الفن
10 تصريحات مثيرة للجدل للفنانة انتصار مع تامر شلتوت
تصدرت الفنانة انتصار تريند موقع بحث جوجل العالمي خلال الساعات القليلة الماضية، وذلك بسبب تصريحاتها المثيرة للجدل خلال لقائها مع الإعلامي تامر شلتوت، في برنامج In Deep في العمق، المذاع عبر قناته الرسمية بموقع يوتيوب.
ونستعرض لكم خلال التقرير التالي أبرز تصريحات الفنانة انتصار مع تامر شلتوت.
أبرز تصريحات الفنانة انتصار مع تامر شلتوت
-مكنتش عارفة اني رايحة لرامز جلال، ونزل عليا كريزة ضحك في الحلقة لما عرفت المقلب، وتشبثت بـ هشتاج فاتنة الشرق كمل معايا، هتشبث بيه وهبقا انتصار فاتنة الشرق، كمان في واحد قالي واحد قالي انتي هيلكوبتر مصر، دي زي باشا مصر كدة، بس فاتنة الشرق أحلى.
- حد قالي إنتِ كبرتي ولسة حلوة، قلت له البضاعة بتبان بعد الحمل والرضاعة، أنا بحب ابتسامتي والنغزتيني اللي عندي جدًا.
- واحد قالي يا سافلة يا مستبدة عشان موقفتش اتصور معاه على كوبري أكتوبر.
- معجب تاني بعتت لي شتيمة وصور على الواتساب، فاخدت اجراء قانوني ضده، وقدمت شكوى بمباحث الانترنت، لإن إحنا مش هنعيش العمر كله نعمل بلوك، عنده 27 سنة، وسجنته ومقابلتش أهله، اللي قده معاهم عيال، فمش ذنبي إنه مش متجوز، ولا إن أهله مش مربينه، ممكن أتنازل عن بلاغي ضده عشان أحبس واحد تاني، إحنا أهالينا تعبوا معانا وربونا، فطلعنا منضبطين، اللي زي ده مترباش.
-في نقاد معروفين أنهم مرتشين وممولين، وفي منهم ناس بتتمادي في الغلط، أنا بشوفهم بيتمادوا لكن مبكلمهمش، ولا أعاتبهم عشان مبيقاش في صداقة بينا.
-أنا بحب أكيد المذيعين والمعدين المتطفلين لما بيسألوني عن القبلات، مالها القبلة يعني؟، ام كلثوم غنت للقبلة كارهين القبلة ليه؟، إحنا متربين على سينما كلها قبلات، وماله المايوه موجود وبيتباع في الشارع، ليه عايزين تاخدوا تصريح على لساني تدينوا بي المايوه؟، مانا بلبس المايوه انزل بي البحر مش مقاطعاه، حرام عليكم بيقيتوا تافهين، لما تختصر الفنان وتقعد تتكلم عن القبلات فقط تبقوا تافهين، يعني إي سينما نظيفة مغسولة يعني؟!.
-كنت في برنامج وبنعمل حلقة عن أسباب مشاهدة الفيديوهات الاباحية، فناس قالت بنصبر نفسنا، فأنا قلت الناس بتتفرج ليه؟!، كنت عايزة اجد أسباب، منها الفضول والمراهقة وأحيانا بيكون مرض، إجابة عادية، لكن مقولتش أنا بدعم الفرجة على الأفلام الإباحية.
-في زميلة على شمالي قالت تعليق أنقح مني، قعدت تشرح وعليت عليّ، سابوا كلامها ومسكوا فيا، إحنا بنتقاضي أجر مقابل اللي بتقوله، ووائل الإبراشي قالي إيه البرويل اللي عملاه دا أنا والله بحب الحاجات دي أوي، قلت له أنا منزعجة، أنت بتطلع كل يوم دي شغلتك، أنا أول مرة أتعرّض لها.
-أهلي صعايدة من الأقصر لكن اتولدت في إسكندرية ومكانوش راضيين أمثل في البداية لكن بعد كدة وافقوا وأنا بحب الراجل اللي يغير عليّ، لأن الممثلة الكوميدية بتكون جريئة شوية لكن جوزي كان بيعلق على لبسي.
-بنتي امتداد ليا لأنها نسخة مني، ولو في راجل أكبر منها بكتير تقدم لها هرفضه وأنا محتاجة لراجل في حياتي ومينفعش نقول كل الرجالة خاينة فيه منهم محترمين ومتربيين.
