الفن
منه فضالي توضح حقيقة مرض والدتها وتوجه الشكر للنجوم
حرصت الفنانة منة فضالي على توجيه الشكر لزملائها النجوم ولكل من تواصل معهت، وذلك بعد وقفتهم الأخيرة معها في أزمة مرض والدتها، والتي دخلت على اثرها إلى المستشفى لإجراء عملية جراحية كبيرة.
وقالت منة فضالي عبر صفحتها الرسمية بموقع التواصل الاجتماعي فيسبوك: "عاوزة أشكر كل الناس اللي جاتلي المستشفى علشان يتطمنوا على ماما واللي اتصلوا، بجد ألف شكر، وفعلا المواقف بتبين الناس، فيه ناس معرفهاش والله جاتلي واتصلوا، وناس كانت قريبة وكنت فاكراهم أصحاب ولا فكروا حتى يسألوا بس معلش".
وأضافت منة فضالي: "حقيقي بشكر من قلبي الرجولة كلها في عز ما هو مشغول مسابنيش الرجولة أمير كرارة".
وتابعت: "أنا أمي كان عندها كانسر في القولون وشلنا 90 في الميه من القولون وعملنا تحويل مصار وحوار طويل جدا ولسه مكملين في المستشفي بس إن شاء الله تتحسن".
وأستكملت منة فضالي: "إيمان العاصي مي كساب لقاء سويدان عبير منير عفاف محروس وكيكي هجرسي مني عبد السلام متحرمش منكم ولا من جدعنتكم مسبتنيش لوحدي، وحقيقي شكرا من قلبي لصاحبتي الوحيدة اللي معايا من أول ما جيت المستشفى منار المساعدة بتاعتي وضهري، ابتسام وبنتها أمل، شكرا ليكم يا جماعة أول مرة أحسن إني محبوبة وإني مش لوحدي".
أبرز تصريحات منه فضالي خلال حلقة برنامج Vip مع الإعلامية أميرة بدر عبر قناة «هي».
«عمري ما حسيت إن والدي بيحبني نهائي، مع إني حاولت أقرب منه بس هو مساعدنيش، كان بعيد طول الوقت، معرفش يمكن عشان متربتش معاه ومتعبش عليا».
«عملت حاجات كتير عشان أقرب من والدي، مهما بتعملي بيكون الموضوع صعب، الحب والمشاعر محدش بيعلمهم لحد، ومن قريب كنت بعمل مسرحية في السعودية وهو عايش هناك وكلمته ييجي يقعد معايا، ولقيت نفسي بقوم كل شوية مش عايزه أقعد معاه مش لاقيه حاجة أقولها، والمسرحية كان المفروض هيحضرها وأنا أتلهيت ونسيت أقوله بسبب المسرحية دايما سولد أوت، وقتها قلت لنفسي معقول أنسى أعزم أبويا، أنا بحب أبويا لأنه أبويا وبحترمه لكن مش زي أمي».
«بفكر لما آجي أتجوز تاني ألبس بدلة سموكن، وألبس العريس هو فستان، والعرسان اللي نفسهم يلبسوا الفستان موجودين كتير».
«زهقت من لبس الفساتين، لبست الطويل والقصير والمكشوف والمقفول زهقت».
«لبست أكثر من 30 مرة فستان عروسة في التصوير».
