الفنانون يشكرون المنتخب على تجربته بكأس العالم.. زينة: لعبنا ماتش كويس.. مدحت العدل: أتمنى الفوز أمام السعودية.. وهنيدي: صلاح عمل اللي عليه

  أثنى عدد من الفنانين على أداء المنتخب أمام روسيا مساء أمس على الرغم من الهزيمة التي لحقت به أمام روسيا والهزيمة 3/1، وكتبت الفنانة زينة :  عايزة أقول أن فريقنا لعب ماتش كويس.. بس قدر الله ماشاء فعل.. لازم نحيي اللاعيبة عملتوا اللي عليكم ومالناش نصيب وكفاية اننا روحنا ‫#كاس_العالم  بعد 28 سنة وكسرنا جول مجدي  عبد الغنى.. ولازم نتعلم ونطور فى اللي جاى فيما قال المنتج مدحت العدل : نتمني أن نقدم مباراة جيدة تنتهي بالفوز أمام السعودية الشقيقة ... ونسبة أن تصعد مصر للدور الثاني لم تكن تتعدي ٥ بالمائة .. حظ أوفر .. مع تحفظات كثيرة علي الإختيارات والتغييرات .. لابد أن يرحل كوبر لتطوير المنتخب ومن جانبه قال الفنان  محمد هنيدي : صلاح عمل اللي عليه وانه يكون راجع من إصابة ومستواه بالشكل ده ويعمل فرص شئ عظيم والإجهاد كان واضح عليه وبالرغم من كدة كمل المباراة عشان يحاول يعمل حاجة أما الفنانة رشا مهدي فقد قالت  : احنا ليه فجأه بنتعامل إننا جايين ننافس على كأس العالم .. و ليه ناسيين ان بقالنا ٢٨ سنه بنتفرج على غيرنا ولولا الرجالة دي كان زمانا برضو بنتفرج على غيرنا! ‏برافو ‫#منتخب_مصر رجاله شرفتونا وخليتونا نشارك العالم الحدث و أسعدتونا و عملتو اللي عليكم و زياده. ‏‫#فخورين_بيكم