الفن
هشام جمال ومسلم تريند يوتيوب بعد أغنية أفريقيا المحسومة.. تفاصيل
تمكنت اغنية "أفريقيا المحسومة" للفنان هشام جمال ومسلم وخالد، من تحقيق مليون مشاهدة على موقع الفيديوهات يوتيوب، وذلك بعد طرحها يوم أمس السبت الموافق 25 مايو لعام 2024 الحالي، بمناسبة فوز النادى الأهلي المصرى بطولة دوري أبطال أفريقيا، للمرة 13 في تاريخه.
أغنيه أفريقيا المحسومة
وفاز فريق النادي الأهلي ببطولة دورى أبطال أفريقيا أمام نظيره الترجى التونسى بهدف نظيف خلال المباراة التى جمعتهما مساء يوم أمس السبت الموافق 25 مايو لعام 2024 الحالي، باستاد القاهرة.
تشكيل الأهلي أمام الترجي التونسي ببطولة دوري أبطال أفريقيا
وجاء تشكيل الأهلي أمام الترجي التونسي ببطولة دوري أبطال أفريقيا، كالتالي : مصطفى شوبير ومحمد هانى ومحمد عبدالمنعم ورامى ربيعة وكريم فؤاد ومروان عطية وأكرم توفيق وإمام عاشور وحسين الشحات وبيرسى تاو ووسام أبوعلى.
وقدم الفنان محمد رمضان فقرة غنائية خلال مباراة نهائي بطولة دوري أبطال إفريقيا، بين الأهلي والترجي التونسي، وانتشرت مقاطع الفيديو على السوشيال ميديا وتفاعل معها عدد كبير من الجمهور.
وأظهرت مقاطع الفيديو جمهور الأهلي وهم يعطوا ظهورهم للملعب، مع رفع أيديهم على طريقة "حنظلة" الشخصية الفلسطينية التي ابتكرها رسام الكاريكاتير ناجي العلي.
وتعالت هتافات جمهور النادي الأهلي مع تقديم محمد رمضان أغانيه، وجاءت كالتالي"بالروح بالدم نفديك يا فلسطين".
آخر أعمال هشام جمال
وكانت آخر أعمال هشام جمال، هو دويتو بعنوان “أمور بسيطة”، مع الفنانة ليلى زاهر، بعد إعلان خطبتهما رسميًا، وهى من كلمات هشام جمال ومحمد إبراهيم، وألحان وإخراج هشام جمال، وتوزيع مادي، ميكس وماستر بيشوي مجدي، انتاج روزناما ريكوردز.
كلمات أغنية بسيطة مكتوبة
شايف رايحين أنا وأنتي على فين ومش متفائل
خايف أوي أكون قاري اللي جاي صح
ونكون هنعيش في مشاكل
بكلمك بفهمك أن اللي بينا أكيد هاممني
بشهدك بتهددي وتبعدي ودايما تقولي
مش فاهمني وتعندي
تعالي نخلي الأمور بسيطة
مش خناقة إحنا المفروض بنحب بعض
تعالي نسيبنا من النكد ده أنتي السند
هو إحنا مش كان بينا وعد
خايفة بعدين نخسر بعض إحنا الاتنين
أنا مش متفائلة
وبحاول فعلا أكون وقت ما يحصل
أي مشاكل هادية وعاقلة
متأثرة متوترة تفكيري في
موضوعنا مخليني متغيرة
يا ترى مقصرة وبقول هل ممكن يوم يسيبني يا ترى
تعالي نخلي الأمور بسيطة
مش خناقة إحنا المفروض بنحب بعض
ليه بينا سد شيل أي سد
تعالي نتعاتب بصراحة وقول بجد
كان نفسي أقولك واقنعك
بس أنا هسكت واسمعك هتقولي إيه
لا مش هتسكت هتقولي ليه
خايف كلامي يوجعك وأبقي
بإيدي بضيعك بتعاندي ليه
العند ده بسبب إننا محتاجة
أعيش مطمنة وأنا لسه خايفة
اسف لخوفك وأنتي عارفة
مش كل حاجة للأسف ينفع يصلحها اسف
معلش اسفة
تعالي نخلي الأمور بسيطة
مش خناقة إحنا المفروض بنحب بعض
ليه بينا سد شيل أي سد
ده أنتي هو إحنا مش كان بينا وعد
تعالي نخلي الأمور بسيطة
مش خناقة إحنا المفروض بنحب بعض
تعالي نسيبنا من النكد ده أنتي السند
هو إحنا مش كان بينا وعد
