أخبار عاجلة
مصطفى أبو تورتة.. عروض مجانية دعما لـ "نهال شعبان" بعد هروب مصطفى من الخطوبة
مازالت قصة مصطفى أبو تورتة تتصدر مواقع التواصل الاجتماعي بعد هروبه من حفل خطبته تاركا عروسه وراءه، فقدم العديد من الأشخاص والمجموعات ومؤسسات الأفراح عروضا للعروس نهال شعبان التي تعرضت لغدر خطيبها، في سبيل مواساتها ودعمها.
وبالرغم من أن القصة تحكي حاطثة مؤثرة لفتاة تدعى نهال شعبان مع خطيبها الذي غدر بها في حفل خطبتهم، وتركها وسط المدعووين متحججا بمرض خاله، ليهرب هو وأهله ويتركها وأهلها، ويأخذ تورتة حفل الخطوبة معه دون إتمام الخطبة، لتتهمه الفتاة وأهله بسرقة "تورتة" الحفل قبل المغادرة، الإ أن الواقعة أثارت العديد من التعليقات الساخرة.
قصة مصطفى أبو تورتة
ولمن لا يعرف، قصة مصطفى أبو تورتة بدأت عندما نشر حساب فتاة تدعى "نهال شعبان"، قصتها مع خطيبها السابق على إحدي جروبات الفتيات بموقع التواصل الاجتماعي "فيسبوك"، قائلة: "أنا كان مقرى فتحتى زى ما كله عارف على مصطفى وخطوبتى كانت يوم السبت، اللى فات المفروض، كان بينا مشاكل زى أى اتنين عاديين، وقلت دا عادى بيحصل بس اللي متخيلتش إنه يحصل إنه يسيبنى فى القاعة لوحدى.. اتفاجئت إنه مش عازم صحابه ولا قرايبه كلهم، وحسيت فى حاجة غلط، حتى مامته وأخته مفيش واحدة فيهم جت باركتلى وقولت أمشى اليوم،
كل ما أقوله فين الشبكه اللى هنلبسها يقوللى أصل اتكب عليها شربات أصل وقع جاتوه عليها.. طب خليها بعد البوفية وكلام كله غريب كدا لحد ما دخلنا بعد البوفية لقيت أهله كلهم مشيوا.. وقال إيه خالوا تعب! فيقوم أهله كلهم يمشوا وأنا فى القاعة لوحدى بدور عليه الاقيه بيصرخ برا ويقول خالى عيان وبيلطم وحاجات غريبة كدا وأنا أقسم بالله ما مستوعبة اللى بيحصل هو فى واحد خاله عيان عيلته كلها بتمشى الستات اختفوا بس كانو بيهزروا فوق نسوا العيان،
والأنيل إننا اكتشفنا إنهم أخدوا التورت معاهم طب مش خالك عيان.. أخدتوا التورت معاكم ملبستنيش شبكة.. وقبل كل دا بأيام جالى البيت وأخد التوينز بتاعت قراية الفاتحة بحجة إنه عايز يلبسنى كله مرة واحدة فى القاعة وأنا هبلة وافقت مجاش فى بالى للحظة واحدة انه هيعمل فيا كدا،
دلوقتى حابه أقول كل دا عشان ايه؟ كان ممكن ننهى بالمعروف من غير أذى نفسى ليا.. كان ممكن تسترجل وتيجى تقولى يلا نفركش وكنت لغيت الخطوبة.. مش جى وبترقص وتقولى محضرلك مفاجأة.. وفى نيتك تعمل فيا كدا.. حسبى الله ونعم الوكيل".
عروض وهمية للعروس نهال
ومن العروض التي نشرها بعض الأشخاص والمؤسسات على العروس لدعمها بعد غدر خطيبها، كان عرض عز الدين أحمد مكي، الذي نشر عبر صفحته، قائلا: "ولا يهمك يا نهال من #مصطفي_ابو_تورته، اتخطبى انتى بس و تصميم شقتك عليا ببلاش وتنفيذها هاخد فيها نسبه معقوله بس مليش دعوه بالتورته".
وأعلنت توب جير لتأجير السيارات، قائلة: "اللي يعرفها يمنشنها، زفة #نهال اللي جاية ببلاش من #توب_جير
#مصطفي_ابو_تورته #مصطفي_تورته".
فيما نشرت عيادة جلوري دريم بيوتي كلينك عبر صفحتها، فقالت: "و جلوري قررت تفرحك يا نهال، لما تيجي هتاخدي جلسة spa & massage ببلاش
روقي على نفسك و فوكك من #مصطفى_ابوتورتة، يلا وصلولها الpost و خلوها تيجي تنسى اللي حصل".
وأعلن شيراتون المطار عن عرض جديد لنهال، جاء: "احنا_اسفين_يانهال، الأسبوع ده عاملين عرض لكل الي اسمها نهال سرفس التورتة ببلاش و٥٠ في الميه تخفيض علي المشروبات . لاچولي لاونچ ٤٢ عمارات صقر قريش . شارع الحسن . مساكن شيراتون . امام النساجون الشرقيون .وللأستاذة نهال شعبان صاحبه المشكلة حفله الخطوبه الي جايه هديه من عندنا وخصوصا التورتة".
منال عبدالفتاح
