تفاصيل ديو تامر حسني وكارمن سليمان لأول مرة

قال الفنان تامر حسني إنه موافق على طلب النجمة   كارمن سليمان بعمل دويتو معه، وذلك بعد تصريحها الأخير أثناء حضورها لأحد اللقاءات التليفزيونية، إذ عبرت عن حبها الشديد لتامر، مؤكدة أنها تتابع جميع أعماله، كنا أنها تتمنى العمل معهم.

وقالت كارمن خلال لقاء تليفزيوني: "أنا بحب تامر حسني جدا، وبحب كل اللي بيعمله، ودايما متابعة كل اللي بينزله"، وعند سؤالها عن أكثر فنان تتمنى عمل ديو معه، أجابت: "طبعا تامر حسني".

واستجاب تامر حسني لتصريح كارمن سليمان، ونشر  عبر خاصية "الاستوري"، على حسابه الشخصي المعني بنشر الصور والفيديوهات "إنستجرام"، قائلا: "يشرفني يا أحلى كوكي في الدنيا".

تامر حسني يوجه رسالة لأهالي شبرا بعد استقبالهم الحافل له

تجدر الإشارة إلى أن الفنان تامر حسني، وجه رسالة شكر لأهالي منطقة شبرا، من خلال حسابه الشخصي بموقع التواصل الاجتماعي المعنى بنشر الصور والفيديوهات إنستجرام، وذلك بعد استقبالهم الحافل له أثناء تصوير مشاهد من فيلمه الجديد «ري ستارت».

رسالة تامر حسني لأهالي شبرا بعد استقبالهم الحافل له

وقال تامر حسني في رسالته: «شكراً شعب شبرا العظيم استقبلتونا أحسن استقبال، وبجد كنت حاسس إني وسط أهلي، وشكراً للأهالي اللي عزموني عندهم على الملوخيه اللي طلبتها، أنا كنت بهزر بس أهل كرم و عملوها بجد و طلعت نسفتها كلها، محبتكم وصلتلي أوي، والله فرحتوا قلبي فرحه عمري ما هقدر أوصفها، ألف ألف شكر».

فيلم ريستارت

تدور أحداث فيلم ريستارت، في إطار اجتماعي كوميدي، وهو من بطولة عدد من نجوم الفن بجانب تامر حسني، وهم: هنا الزاهد، باسم سمرة، ومحمد ثروت، سيد أسامة «ميكا»، وجاري التعاقد مع باقي أبطاله في الفترة الحالية، والعمل من تأليف أيمن بهجت قمر وإخراج سارة وفيق.

كلمات اغنيه موضوع رجوعنا احدث اعمال تامر حسني

بتلومني ليه على إني عيشت وشوفت بعدك
طب ما انت برضو مشيت ومعملتش بوعدك
بقى حلو ليك وبقيت عليا محرّمو
هما اللي حبوا بعد فُرقه أجرموا
إحساسي كنت مموته وملجمه
وحرام تروحي من أحاسيس جه وقتها

ملناش حقوق على بعض مش خلصت بقى
ولا ليك تغير على حاجه يوم أهملتها

القلب صعب يلاقي روحه ولو لقى
يفضل متبت في الحياه ويحبها

مبقاش في بينا ذكرى حب نخلده
موضوع رجوعنا مستحيل استبعده
ولا أخلي قلبي حد يوم يستعبده
ولا أخلي حد في يوم ينزل دمعتي

بقى ليك حياتك ليك حبيب يستعجلك
دلوقتي تلحق رُد شوف بيرنلك
مش حقنا الوقفه دي إعمل حساب
عندي حبيب بحترمه حتى في الغياب

مبقاش في بينا ذكرى حب نخلده
موضوع رجوعنا مستحيل استبعده
ولا أخلي قلبي حد يوم يستعبده
ولا أخلي حد في يوم ينزل دمعتي

تامر حسني يوجه رسالة لأهالي شبرا بعد استقبالهم الحافل له

تامر حسني يوجه رسالة شكر لأسرة فيلمه الجديد «ريستارت» بعد مرضه