السيسي: البنك الآسيوى قدم تمويلا بأكثر من 44 مليار دولار لـ 35 دولة

عبر الرئيس عبد الفتاح السيسي عن تقديره للبنك الآسيوي للاستثمار في البنية التحتية، قائلا: "تقديرنا للبنك والدور الكبير اللى قام بيه خلال 8 سنوات والمستوي اللى وصل له في فترة زمنية مش كبيرة، تاني بنك متعدد الأطراف على مستوي العالم بقدرة أو محفظة تصل 100 مليار دولار.. وتصنيف من الوكالات مثل فيتش A 3 ونظرة مستقرة مستقبلية.

وأشار الرئيس السيسي، خلال كلمته في اجتماعات البنك الآسيوي للاستثمار في البنية الأساسية إلى ان: "قيمة التمويل اللى قدمه خلال السنوات اللى فاتت زي ما ذكر أكثر من 44 مليار دولار لـ 35 دولة لـ 232 مشروع ده أمر عظيم ورائع".

وقال السيسي، إن الدولة المصرية عملت بقوة خلال الفترة الماضية لتطوير البنية التحتية، متابعا: "المسار كان ممكن ينجح بالقطاع الخاص ولكن المدى الزمني المطلوب لإنتاج أو لسد الفجوة الهائلة في البنية الأساسية في مصر بواسطة القطاع الخاص سواء المصري أو الأجنبي كان سيكون مدى زمني ضخم".

أضاف الرئيس السيسي، على هامش الاجتماعات السنوية للبنك الآسيوي للاستثمار في البنية التحتية: "إحنا عملنا كدولة خلال الـ8 سنين الماضية بكل ما أتوينا من قوة حتى تنتهي الفجوة تماما وتبقى فيه البنية الأساسية متطورة للدولة في كافة المجالات خاصة الفجوة اللي بقول عليها ماكنتش في قطاع دون آخر".

وتابع الرئيس السيسي: "لو اتكلمنا عن قطاع الطاقة كان فيه فجوة كبيرة، ولو اتكلمنا عن قطاع النقل فيه فجوة كبيرة، وبالتالي الجهد اللي اتبذل من الدولة والتمويل اللي الدولة قدمته خلال السنين اللي فاتت اللي كان فيه جزء كبير منه تم الاستدانة بيه علشان ماندخلش في إشكاليات".