع عفش و مؤخر .. الفرح اتلغي قبل الزفه بساعتين بعد ما خلاصوا لبس و تصوير ، العريس خد أهله و مشيوا و سابها ، بفستانها في القاعه و مشي !
الصدمه سببتلها جلطه في المخ ، اعتقد ان اسوء حاجه ممكن الانسان يمر بيها هي الخذلان ! انك تهون ع اللي بتحبه عادي ويسيبك بعد مشوار طويل عادي ..
مش هقول اختاروا كويس ولا اتمسكوا ببعض ولا في داهيه الماديات والظروف والعواقب ، لان من الواضح ان النهايات السعيده والحب الافلاطوني بقوا اساطير نسمع عنها بس و مابنشوفهاش ..