برنامج "حبر سري" يتصدر مواقع التريند بعد حلقة الفنان أحمد العوضي

تصدر برنامج "حبر سري"، المُذاع عبر شاشة "القاهرة والناس"، للإعلامية اسما إبراهيم، تريند مواقع البحث خلال الساعات القليلة الماضية، بعد عرض حلقة الفنان أحمد العوضي.

ونستعرض لكم خلال التقرير التالي أبرز تصريحات الفنان أحمد العوضي خلال حلقة حبر سري الذي تقدمه الإعلامية اسما إبراهيم، والذي عرض منذ أيام.

أبرز تصريحات الفنان أحمد العوضي خلال حلقة حبر سري

أنا بعمل حاجات في المسلسل بعوض بيها نقص كان عندي.

قلبي جامد في الحاجات اللي تخصني.. مبيعيطش على حالي.

أجرت عربيتي واشتغلت فى نادي فيديو قبل الفن.

مش بحضر عزاء  علشان التصوير.

ياسمين عبد العزيز تحقق إيرادات اكتر مني فى السينما.

الخيانة ملهاش مبرر.

اعتذرت عن سره الباتع بسبب مسلسلي مع ياسمين عبد العزيز.

اشادة الرئيس بدوري فى الاختيار كرم من ربنا.

الخديوي أقرب الشخصيات لقلبي.

فرق العملة سبب تأجيل تصوير فيلم البلدوزر.

أول مشهد قدمته فى المدرسة كان مشهد لأحمد عبد العزيز فى الفرسان.

مسلسل بعد الميزان بداية نجوميتي الحقيقة.

النجومية مش دايمة.

نور الشريف هو اللى طلعني للفن.

المسابقات على السوشيال ميديا علشان أراضي اخوتي مش للمنظرة.

أنا بعامل ربنا وربنا المطلع على قلوب البشر.

رفضت نصيبي وقسمتك فى البداية وعمرو ياسين أقنعني بتقديمه.

وأنا بشتغل بيبقى هدفي الناس تحب الفيلم في الشارع.. مش للريد كاربت والمهرجانات.

لو أنا عندي جماهيرية يبقى عشان أنا راضي ربنا.

أنا ذهبت لعزاء الفنان الكبير محمود ياسين؛ كون ابنه عمرو صديقي، وذهبت إلى عزاء والدة الأستاذ محمود المملوك؛ كونه صديقي، ولكن الشخص الذي يتوفى أحد من عائلته أو أقاربه ولا تربطني به علاقة؛ لا أذهب.

في حال ذهابي إلى المناسبة ولا تربطني بالشخص أي علاقة؛ فأكون قد ذهبت من أجل التقاط الصور.

أقرب الشخصيات لي في أعمالي هي الشعبي.. شبهي أقوي.

تعبت عشان أوصل للي عايزه، وأنا كنت مولود في منطقة شعبية، وماحبش أقول كلام سلبي عن حياتي.

اللي عايز يتجوز؛ يقول لمراته، واللي يتجوز في السر، مش راجل؛ لأنك خوفت، وهتفقد احترامك أمام الطرفين.

الخيانة بتحصل، لكن مفيش مبرر يخلي راجل يعرف على مراته واحدة، لأنك لو مش مبسوط؛ طلَق، والراجل لا يملك إلا هيبته، ولو الراجل مش مبسوط؛ يطلق، لكن مايخونش.

أحمد العوضي يعلن الانتهاء من تصوير الاسكندراني

أعلن الفنان أحمد العوضي انتهاءه من تصوير مشاهد فيلمه الجديد الاسكندراني من إخراج خالد يوسف.

وقال الفنان أحمد العوضي إنه سعيد بتجربة البطولة الأولى له في السينما، مع المخرج خالد يوسف من خلال فيلم "الإسكندراني".

وقال أحمد العوضي:" وأنا بشتغل بيبقى هدفي الناس تحب الفيلم في الشارع.. مش للريد كاربت والمهرجانات".

وأضاف العوضي: "ربنا صارفله.. من حبه ربه يحبب فيه خلفه.. ولو أنا عندي جماهيرية يبقى عشان أنا راضي ربنا".